YOHANES 3:3 - PERJANJIAN BARU NALCA YUBA

³ Dara, Yesus adya Nikodemus bek, ”Nara anak dib lebgen, Nimi ben hnon penya beilinaʾ anam orok dara, alda Imik Neyung wenesin heikek sam ara mekaʾ eibnenggunumla,” hyok.

YOHANES 3:3 ပူးပေါင်းရင်းမြစ်များ

MATIUS 16:17

Danyek Yesus adya onoʾ alak, ”Anda Yunus mamnya Simon, anda hyak dib lerowalem. Nera nim adya anak neknenggubjak bok, alda nadya neyung be imik heikek eini ululanya bedya nekgelaʾ ak leblam.

MATIUS 19:24

Anya onoʾ hnon lebnesin, Nim abaksin pam unta ara, imir lom pik wekna dara, or weknamso bok, alda bonaʾ dub nang enyek, Imik Neyung wenesin heikek sam weknaʾ ara hyak okna nong ak ulumla,” hyok.

MATIUS 21:31

Anasa ban penya mabo dara, hek me nek sikjaʾ neyung bedya senemokaʾ ara gigiwoka unuwok do?” wenyaboka heibsuk. Dara, Imik Neyung yuba wa gak nang eb, Yahudi dub nang eb, sikja dara, ”Yando me nek,” hyek. Anasa Yesus adya sikenek, ”Ugunda banyek dib senewanalumaʾ ara: Mok soko amba rupiah molowoka dolomak nang eb, salyaʾ malya ura yabalamak gelewa enyek, Imik Neyung wenesin heikek men weknemaakanya, ugunuk dara, orok.

MATIUS 5:18

Ugunda banyek pe beknelum! Im ab soko ab anam denghenggumlya salek, momnya donaʾ hnonok gom, hngekom anaʾ sibin gom anaba, unuwanalum an yub ek ara mekaʾ denghenggunumla!

MARKUS 10:14

Wera anyek eiyiboka, Yesus ara alja yuba doro diriga ban nang ek yu ganya boboka lebokja, ”Imik Neyung wenesin heik era, banaso nang amba ulumla. Anasa sikenek ara mem anggom, nak or yanok.

MARKUS 9:47

Anjaʾ meneng heng edya an nonga malya ul eleklenggelya dara, unulunggelya heng era gurugoka bobogalom! Wera anda heng gebman nidyaʾ an nong ab uka desin heikek sam doro bobogalyek anasa, henga hnonok darasam ok uboka, Imik Neyung wenesin heikek weknelam dara, pewanalam.

YOHANES 1:13

Dara, nimi lunuwoka beillilisakaʾ adya gom, soko nang ganya seininaʾ adya gom, nimi unuwanamna senelamla adya gom, Imik Neyung adya ok Imik Neyung mabo nenesuk.

YOHANES 1:5

Ban dilinaʾ adya gunaʾ ak sam yeblamlakanya, gunaʾ adya dilinaʾ ak sikleldinggulumla.

YOHANES 1:51

Onoʾ Yesus alak, ”Ugunuk dib lebsin, ugunda nidyaʾ ara im pik bakoka, Imik Neyung lero nang adya nimi dibaʾ me ak wele golugoka ulumnamakaʾ eibnelum,” hyok.

YOHANES 12:40

”Dara, heng adya pe eibijek, ganya adya pe seiniweijek aboka, Imik Neyung adya sikja henga luma neneiyisuk, onoʾ ganya su kiyiwousuk. Sikda pe eiyiboka pe seiniwoka ganya dangaweijekanya, meiriyiweisinyek aboka umsa,” alamla.

YOHANES 3:4

Dara, Nikodemus bedya Yesus ak, ”Seleb nauba dangosonya benyek saaboka alja genong gedya mon lomok wekoka beibneseng de? Seleb nauba nesobok dara, unuwanggunuseng,” hyok.

2 KORINTUS 4:4

Sokok an malya unaʾ gakaʾ ululanya bedya, yuba dib senenggulumak nimi ganya ibel leblesil. Wera an bisaʾ dubnya benedya, Kristus bera Imik Neyung sununaʾ anedya, Kristus si imik nenen yuba dilinaʾ heng eibijek aboka, heng luma nenelesil.

2 KORINTUS 5:17

Anasa, Kristus lomok ulumak nim era, gobdo wenyok nimi dangalamak. Youmanya nera dengaboka, wera wenyoknya nok dangalamla.

GALATIA 6:15

Nimi bolaʾ garanaʾ gom, orok gom ara, hnon dib nong unggulumla. Alda nimi wenyek nong unaʾ dolomakaʾ ak, hnonok dib nong ulumla.

EPESUS 2:1

Ugunda youmaʾ dara, ugunja meknenaʾ malya unaʾ lomok ululumaʾ adya, ganya ak dara, seleb somogolum bok ululum.

TITUS 3:5

Alda nuk blebsukaʾ ara, nunja alak perobaʾ ak unumouba amba blebnenggubsuk bok, alda alja men nuk angoo yadyek senewoka arasinaʾ adya ok blebsuk. Imik Neyung Geisinya adya dib embengaʾ damok ab, penya beilinaʾ ab dara, nuk elegoka mek elegosukaʾ adya blebsuk.

YAKOBUS 3:17

Bok imik heikek ab yalamla geremseng unaʾ era, men nong ara alda geisa ganya boboka ulumla, anya onoʾ yok nim ek heknaʾ ganya boboka ulumlakanya, hekom aboka, pe yuba kebdangoka ulumla. Alda angoo yadyek senewoka arawoka, perobnya nok pe unuro balamla. Alda sene or-or unaʾ loboka hnonok ok sam ok ganya kwenggulumla.

1 PETRUS 1:3

Nunda Imik Neyung ak nunjaʾ Wenelesilnya Yesus Kristus alja giblelanya aljaʾ neyung bek gibnemab! Alda nuk angoo yadyek senewoka arasukaʾ sunuwoka, Yesus Kristus somoknaʾ ak ab embengaʾ suboka bukiyiwokaʾ adya, wenyek embeng unaʾ ara nuk elegosuk. Ban adya ganya welmorunaʾ ganya nuk elegosuk.

1 YOHANES 2:29

Alda pelemlaʾ ok ulumlaʾ ara, ugunda ella ululum. Anasa, pelemak nimi nidyaʾ ara, anera alak ab beiyimek nim ulumakaʾ ara, ugumbabya nen hnon ella ululum.

1 YOHANES 3:9

Seleb Imik Neyung mabo dangamek nim era, Imik Neyung alja unulamla diligaʾ yinaʾ anaso seleb sikenek ulusilaʾ anasa, sobaʾ malya unubmoruwamenggom. Dara onoʾ, sikda Imik Neyung adya mengesuk nim anasa, wera sob-sobaʾ malya unubmoruwamenggom.

1 YOHANES 5:1

Yesus ara Imik Neyung adya sokok blebsinaʾ dubnya Kristus aboka lesuk aboka dib senelelanya bera, alda aldib Imik Neyung alja me ulumla. Nimi hnon ben hnon ak wanaʾ ulumla dara, wera alaʾ me ak anaba wanaʾ ulumla.

1 YOHANES 5:18

Nimi nidyaʾ Imik Neyung mabo seleb dangamek nim era, sob-sobaʾ malya unulmorunggulumakaʾ ara nunda ella ulumab. Nera Imik Neyung alja me adya sikenek goluwoka bo ulusil dara, bisaʾ ara sikenek yokaʾ-yokaʾ hnon ununggulusil.

1 YOHANES 5:4

Anasa wera, Imik Neyung mab ulumak nim era, sokok an malya unaʾ hwam ulumlaʾ ara, migib adya ol lamaklamak. Dara onoʾ nenyek dara, nunja dib senenaʾ adya ara, sokok an yokaʾ-yokaʾ ol lamaklamab.

WAHYU 3:14

Laodikia heikek yuba donaʾ nim lero ek unu momnya dobnelamaʾ ara: ”Ban yub enera, Amin, yo aldib anaʾ damnya, yokaʾ-yokaʾ eiyiwoka aldib ulumla aboka, bojam uboka dib nong ok lelelanya, anya Imik Neyung adya yokaʾ-yokaʾ uyiwokaʾ nidyaʾ gaknya bedya yub era ban.