YOHANES 4:6 - PERJANJIAN BARU NALCA YUBA

⁶ Ban sokok sam ara, Yakub bedya oulyang aboka si simekaʾ den mek ulumok. Yesus alda balamookanya, hmeng umokaʾ anasa, ban mek denaʾ oulyang berem bul bilimok. Heng ara yubyek dukdukanek salek bul bilimok.

YOHANES 4:6 ပူးပေါင်းရင်းမြစ်များ

MATIUS 27:45

Dara hyak yubyek dukdukanek nong enyek, mok soko nidyaʾ ara iniwoka gunaʾ ok dok.

MATIUS 4:2

Yesus ara gwaneng bunya yubyek inimnek moruwoka, lika denga hnonok uboka ebdobnya mekbadya (empat puluh hari) mabmorumok. Dara alda gwaneng ok nong ubok.

MATIUS 8:24

Buka balamek sab-sab, hyak senenggom kaboʾ dorogoka, mek ekla bunaʾ ara mek lobsenjaʾ adya waboka olomok. Bok, Yesus ara hogunga mamok.

LUKAS 2:7

Sikja man e nera gloʾ orok anasa, Maria gera alja yando me nengma ak beibuk. Wera me nera seleb beiyiboka boksom adya waabok dara, pam amba denaʾ eleklemekaʾ ak sam meiyimok.

LUKAS 9:58

Yesus adya alak saaboka lebnemok dara, ”Wining ara e solomla, soko manaʾ ara oulyanga yak bok, nimi dibaʾ me nera man ekla era unggulumla,” hyok.

YOHANES 11:9

Wenhyek bok, Yesus adya saaboka lebokja, ”Li hnonok dara, dilinaʾ ara obadya jam ulumla do? Wera anasa, ben hnon ara sokok dan dilinaʾ ulumlaʾ anyek, yubyek pe keeboka yabalamla dara, wera girik oluka diknenggunumla.

YOHANES 4:12

Nunja neyung Yakub bedya, ban mek denaʾ oulyang enera nuk elegosuk. Yakub beneba alba anyagan meka delemookanya, alja mab eb, alja pama beillilimokaʾ nidyaʾ ara, al anyagan delemek. Bok, anda Yakub bek sokok nenewanalamakanya, anak dubnya danalam de?” hyok.

YOHANES 4:5

Pika balamookanya, Yesus ara Samaria sokok heik si Sikar heikek bilimok. Ban heik ara, Yakub bedya alja me Yusuf bek elegemok soko berem ulumok.

YOHANES 4:7

Alja diriga ban nang era heikek denaʾ dekel bilimek. Dara, Samaria gel gera meka gwel yeilimok dara, Yesus adya wenhyok, ”Wei, genong o, mek ok anasa, meka gweb eleganenelem,” aboka molowok.

2 KORINTUS 8:9

Ugunda Yesus Kristus, nunjaʾ Wenelesilnya ululanya bedya wanaʾ uboka eleksinaʾ ara, seleb gobdo ella ululum. Kristus ara ugunsamba bonaʾ garannya danyaʾ adya, ugunuk bonaʾ dub nimi dolulumaʾ aboka, alda dubnya bok bonaʾ garannya dok.

IBRANI 2:17

Ban nenesa leboka, Yesus ara gobdo nimi nonga dangoka, nim adya ununaʾ dobnunaʾ aboka ubuk. Wera anadya Yesus ara Imik Neyung amba bojam uboka, angoo yadyek senewoka arasinya dangoka, yuba wa gakaʾ dubnya ulununaʾ aboka ubsuk. Dara, nidyaʾ nim adya malya unaʾ doboka bobogosululaʾ aboka ubsuk.

IBRANI 4:15

Nunja senenggom yuba wa gakaʾ dubnya bera, alda nuk an igina kweboka malya nenelesilaʾ ara, alda elgom uboka, alba ununaʾ oroknya bek unggulumla. Bok, albabya numba ulusil sok, seleb bisaʾ adya sunubyaawoka uboknya bok, alda malya unaʾ ak hnonok mekaʾ oroknya bek ulumla!