YOHANES 19:30 - PERJANJIAN BARU NALCA YUBA

³⁰ Wera, Yesus adya seleb debgogowoka, ”Wera seleb nidyaʾ gigiwal,” hyok dara, nganga gukoka ganya dubhin dakoka somogok.

YOHANES 19:30 ပူးပေါင်းရင်းမြစ်များ

MATIUS 27:50

Dara onoʾ Yesus ara hyak nauba ebngalogoka ngeboka ganya dibaʾ dubhina dakoka somogok.

MATIUS 3:15

Bok Yesus adya Yohanes bek ara, ”Nunja ban unulumab adya, Imik Neyung adya unuwanok senelamlaʾ ara an anasa, unulumab bok anasa, wera or meka dabnenelem,” hyok dara, Yohanes bedya Yesus ak meka dabok.

MARKUS 15:37

Dara, Yesus ara ebngalagoka lelemokaʾ ara, dubhina dakoka somogok.

LUKAS 22:37

Anasa ugunuk dib lebsin, Imik Neyung yuba lero momnya dobokja, Alda malya unaʾanya beneso nenewek hyoknya nera, nak an nidyaʾ gigiwoka unuwanamla. Anasa Imik Neyung yuba bukuk sam nasamba geklewoka momnya dobokaʾ ara, wera an seleb gigiwoka unul yibel an,” hyok.

LUKAS 23:46

Danyek Yesus ara senenggomaʾ ngeboka lebnemokaʾ, ”Neyung o! Anjaʾ soruk lomok sam nadyaʾ embengaʾ unaʾ ganya era, elekdan!” hyok. Seleb wenyabgogowok dara, alda somogok.

YOHANES 10:11

”Nara domba pama pe beilinanya dibaʾ ulumna e. Domba pama pe beilinanya dibnya bera, alja nong enyek pam amba somogamnyaʾ anaba senelamla.

YOHANES 10:18

Na nong ak dara, nadya ganya doboka or obnulum anaʾ orok bok dara, wera obnenggununeseng bok, nadya ganya doboka or ubnulum henesinya. Anasa, nara ganya doboka eleklesinya uboka, onoʾ saaboka onsok donaʾanya ulumna. Ban wa nera Neyung bedya nak unu welelulaʾ aboka elegenyok,” hyok.

YOHANES 17:4

Neyung o, nara anja elegenulum wa nenyek seleb webgogowanaʾ adya, wera anja si nera sokok an imik nenewagesa.

YOHANES 19:28

Wera, Yesus adya yokaʾ-yokaʾ nidyaʾ ara hyak seleb unumokaʾ ella ulumookanya, Imik Neyung yuba ununumnaʾ yuba momnya dobokaʾ anyek gigiwolulaʾ aboka lebokja, ”Nara mek ok ubnel,” hyok.

YOHANES 4:34

Dara Yesus sikenek, ”Nadya denaʾ era, nadyaʾ neyung, nak bokol yeilinyoknya bedya, alja senelamla anyek, unululul senelamlaʾ hnon, nak welelulaʾ aboka lenyok wa hnon, senenenya loboka welemna dara, wera nadya denaʾ era alan,” hyok.

ROMA 10:4

Unuwanalum an yub pik peldisinaʾ damok elemekaʾ ara, Kristus yeilimok adya alak peldisinaʾ damok dok. Wera anedya nimi nidyaʾ ganya alak aldib senelemak nang era, peldisinaʾ en dolomak.

ROMA 3:25

Anera Imik Neyung adya men, ganya dib senenaʾ anasa leboka, Yesus eneng pik enyek anyeb nimi malya unaʾ amba deksulul aboka, Kristus Yesus ara nim amba elegosuk. Alja or unulunok senelemok salek, unulumek malya unaʾ era anesemba hnon yokaʾ unuwanggubsuk anasa, wenera alja ban unuwokaʾ damok ara, aljaʾ pe ununanya nera anaso abdok ara an.

1 KORINTUS 5:7

Dib nong ara, ugunda perob eldaknenggulumla roti anaso seleb ululum bok, wenera ugunda ban youmaʾ malya unaʾ anaso roti eldaklamla anyek boboganalumukanya, hyak perob wenyok eldaknenggulumla roti anaso onoʾ perob danalum. Anasa wera, Kristus nong anyek seleb blebsinaʾ domba pama dangamokaʾ adya, wera nera malya unaʾ amba seleb somogokaʾ ulumlaʾ anasa lebna.

PILIPI 2:8

Alda ganya sokok nenebdangoka ulumokaʾ moruwoka, Imik Neyung senemoknya nok unuwoka somogok. Somogokaʾ ara, gal dubuk somogok.

IBRANI 12:2

Anasa nunda nunja, ganya dib senenaʾ arawoka bo balasilnya be Yesus bek, nunja ganya dib senenaʾ ara pe munaʾ peldaknaʾ ak bo balasilnya bek heng yokaʾ bekoka hyak pe unulumnamab. Alda derelemekaʾ ara eiwaawom aboka, ganya eiya dabnaʾ alsamba ulumokaʾ ara lunuwoka on gal enyek ganya gouluwoka jaboka bobok. Anya wera alda Imik Neyung bedya ekla bunaʾ ek ara sirik ek sam bulumla.

IBRANI 9:22

Yahudi nim edyaʾ unuwanalum an yub edya dara, yokaʾ-yokaʾ nidyaʾ ara eneng adya ok malya umnaʾ ara geisa nenelemok. Dara, malya unaʾ anaba al eneng nong anyek yeknaʾ orok dara, malya unaʾ ara memenggulusuk.