YOHANES 20:21 - PERJANJIAN BARU NALCA YUBA

²¹ Dara onoʾ, Yesus adya saaboka lebsukja, ”Maly, lok ganya bonggom. Neyung bedya nak sokok sam bokol yeilinyok sok, nadya ugunuk Imik Neyung yuba lero balalulum aboka boksin,” hyok.

YOHANES 20:21 ပူးပေါင်းရင်းမြစ်များ

MATIUS 10:16

”Ugunda banyek pe beknelumaʾ ara: Nara ugunuk bei gam hnoum domba pam anasoʾ ak boknesin. Anasa ugunda bagaʾ adya geremsengaʾ ulumla sok hnon, yalma wining namen ulumla anasoʾ ak ulululum.

MATIUS 10:40

”Heknedya ugunuk perobaʾ leboka dolosinya bera, alda anara nak dolonel. Anya nak dolonelnya bera, alda nak sokok bokol yeilinyoknya bek dolomla.

LUKAS 24:36

Sikda wenyaboka nekoka anam yuba saro balamek sab-sab, Yesus ara sik gangganek sekoka lebokja, ”Ganya heknaʾ ara, ugunuk ulusulul!” hyok.

YOHANES 13:20

Ugunuk wenyhesinya nera dib nongaʾ lebsin, heknedya nadya boklenanya bek doboka dililamla dara, alda nak doro dililenel. Heknedya nak doro dililenel dara, alda nak bokol yeilinyoknya bek doro dililamla,” hyok.

YOHANES 14:27

Ganya daboka unaʾ ara ugunuk lobonggo binisin. Narinya nenyek ugunuk elegoka lo binisin. Sokok anyeb eleklesilnya nenesoʾ ak eleganggunusin. Anasa, ugunda mounduk-mounduk aboka lok ganya bonggom,” hyok.

YOHANES 20:19

Dara onoʾ, al on minggu en men sum enyek seleb inimok dara, Yesus alja yuba doro diriga ban nang era, Yahudi nang enyek lok anasa, obsijek aboka pika gasa seregoka, hnonokaʾ ak longomek dara, Yesus ara albeyok sik gangganek sam gelelenga sekel yeilimok dara, sikenek, ”Maly, lok ganya bonggom,” aboka lebok.

YOHANES 20:22

Dara, ban wenyabgogomokaʾ seleb dara, sikenek hibaʾ gob goluwoka, ”Wera Imik Neyung Geisinya doblulum,” asuk.

YOHANES 20:26

Dara, onoʾ nenyek minggu sum enyek, Yesus alja yuba doro diriga ban nang eb, neikaʾ Thomas beblaboka neikaʾ ak ulumek. Dara, e pika nidyaʾ gasa seregoka longomek bok, Yesus ara gabdeboka sik hnoumunga sekoka, ”Maly, lok ganya bonggom,” hyok.

YOHANES 3:17

Imik Neyung alja yando me sokok sam bokol yeilimokaʾ ara, anyagan yana lelelesululaʾ aboka bokol yanggumok bok, alda alja me nedya soko nim ek blebsululaʾ aboka bokol yeilimok.

RASUL 1:2

Yesus ara alda anam imik heik sam binggumok salek, Imik Neyung Geisinya migib adya arawoka, nadya yuba lebnokaʾ aboka yuba lenaʾ gak nang ek anyek pe unuwanalum aboka wenewoka neklesuk.

RASUL 1:8

Bok, ugunda Imik Neyung Geisinya ugunuk sam seleb yeisilya dara, ugunda migibaʾ dobnelum. Dara, Yerusalem heik ab, nidyaʾ Yudea sokok ab, Samaria sam ab ara, nidyaʾ soko dagolongnaʾ me nidyaʾ, nasamba yuba bo lero yabalemnelum,” hyok.

2 TIMOTIUS 2:2

Nadya anak nimi hnoumuk sam ab uboka nekenggesa yub era, onoʾ anja dara, saawoka bojam ulumakaʾ yok nim ek pe neknemeija nang ek unuwolulum aboka, nekoka dib lolonglesilom.

IBRANI 3:1

Wera anasa, nadyaʾ hemyabo geisa nim Imik Neyung adya youbsuk nim o! Nunja dib dolomab yuba lenaʾ gaknya bek, Imik Neyung yuba wa gakaʾ dubnya Yesus bek anyek, ugunja ganya ologoka seinilelulum.

3 YOHANES 1:14

Alda anab neikaʾ eibdeinimekanya, ok ab neikaʾ bukoka pe sabnomaʾ aboka, dubla anaʾ loboka yananabok anasa, lobna.