YOHANES 4:38 - PERJANJIAN BARU NALCA YUBA

³⁸ Nara ugunja webnenggublum wak sam doka daknelum aboka orugusin. Yok nim edya orowek seleb nauba wemekaʾ anyek, ugunda daklumaʾ adya perobaʾ doblum,” hyok.

YOHANES 4:38 ပူးပေါင်းရင်းမြစ်များ

MATIUS 4:23

Galilea sokok ara Yesus nidyaʾ heikek yibiniboka, Yahudi nim edya yuba don ek sam yuba nekoka ura yabalesuk. Yesus adya Imik Neyung adya eimik era wenewanesil an perob yub enyek nekdo yabalesuk. Dara onoʾ hnonda nimi malya ulusuk nim eb, neiklemek nim eb, nauba hwelesuk.

YOHANES 1:7

Al pik uboka nimi nidyaʾ dib senewanokaʾ aboka, ban dilinaʾ enyek, geklewoka neksununaʾ aboka yeilimok.

YOHANES 17:18

Neyung anja nak sokok an bokol yeilinulum sok, nadya onoʾ sikenek sokok an boksisa.

YOHANES 4:37

Be hnon melemla dara, onoʾ yok nang daklamla, wenyalamak ara, dib nong.

YOHANES 4:39

Dara ban gel genedya, ”Nadya nidyaʾ ulusenya laga lenel,” hyokaʾ adya nimi nauba Samaria nim era, Yesus ak dib senewoka domek.

RASUL 2:41

Dara, Petrus bedya lelemok yub ek keboka dib senewoka domek nim ak meka dasik. Dara, nimi nidyaʾ ban sum Imik Neyung ak dib senewoka domek nim era hiboka denga salyeʾ obadya nang anaso, dangamek.

RASUL 4:32

Nimi nidyaʾ men Imik Neyung ak dib senemek nim era, ganya hnonok hiboka, neik nong unaʾ ok ulumek. Nimi ben hnon bonaʾ yokaʾ-yokaʾ nidyaʾ bobna dara, nabeyok gelelenga borunun ganya bonggulumek. Yokaʾ-yokaʾ nidyaʾ, sikenek ulumokaʾ ara neikaʾ bokoka pe bolomek.

RASUL 4:4

Bok, nimi nauba, sikja lelesirek yuba kemek nang era, dib senemek. Dara, sik Imik Neyung yuba dib senemek nim era, hiboka denga salyaʾ lambadya nang (lima ribu orang) dangamok.

RASUL 5:14

Bok, Imik Neyung ak dib senelemek nim era, sobaʾ nauba danggiga balamok. Nera gelewa anaba, nengmab anaba, nauba danggiga balamok.

RASUL 6:7

Wera danyek, Imik Neyung yub ara, onoʾ mok soko oboka lelebgiga yabalamok. Dara, Yerusalem heikek ara, nim Imik Neyung yuba doro diriga ban nang era nauba danggiga balamookanya, onoʾ al Yahudi yuba wa gakaʾ dub nang nauba eneba, Yesus ak dib senewoka Imik Neyung yuba dib domek.

2 KORINTUS 10:15

Imik Neyung adya ugunda anyagan welemnelum aboka gamaʾ iknenggusukaʾ ak an, yok nim edya welemaknya nenesa nonggo anggulumab. Bok nunda hnonok senelemabaʾ ara, ugunja yuba dib senenaʾ anyek nauba danggiga balamnamla dara, nunjinya nauba dolul, senelemab.