YOHANES 2:16 - PERJANJIAN BARU NALCA YUBA

¹⁶ Dara, Yesus adya yalma wining deklemek nim ek wenyhusuk, ”Ugunda ban doboka bo bululum. Ugunda nadyaʾ neyung bedya e nera, salyaʾ dekna e nenenggom mem,” hyok.

YOHANES 2:16 ပူးပေါင်းရင်းမြစ်များ

MATIUS 21:12

Wera Yesus ara, Imik Neyung e eremek sam wekoka, anyagan bonaʾ beiyiboka dekoka rupiah amomaʾ elekdangoka ulumek nim ek yakal yabasuk. Anya, Yesus ara rupiah amomaʾ ubdangoka deklemek yanganaʾ gal ab, yalma wininga gouboka beiyiboka deklemek yanganaʾ gal eb dara, dolub menegok.

MATIUS 21:13

Anya unulumek nim ek an, ”Imik Neyung yuba bukuk sam momnya dobokaʾ ara, Nadya e nera henga uboka Imik Neyung ak molon e alamnamak. Bok ugunja dara, hoga don nim e nenelelum!” hyok.

MATIUS 22:5

Bok yub en beiyisuk nim edya danyek, yanamab senewanggumek. Sikda nidyaʾ ara sikja wa ganya dokol bilimek. Hnon nim era sikja wak sam bilimek, hnon nim era sikjaʾ bonaʾ memelamla ak sam wel bilimek.

MARKUS 11:17

Dara onoʾ Yesus ara anyagan longomek nim ek nekel yabookanya, wenhyokaʾ ara, ”Bukuk momnya dobokaʾ ara, Nadya e nera nidyaʾ mok nim emba heng uboka molonaʾ e henemak aboka momnya dobnenggubuk de? Bok ugunja danyek, malya nang edya murukna oulyanga seleb geblum,” hyok.

LUKAS 2:49

Yesus adya sikenek lebsukaʾ ara, ”Ugunda hekasa nak elenurum do? Nara nadyaʾ neyung bedyaʾ e lomok sam ulumnesinya ara, ugunda elgom ulurum de?” hyok.

YOHANES 10:29

Nadyaʾ neyung bedya, sik nonga nak doboka elegenyoknya bera, yokaʾ-yokaʾ nidyaʾ ara mek so bok, alda hyak senenggomaʾ imiknya ulumlaʾ anasa, alja bo ulusilaʾ anasa, alja soruk ak ab yoknya bedya bleboka dobnenggunusil.

YOHANES 2:15

Ban unulumekaʾ eiyimookanya, Yesus adya henga doboka legebnaʾ meewoka, domba pam ab, sapi pam ab, yokaʾ-yokaʾ nidyaʾ deklemekaʾ ara, e weilik ab hyak nidyaʾ doluwoka yaksuk. Dara, rupiah amomaʾ ubdangdo unulumek nang era, sikja rupiah nidyaʾ dolub menegoka, yanganaʾ gala yaawoka sen-senem ab menegemok.

YOHANES 20:17

Danyek Yesus adya, Maria gek, ”Nadyaʾ neyung bek anam binggumnaʾ anasa, anda nak soruk salanenggom. Bok, anda berra aboka nadya hemyab ek bimenekanya, Yesus ara seleb nub alab, nunja neyung Imik Neyung bek, binimla aboka, wenyal bilom,” hyok.

YOHANES 5:17

Bok Yesus adya Yahudi nang ek, ”Nadya neyung bedya weneba or wa weldibilloklamlaʾ anasa, wera nababya welemna,” hyok.

YOHANES 8:49

Bok, Yesus adya sikenek, ”Nara bisaʾ gologanenggom. Nara Imik Neyung bek imik nenelamna bok, ugunja danyek, nak derewoka walenulum.

1 TIMOTIUS 6:5

Dara nim enera, gogobaʾ hman ganya ok wek deknewoka neik ganya ok bobmoubuka ulumak. Nim en sik ulumak pik seleb serekleboka, yuba doboka dib jong pik era hnon laga dangoka unggulumla. Dara, nidyaʾ bonaʾ dukaʾ dangalamak ara, yuba dolomakaʾ adya anasa unuwanamab senelemak.

2 PETRUS 2:3

Sikenek sondaʾ yub ok miniwoka neklesak nang ek adya, ugunja sikenek perobaʾ elegosunuk senewoka, dib gomnya nenyek miniwoka ugunuk neklemnesak. Bok ban unulumakaʾ amba leboka, Imik Neyung adya igina yakaʾ ara seleb orowek beibuk, hnonda nenesemba leboka Imik Neyung adya sikenek obnesin aboka gegewoknya nera or anam diri ulusil.