YOHANES 20:30 - PERJANJIAN BARU NALCA YUBA

³⁰ Yesus adya hyak yokaʾ-yokaʾ damoka nauba, alja yuba doro diriga ban nang edya hogung ak yokaʾ-yokaʾ lok soʾ beknaʾ nauba unulumok bok, buku enyek an unulumokaʾ nidyaʾ eleʾ gigiro momnya dobnenggurub.

YOHANES 20:30 ပူးပေါင်းရင်းမြစ်များ

YOHANES 2:11

Yesus adya, alja senenggom migibaʾ beknaʾ sokok unura yabalamokaʾ hyak men youbuka unumoknya nera, Kanaan heikek ab unumok. Ban unumokaʾ adya, alja senenggom migibaʾ unaʾ era laga dangamok. Dara, alja diriga ban nang era, alak dib senemek.

YOHANES 21:25

Dara, Yesus adya unulumokaʾ ara yokaʾ-yokaʾ hyak nauba hnon unulumok. Ban nidyaʾ pe yana lelewoka ellaʾ gigiro momnya doseng dara, nadya dara, wera soko me nidyaʾ lendeboka oulyang okna danamsoʾ anasa, hnon darasam buluk loboka momnya dorob.

YOHANES 6:2

Yesus adya yokaʾ-yokaʾ lok soʾ beknaʾ nauba unuwoka nimi hwelesukaʾ anyek, eiyiboka nimi nauba dirigoka dobdongoro balamek.

ROMA 15:4

Anasa nidyaʾ yokaʾ-yokaʾ men danyek momnya doboknya nera, nuk anyeganyeb ella danamak senewoka seleb unu momnya dobok. Wera anedya nunda pe ganya gouluwoka salabmoubnaʾ ab, geisa Imik Neyung yuba momnya dobokaʾ ak ab ganya sangaldisinaʾ ab dadya, ganya welemnamab aboka unuwok.

1 KORINTUS 10:11

Israeli nim ek, nidyaʾ unulumokaʾ ara, nun yok nim enyek, anaso unuweibyek aboka, beknaʾ dibaʾ ulusil. Ban Imik Neyung adya unumoknya nidyaʾ momnya dobokaʾ ara, nuk wenesinaʾ dibaʾ ubsuk. Nunda sidyaʾ daknamla salek ulumab nim emba ubsuk.

1 YOHANES 5:13

Ugun Imik Neyung bedya me si nek dib senelelum nim ek, ban momnya doboka beibsin. Anadya ugunda dib embengaʾ ulmoubnaʾ ara seleb nunjaʾ ak ulusil senewoka ella dolulumaʾ aboka ubna.