YOHANES 4:14 - PERJANJIAN BARU NALCA YUBA

¹⁴ nadya elegeisinya mek enyek delenya bera, eimik saaboka mek ok ubnenggunumla. Bok saaboka, nadya elegeisinya mek ek dara, alja nong lomok sam ara sob-sobaʾ yabalmorulamla mek anaso dangoka, dib embengaʾ ulmoubnaʾ eleganamla,” hyok.

YOHANES 4:14 ပူးပေါင်းရင်းမြစ်များ

MATIUS 25:46

Dara ban malya unulumek nim era, sobaʾ oka deregoka gweknaʾ ulmoubnaʾ heik ak weknamak bok, alda Imik Neyung ak pelemak nim era, embengaʾ ulmoublemnemak heikek wekel binimak,” aboka Yesus adya wenyhusuk.

MATIUS 5:6

Nimi gwaneng ok anaso uboka, Imik Neyung adya senelelanya nenyek hyak unulunob senelemak nim era, Imik Neyung adya sikenek gigiwoka eleganesil bok anasa, pe ulumak!

YOHANES 10:10

Hokaʾ donaʾ nimi yalamak dara, hokaʾ dobnun, nim obnun, malya uboka soldob menegonunaʾ aboka yalamak bok, nak dara, embengaʾ unaʾ dibaʾ elegoka, hyak nauba pe ulunokaʾ aboka yeilimsa,” hyok.

YOHANES 11:26

Dara, heknedya embengaʾ uboka nak dib senelenelnya bera, eimik era hyak dib somoganggunumla. Nera anda ella uboka dib senelam de?” hyok.

YOHANES 4:10

Gela ara ban wenhyok dara, Yesus adya alak, ”Anda Imik Neyung adya eleklesilaʾ ab, heknedya anak meka mololenggelaʾ ab, ella ulusom dara, anja alak molowanasom dara, alja dib embengaʾ unaʾ mek era eleganenggeso,” hyok.

YOHANES 4:11

Dara, gel genedya Yesus ak, ”Neyung o, anda mek gwenaʾ orok, mek oulyang ara hyak lom nong ok onu anasa, hekaʾ huboka dib embengaʾ unaʾ mek ara gwebnelam do?.

YOHANES 4:13

Yesus adya alak, ”Ban mek demeija nim era, eimik onoʾ saaboka mek ok ubnesil bok,

YOHANES 4:36

Doka daklamak nang ara, sikja deknaʾ seleb dolomak. Embengaʾ ulmoubnaʾ amba dakoka mamaklemak. Dara, eimik era doka doklomak nim eb, doka daklamak nim eb, ei-ei ganya daboka ulumnemak.

YOHANES 6:27

Anasa wera, ugunda blolomla songa lelemla gwaneng emba yeiriwoka wenggom mem. Nimi nonga ganya embengaʾ nenelesil gwaneng enesa, yeiriwoka welelulum. Ban gwaneng era nimi dibaʾ me adya eleganesil. Alja neyung bedya pe unulamna aboka alak beknaʾ beiyimok anasa, alja ugunuk eleganesil,” hyok.

YOHANES 6:35

Yesus adya sikenek, ”Na nong anyek nim embengaʾ ul eleksin gwaneng era alan. Heknedya nak yanamla dara, alda gwaneng oka sobaʾ unggulumnamla. Onoʾ heknedya nak dib senewanenel dara, alda mek ok unggulumnamla.

YOHANES 6:58

Dara, imik heikek ab uboka sokok yinggilimok gwaneng ban e. Ban gwaneng ara ugunja neyung yab edya Kanaan heikek balamek sum delemek gwaneng anaso gomaʾ. Sikda seleb demek dara, nidyaʾ somogek bok, heknedya ban lemna gwaneng denelanya bera, alda hyak dibaʾ ulmoublumnamla,” hyok.

YOHANES 7:37

Yahudi nang edya perob sum sidyaʾ longob dakamek sum enyek, Yesus ara sekoka bii aboka yuba nauba lelemokja, ”Heknedya mek ok ublya dara, or nak an del youlul.

ROMA 5:21

Anedya, malya unaʾ ara soko me nidyaʾ ob lelewok sok, nunjaʾ Wenelesilnya Yesus Kristus pik uboka, wanaʾ uboka eleksinaʾ anaba, perob nenesin pik uboka, embengaʾ ulmoubnaʾ amba ob lelewanamla.

ROMA 6:23

Malya unaʾ adya deknaʾ ara, somoknaʾ damok ak ulumla, bok Imik Neyung adya perob eleknaʾ era, nunja Wenelesilnya Kristus Yesus lomok ulumla embengaʾ ulmoubnaʾ unaʾ ak ulumla.

2 KORINTUS 1:22

Onoʾ Imik Neyung adya, nuk ouma debsuukanya, alja Geisinya bera aljaʾ nunja ganya lomok eleganesin amokaʾ anyek dib eleganesin an beknaʾ elegosuk.

EPESUS 4:30

Imik Neyung adya blebnesil sum emba, Geisinya bedya seleb ouma debsukaʾ anasa, Imik Neyung Geisinya bek ganya sugul eleknaʾ ara mem.

1 PETRUS 1:22

Ugunda Imik Neyung yub anyek dib senelelumaʾ adya, ugun nong ara seleb geisa nenebdangoka, neik yuba dololum nim ek ara pe wanaʾ ulusulum. Anasa leboka, ugun moumen pe ganya goluwoka wanaʾ uldalalulum.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.

WAHYU 7:16

Dara, sikda gwaneng oka, mek oka, kwebnenggunusil. Anya henga yu ab, yok pob edya dara, sikenek mekaʾ obnenggunusil.

WAHYU 7:17

Wera domba me, senenggom ekla bunaʾ ak hnoum ululanya bedya, sik nong ara pe beiyiwoka bo ulumnesilikanya, alda embeng mek luk sam bo balamnesil. Anya wera, Imik Neyung adya sikenek ulusil heng mekaʾ nidyaʾ ara, lubnesil,” wenyaboka lebnyok.