YOHANES 20:16 - PERJANJIAN BARU NALCA YUBA

¹⁶ Dara, Yesus adya Maria gek, ”Maria o,” hyok. Wera danyek, Maria gera dangawoka, Ibrani yub adya, ”Rabboni o,” hyok. Rabboni nunja yub era, neklesilimnya alamla.

YOHANES 20:16 ပူးပေါင်းရင်းမြစ်များ

MATIUS 14:27

Bok Yesus adya danyek, ”Nara Yesus ak anasa, ugunda ganya gwelelek hululum. Ugunda lok ganya bonenggom, mem!” hyok.

MARKUS 10:51

Dara Yesus ara heng lumnya bek, ”Anja dara, hekaʾ hubnulul senelam do?” wenyaboka heibuk. Wenyek alda Yesus ak, ”Neyung neklesilimnya o, nara henga gwelegoka eibsinya senemna!” hyok.

LUKAS 10:41

Danyek Wenelesilnya bedya lebokaʾ ara, ”Marta, Marta o. Anak dara, yokaʾ-yokaʾ ganya ok dokoka seiniro balalam.

YOHANES 1:38

Yesus al kemel samalamookanya, al weilik sam yalarekaʾ eibuk dara, wenyhusuk, ”Ugunda hekaʾ aboka do?” hyok. ”Rabi o, anda har sam malalam do?” arek. (Rabi ara nunja yub era, neklesilimnya aboka lerek).

YOHANES 1:49

Dara, Natanael bedya, ”Rabi o, anda Imik Neyung me ululam, anda Israeli nang edya senenggom dubnya ululam,” hyok.

YOHANES 10:3

Pam lekaʾ ak sam welelanya bedya dara, pama beiyek yibinokaʾ aboka pika bakna dara, pam ara damnya bedya yuba keboka, nidyaʾ ellaʾ gigiro si yok-yok silisin dara, beiyik goboka mengelesil pika balamak.

YOHANES 11:28

Marta gedya Yesus ak ban seleb wenyabgogomok dara, saaboka bindiwoka Maria gek gelelenga lebenggemok, ”Nimi neklesilnya bera anyagan seleb yalakanya, anak youlul aboka youbonggel,” hyok.

YOHANES 13:13

Ugunda nak Neklesilimnya, Wenelesilimnya, alanulumaʾ ara, al unu ulumnaʾ anasa, dib lelenulum.

YOHANES 20:28

Dara, Thomas bedya Yesus ak lebokja, ”Nadyaʾ neyung Wenelenelemnya, nadya Imik Neyung alan ululam,” hyok.

YOHANES 3:2

inimnek enyek, Yesus ak sam yeiniboka, ”Neyung neklesilimnya o, anja yokaʾ-yokaʾ migib unululamaʾ anyek, Imik Neyung adya anak aragenaʾ orok dara, wera unuwanggunusomaʾ anasa, anak dara Imik Neyung adya aldib sokok sam neksinya bokol yeilinjoknya bek ululamaʾ ara, nunda ella ulumab,” hyok.

YOHANES 5:2

Yerusalem heikek domba pam pik aboka si silimek sereknaʾ berem, Ibrani yub adya, Betesda aboka silimek mek gwan ulumok. Anyagan ara, senenggomaʾ yangamek ekla lambadya gwaneb ganagamok.

YOHANES 6:25

Dara sikda nimi gong dara, eer bindiwoka Yesus ara mek gemek ok an ulumokaʾ eiyimek dara alak, ”Neklesilimnya o, anda hek sum ek anyagan yeilimom do?” aboka heibek.

RASUL 10:3

Dara yok sum enyek, hyak yubyek henga dalnenelamla wenyek, yok so ak amamookanya, Imik Neyung lero ara Kornelius bek yeiniboka alak, ”Kornelius o, Kornelius o,” aboka youblumok ak okoka kebok.

RASUL 9:4

Wera danyek, Saulus bera sokok sam malyingginiboka, onoʾ imik ab sam yuba hnon alak, ”Saulus o, Saulus o, anda hekasa nak lobaʾ nenewoka olonelem do?” hyok.