YOHANES 3:26 - PERJANJIAN BARU NALCA YUBA

²⁶ Dara, hnon nang ara Yohanes Pembaptis ak biniboka, ”Neyung neklesilimnya o, anab neikaʾ Yordan mek inik ulurumukanya, nuk amasulumnya bera, wera albabya nimi meka dalasilikanya, nimi nauba alak mamagal balamak,” hyek.

YOHANES 3:26 ပူးပေါင်းရင်းမြစ်များ

MATIUS 23:7

Hnonda, senenggom deknaʾ gasaʾ ak ara, Neyung neklesilimnya, perob aboka giblesinok senewoka, nim hogung dibnelewoka sekdo yabalamak.”

MATIUS 23:8

”Anasa ugunuk dara, ugunjaʾ neksinya bera hnonok ok ulusilekanya, ugunda nidyaʾ hiboka, hemyab ok ululumaʾ anasa, neksin nang aldanaʾ ara mem.

YOHANES 1:15

Yohanes bedya alsamba geklewoka nekesuk. Hnon wenyaro lelemokaʾ ara, ”Nak dara eimik, alda orowek men ulumokaʾ anasa, al eimik yanalanya bera, alak dara senenggomnya, nak dara meknya, wenyamsaʾ ara, ban benyek lemsa,” hyok.

YOHANES 1:7

Al pik uboka nimi nidyaʾ dib senewanokaʾ aboka, ban dilinaʾ enyek, geklewoka neksununaʾ aboka yeilimok.

YOHANES 1:9

Ban dilinaʾ ara dib nongnya ulumookanya, yeindeboka, nimi nidyaʾ ak sokok an yebellilisil.

YOHANES 11:48

Nunda alak or unululul senewoka eil lolomeibya dara, nimi nidyaʾ alak dib senewoka, onoʾ eimik era, Roma nang edya, nunja un mok soko alawanasakaʾ ak, alak eil lolomab aboka yuba salamek.

YOHANES 12:19

Dara, Parisi nang edya sik moumen, ”Wera ugunda yokaʾ unuldalalumaʾ ara kendululum. Nimi soko nimi nidyaʾ ara alak wekel yalamakaʾ ara eillililum,” aldalamek.

YOHANES 3:2

inimnek enyek, Yesus ak sam yeiniboka, ”Neyung neklesilimnya o, anja yokaʾ-yokaʾ migib unululamaʾ anyek, Imik Neyung adya anak aragenaʾ orok dara, wera unuwanggunusomaʾ anasa, anak dara Imik Neyung adya aldib sokok sam neksinya bokol yeilinjoknya bek ululamaʾ ara, nunda ella ulumab,” hyok.

YOHANES 4:1

Yahudi nang edya Yohanes Pembaptis bera mek so meka dalasil bok, Yesus ak dara, nauba meka daboka nimi doro dililamla an yuba kemek.

YOHANES 4:2

Ban wenyameknya nera, Yesus adya ununaʾ orok bok, alja diriga ban nang edya meka dalasik.

YOHANES 4:31

Wene salek enyek, alja diriga ban nang edya, ”Neyung o, wera or denaʾ seleb ulumlaʾ anasa, wera or del yabalom,” aboka alak dukaʾ lolom-lolom alamek.

YOHANES 5:33

Dara, ugunja seleb Yohanes Pembaptis bek, seleb nimi yuba kel bululum aboka bokol bililum dara, alja dib yuba seleb ugunuk leb elegesuk.