YOHANES 3:31 - PERJANJIAN BARU NALCA YUBA

³¹ ”Imik heik ab yeilinanya bera, yokaʾ-yokaʾ nidyaʾ amba dubnya ulumla. Sokok ab yeilinanya bera, nera alda sokok yokaʾanya anasa, alda sokok sam ululanya nenyek seiniro lelelabok, imik ab yeilinanya bera, hyak imik dubnya ulumla.

YOHANES 3:31 ပူးပေါင်းရင်းမြစ်များ

MATIUS 28:18

Dara Yesus ara sik berem yeiniboka, ”Nidyaʾ imik heikek ulumla migib eb, sokok sam ulumla migib era, nak Neyung bedya seleb eleganyok.

YOHANES 1:15

Yohanes bedya alsamba geklewoka nekesuk. Hnon wenyaro lelemokaʾ ara, ”Nak dara eimik, alda orowek men ulumokaʾ anasa, al eimik yanalanya bera, alak dara senenggomnya, nak dara meknya, wenyamsaʾ ara, ban benyek lemsa,” hyok.

YOHANES 1:27

Alda eimik nak yanalanya bera, alda senenggomnya bek anasa, nara meksonya bedya dara, alja yan ongonaʾ henga loboka gwiriwanggunusinya,” hyok.

YOHANES 1:30

Nak eimik yanalanya ara, alda men ulumok anasa, alda senenggomnya amsaʾ ara, ban benyek lemsa.

YOHANES 3:30

Alak dara, hyak nauba danggiga balamnelabok, nak dara mek danggiga balamnenel,” hyok.

YOHANES 6:33

Imik Neyung adya eleklesil gwaneng dibaʾ ara, imik heik ab yeiniboka soko nim ek embengaʾ unaʾ eleklesilnya bera alan,” hyok.

YOHANES 6:51

Imik heikek ab embengaʾ unaʾ gwaneng yinggyukaʾ ara, na nong ulumna. Anasa, heknedya ban gwanenga delenya bera, hyak sob-sobaʾ or ulmoublumnamla. Ban gwaneng era nadya nong ek lemna. Nadya nong ek, ban soko nim emba, nim embengaʾ ulunokaʾ aboka, eleganamnaʾ ak lemna,” hyok.

YOHANES 8:23

Dara, onoʾ Yesus adya sikenek ara, ”Ugunda sokok ab yeililum, nara imik ab yeilimsa. Ugunuk dara, anyagan sokoknya nek ululum, bok nak dara, anyagan sokoknya bek unggulumna.

RASUL 10:36

”Hem yab o, Israeli nim ek Imik Neyung adya lesuk yub era ugunda seleb ella ululum. Ban lesuk yub era, Yesus Kristus adya ganya hekdangoka un yub ek lebsuk. Ban Yesus ara nimi nidyaʾ siksamba Wenelesilnya ulusil.

ROMA 9:5

Wera sikda youmaʾ ulumek nang edya mengerob nang ulumaakanya, Mesias Kristus bera alda yokaʾ-yokaʾ nidyaʾ alak hnonok imik ululabok, nim ek sam ak dara sik nang yilaʾ ak ab beibek. Bok alda Imik Neyung sobaʾ giblemnemabnya bek ulumla. Amin!

IBRANI 9:1

Imik Neyung adya Israeli nim ek anaso unuwanalum an yuba elegosukaʾ ara, anaso unura giblelulum aboka lemoknya hnon, soruk adya solomek gibnaʾ e nek hnon, ulumok.

1 PETRUS 3:22

Wera Kristus ara imik heikek Imik Neyung sirikek sam bindewoka, lero nang ek hnon, nidyaʾ dub nang ulumakaʾ ab, senenggom migib ulumlaʾ nidyaʾ ara alja yuba kelemak.

1 YOHANES 4:5

Sondaʾ anasa nunda ununumnaʾ lelemab alamak nang era, sik nong ara sokok anyeb ulumakaʾ anasa, sikda sokok anyebnya nek geklewoka lero yabalamak. Dara, sokok nim era sikja yuba kelemak.

WAHYU 19:16

Hnon aljaʾ akleng ek ara, anya eilik ab dara, Mok soko me dub nang nidyaʾ dubnya ulumlakanya, nidyaʾ wenelesak nang dubnya ulumla, wenyaboka momnya domek si nenyek ulumokaʾ ak eibsa.