YOHANES 3:13 - PERJANJIAN BARU NALCA YUBA

¹³ ”Nimi hnonok sibin anaba imik heik sam embengaʾ welewanggubuk bok, nimi dibaʾ me nek imik heik ab yeilimoknya bek hnonok unumok.

YOHANES 3:13 ပူးပေါင်းရင်းမြစ်များ

MATIUS 28:20

Dara, nadya ugunuk wenyaboka neksisa yuba nidyaʾ ara, sikbabya boboka unulunokaʾ aboka neklemnelum. Anya, nara ugunuk sobaʾ arawoka ulusinyaʾ moruwoka, soko sidyaʾ daknamla ak dangal binimla,” wenyaboka nekgogowousuk.

MATIUS 8:20

Wenyek Yesus adya dara, ”Bei gam ara selengaʾ e ulumlakanya, wining ara eʾ ululabok, nimi dibaʾ me ak dara, huka beilinaʾ amba ekla hnon unggulumla,” hyok.

YOHANES 1:18

Nimi hnonok adya, Imik Neyung bek heng eilinaʾ sibin anaba orok bok, Imik Neyung alja me hnonok ara, alja neyung beb neikaʾ lelewoka uluraakanya, nadya neyung bera ban anaso ulumla aboka nuk amasuk.

YOHANES 13:3

Yesus ara, neyung bedya nidyaʾ yok-yok migib unulamlaʾ ara, nak seleb elegenyookanya, Imik Neyung ak ab yeilimsaʾ ara, onoʾ saaboka Imik Neyung ak binimna senewoka ella umok.

YOHANES 17:5

Anasa, Neyung o, soko anam uyiwanggulum danyek, anablaboka ulunumukanya, si imik nenenaʾ seleb dobsa sok, wenera anja saramek sam neik so imik nenewanenelem,” hyok.

YOHANES 3:12

Sokok sam an ululanya nenyek neksinaʾ anaba dib senenggululumaʾ anasa, nenera imik heikek sam ululanya nenyek neknesisinya dara, hekaʾ huboka dib senewanesom do?” hyok.

YOHANES 3:31

”Imik heik ab yeilinanya bera, yokaʾ-yokaʾ nidyaʾ amba dubnya ulumla. Sokok ab yeilinanya bera, nera alda sokok yokaʾanya anasa, alda sokok sam ululanya nenyek seiniro lelelabok, imik ab yeilinanya bera, hyak imik dubnya ulumla.

YOHANES 6:33

Imik Neyung adya eleklesil gwaneng dibaʾ ara, imik heik ab yeiniboka soko nim ek embengaʾ unaʾ eleklesilnya bera alan,” hyok.

YOHANES 6:38

Anasa, nara Imik Neyung heik ab yinggilimsaʾ ara, nadya ganya doboka yokaʾ-yokaʾ unulununaʾ aboka yanggumsa bok, na bokol yeilinyoknya unuwosulul senelamlaʾ anyek, unulununaʾ aboka yeilimsa.

YOHANES 6:42

Dara sikja, ”Al nong ara Yesus, aljaʾ neyung bera Yusuf. Aljaʾ genonga neyung ara nunda seleb ella ulumab bok, hekasa nara imik heikek ab yeilimsa alamla do?” alamek.

YOHANES 6:46

Ban wenyhenya nera, nim adya hnon Imik Neyung ara laga eiyirob ak lebnenggubna. Alja bokol yeilimoknya be hnonok seleb neyung bera heng adya okoka eibok.

YOHANES 6:51

Imik heikek ab embengaʾ unaʾ gwaneng yinggyukaʾ ara, na nong ulumna. Anasa, heknedya ban gwanenga delenya bera, hyak sob-sobaʾ or ulmoublumnamla. Ban gwaneng era nadya nong ek lemna. Nadya nong ek, ban soko nim emba, nim embengaʾ ulunokaʾ aboka, eleganamnaʾ ak lemna,” hyok.

YOHANES 6:62

Wera nimi dibaʾ me nera onsok saaboka youmaʾ ulumsaʾ ak welewanyaʾ eibmun bok dara, hekaʾ hubnalum do?

YOHANES 8:42

Dara, Yesus adya Yahudi nang ek lebokaʾ ara, ”Imik Neyung ara ugunja neyung be yokaʾ ulumso dara, nara nabeyok ganya doboka salyaʾ lelem sokok an yanggubsa bok, Imik Neyung adya bokol yeilinyok anasa, ugunda nak wanaʾ ulumnesom.

RASUL 2:34

Daud be nong anaba imik heik welewanggumok bok, alda yub adya lebokja, Wenelesilnya bedya nadya Wenelenelnya bek, Nadya anja isaʾ nang ara an damak namenaʾ gibiyiwanggumnya salek enyek, anda nadya sirik soruk sam bululom, aboka lebok.

RASUL 20:28

Anasa wera ugun dam nang pe diri bo uldalamunukanya, onoʾ Imik Neyung Geisinya adya ugunuk diri bo ulusinok aboka elegesuk Imik Neyung yuba donaʾ nimi nidyaʾ ak pe diri bo ulululum. Imik Neyung adya, alja me somogok pik uboka, yuba dolomak nang era, Imik Neyung adya alja domba pam dibaʾ dangiyisuk nang anyek, ugunja bo uboka diri ulululum.

ROMA 10:6

Bok ganya aldib senenaʾ adya dara, an wenyalamla, ”Ugunja ganya lomok ara anaso wenyanaʾ mem: Heknyek Kristus doboka bo gouluganamla anasa, imik heik welewanamla do?

1 KORINTUS 15:47

Men uyimoknya Adam bera, soko yokaʾ ak doboka uyimok, bok eimik Adam bera, imik heikek abaʾ ara yeilimok.

EPESUS 1:23

Yok-yok mok soko nidyaʾ yokaʾ-yokaʾ ulumlaʾ ak deknewoka ululanya Yesus Kristus alja nong dibaʾ ara, yuba don nimi hiboka ulumaakanya, sikba alja deknelesil nang ulumak.