YOHANES 20:31 - PERJANJIAN BARU NALCA YUBA

³¹ Bok, ban nidyaʾ anyagan momnya dorobnya nera, ugunja Yesus ara aldib Kristus nimi blebsinaʾ dubnya uboka, Imik Neyung me dibaʾ senewoka seiniwolulumaʾ aboka, dara alak dib senelemunaʾ adya, alja si nenesa leboka, ugunda embengaʾ unaʾ dibaʾ dobnelum aboka, ban yub era momnya dorob.

YOHANES 20:31 ပူးပေါင်းရင်းမြစ်များ

MATIUS 16:16

Dara Simon Petrus bedya, ”Neyung, anda Kristus, nimi blebsinaʾ dubnya ululam. Anda Imik Neyung embengaʾ ululanya bedya me ululam,” hyok.

MATIUS 27:54

Dara yin bonaʾ nang dubnya beb, alja mab eb dara, sogoumaʾ warawokaʾ nidyaʾ unuru yibokaʾ ak eibek dara, hyak loka dabsuk. Anasa yin bonaʾ dubnya bedya, ”Aldib ban benera Imik Neyung bedya me ulumo e!” hyok.

MATIUS 4:3

Dara Iblis adya Yesus ak yeiniboka, ”Anda Imik Neyung me ulumen dara, banyan girik danyek gwanenga nenewanelam,” hyok.

MARKUS 16:16

Nimi nidyaʾ yuba dib senenggulumeija nim era, igina kweiyiwanesil bok, yuba dib senewoka meka dalesija nim era, blebnesil.

LUKAS 1:35

Wenyek lero enedya saaboka, ”Imik Neyung Geisinya ara an nong ak yanamlakanya, Imik Neyung hyak imik migibaʾ ululanya bedya migib era anak golul yanenggel. Anesemba, anja eimik beibnelam me nera, alda Imik Neyung bedyaʾ geisa me alamnemak.

LUKAS 1:4

Wera anedya, neyung anak an neklenjek yuba dara, aldib unumokaʾ ak senewoka ella ululomaʾ aboka unuwanamna.

LUKAS 24:47

Anya onoʾ nimi blebsinaʾ dubnya bedya si pik moruwoka, nidyaʾ soko yuba lero yabalameija dara, sikda nidyaʾ malya unaʾ ak ab ganya dangawanamak dara, Imik Neyung adya sikja malya unaʾ sikenek ab sobaʾ meewanasil. Anasa, ban lero ban yub era Yerusalem heikek ab uboka einiwanamak.

YOHANES 1:49

Dara, Natanael bedya, ”Rabi o, anda Imik Neyung me ululam, anda Israeli nang edya senenggom dubnya ululam,” hyok.

YOHANES 10:10

Hokaʾ donaʾ nimi yalamak dara, hokaʾ dobnun, nim obnun, malya uboka soldob menegonunaʾ aboka yalamak bok, nak dara, embengaʾ unaʾ dibaʾ elegoka, hyak nauba pe ulunokaʾ aboka yeilimsa,” hyok.

YOHANES 19:35

Dara, ban nidyaʾ unulumokaʾ anyek okoka ok ab eiyimoknya bedya, aldib unumok aboka laga neksuukanya, alja eiyimoknya bedya unumok hyokaʾ ara aldib lebok. Alja lebok yub era dib nong yub anyek ella uboka, ugumbabya dib senelelulumaʾ aboka nekesuk.

YOHANES 20:28

Dara, Thomas bedya Yesus ak lebokja, ”Nadyaʾ neyung Wenelenelemnya, nadya Imik Neyung alan ululam,” hyok.

YOHANES 3:18

Alak dib senewoka dolomak nim era, Imik Neyung adya eimik yana lelewoka igina boyiwanggunesil. Bok, alak dib senenggulumak nim era, wera, Imik Neyung alja hnonok me nedya si nek dib senenggulumakaʾ anasa, seleb igina dobnemakaʾ lomok ulumak,” hyok.

YOHANES 3:36

Heknedya Imik Neyung bedya me nek dib senewalenya bera, dib ulmoubnaʾ ganya seleb dolomla, bok heknedya alja me nek bleklelanya bera, dib ulmoubnaʾ ganya hyak dobnenggunumlakanya, Imik Neyung adya yu ganya ara al nong ak sob-sobaʾ ulumnamla,” hyok.

YOHANES 5:24

Nadya ban lelemnaʾ ara dib lebsin, heknedya nadya lelemna yub ek pe keboka neyung be na bokol yeilinyoknya bek dib senewalya dara, alda seleb embengaʾ unaʾ ara, alak dib uboka, alda seleb somoknaʾ damok ab ara, embengaʾ unaʾ ak sam yibilimokaʾ anasa, eimik alak Imik Neyung adya igina yakaʾ boyiwanggunusil.

YOHANES 6:40

Anasa wera, nadyaʾ neyung bedya alja orowek senelamlaʾ ara, nak heng eiyiboka dib senelemak nimi nidyaʾ ara, dib ulmoubnaʾ ganya dobnamak senelamla. Dara, sidyaʾ daknamla sum era, nara sikenek embengaʾ bukoka sekiyiwanesin,” hyok.

RASUL 10:43

Men ununumnaʾ lelemek nang eneba alsamba yuba geklewoka lelemek. Dara, sik lelemek yub era, ban wenyaboka lelemek ara, nimi nidyaʾ Yesus si ak dib senewanamak dara, Yesus migib adya sikja malya unaʾ memelemnesil, hyek,” hyok.

RASUL 3:16

Dara, ban eiyiboka seleb ella ululumnya benyek, Yesus si adya, Yesus si ak dib senenaʾ adya merewal. Aldib, alda seleb migib uboka eikaʾ nong dalaʾ ara, Yesus ab alja migib ek dib senenaʾ nong adya ok ubla. Yesus ak dib senenaʾ adya, ban benera, hemyab o, ugunja hogung ak sam laga eikaʾ merewal,” hyok.

RASUL 8:36

Wera sik penya dara, pikik anam balareekanya, wera meka ulumokaʾ ak sam yok sam birik. Dara, Etiopianya bedya, ”Wera, mek ara an ulumla anyek kendelom. Anasa wera, nak ara hekaʾ mekso ulunel anasa, meka danenaʾ ara lobnenelem do?” hyok.

RASUL 8:37

Dara Pilipus bedya Etiopianya bek, ”Neyung o, anda hyak Yesus ak ganya gekman dib senewamen dara, wera meka dabnenggen,” hyok. Dara Etiopianya bedya, ”Nara Yesus Kristus ara Imik Neyung bedya me dib ulumla ara dib senelamna,” hyok.

RASUL 9:20

Dara nenyek moruwoka, Yahudi nim edya yuba don e pik biniboka, nimi yok nang ek, Yesus ara aldib Imik Neyung bedya me dibaʾ aboka lel eleklesuk.

1 PETRUS 1:9

Dara, ugunja yuba dib senenaʾ nong anyek gigiwoka pelesilaʾ adya, wera ugunja ganya blebsinaʾ nong ara dib dololum.

1 YOHANES 4:15

Heknedya Yesus ara Imik Neyung bedya me aboka laga lelemla dara, Imik Neyung ara al lomok ulumlakanya, bera onoʾ Imik Neyung lomok ulumla.

1 YOHANES 5:1

Yesus ara Imik Neyung adya sokok blebsinaʾ dubnya Kristus aboka lesuk aboka dib senelelanya bera, alda aldib Imik Neyung alja me ulumla. Nimi hnon ben hnon ak wanaʾ ulumla dara, wera alaʾ me ak anaba wanaʾ ulumla.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.

2 YOHANES 1:9

Kristus adya neklesuk yub ek pe salalmoubnaʾ loboka, Kristus adya yub ak pik aklel hwilimak nim era, sikda Imik Neyung orokaʾ ak ulumak. Alda Kristus adya neklesuk yuba lomok pe ululanya bera, neyung Imik Neyung anaba, alja me neneba yakaʾ ak ulumla.

WAHYU 2:18

Tiatira heikek yuba donaʾ nimi lero ek ban unuwoka momnya dobnelam: ”Ban yub enera Imik Neyung bedya me, alja heng era uk bokaʾ laralamlaʾ anaso uboka, alja yan era gabya silikaʾ uka damnaʾ ak seng-sengaʾ mengewoka delemlaʾ sokaʾ ak delelanya bedya, yub ek ulumla.