YOHANES 19:11 - PERJANJIAN BARU NALCA YUBA

¹¹ Dara, Yesus adya Pilatus bek, ”Imik Neyung adya unun migibaʾ, neyung anak elekgenaʾ orok dara, wera, neyung anda yokaʾ-yokaʾ salyaʾ ganya doboka unuwanggunusom. Anasa, neyung o, anak gom, alda nak oblulum aboka yuba diyinelnya benyek, alja malya unaʾ era hyak senenggomaʾ ulumla,” hyok.

YOHANES 19:11 ပူးပေါင်းရင်းမြစ်များ

MATIUS 26:65

Wenyek Imik Neyung yuba wa gakaʾ dubnya bera, alja boksom gweldekdangoka, ”Bera Imik Neyung si ak malya nenelamla! Anasa yoknya bedya dib malya unulamla hululaʾ aboka ebnenggunumab. Alja Imik Neyung si malya geblamlaʾ ara, ugunja okoka seleb keblum.

MATIUS 27:2

Wera sikda Yesus ak gel heng adya goubeekanya, Roma nim dubnya Pilatus bek bo elegel byik.

MATIUS 6:13

Nunda nauba sunulusil ak sam bo yangganggunesilim bok, alda hyak meilinya bek ab blebnesilem. Anda hyak senenggom migib dubnya uboka, anja si nera sobaʾ imik ulmorulumnamla. Amin.”

MARKUS 14:44

Wera yuba dil bilimoknya bera, orowek sikinek banyek wenyasuk, ”Nadya songa diniwoka gibnennya bera, wera alda an. Anasa, ugunda benyek henga goubnelumukanya, alda pe bo yanalum,” wenyabgogomok.

LUKAS 22:53

Lika sobaʾ nara ugunub neikaʾ Imik Neyung ek sam ulumouba bok, ugunda nak ara henga goubnenggunulum. Bok, gunaʾ migib anyek hyak perobaʾ dangoka yeiriwanamla sum geknewalaʾ ara wera ugunda an unul yabalum,” hyok.

YOHANES 18:13

Henga goubekaʾ seleb dara, Kayafas bedya aljaʾ yamal bek, ban salek era, Yahudi nim edya yuba wa gakaʾ dubnya Hanas ulumokaʾ ak bo byik.

YOHANES 18:3

Dara, Yudas bera orowek ella ulumok bok adya, Yahudi yuba wa gakaʾ dub nang eb, Parisi nang eb dadya, orugusik Imik Neyung e diri ulumek nang eb, Romawi yin bonaʾ nang eb dara, yin ab, wesaʾ ab, doluknaʾ gamaʾ ab, boboka Yudas be we mengelemok pik yeilimek.

YOHANES 19:10

Anasa wera, Pilatus bedya Yesus ak, ”Anda nak yuba sal eleknenaʾ orok ara lek senelam de? Nadya or oboka gal ak glablulum e, or henga loblulum e, henesininya bera nara an ulumnaʾ ara, anda elgom ulunelem de?” hyok.

YOHANES 3:27

Wera Yohanes Pembaptis bedya dara, ”Nim ara Imik Neyung adya sikenek eleganggunususo dara, yokaʾ-yokaʾ dobnenggunuseng.

YOHANES 7:30

Ban sum enyek Yesus ak Yahudi nang edya salawoka henga gobnobaʾ aboka ulumek bok, alja unun salek anam danggumokaʾ anasa, nimi soruk hnonok sirik anaba alak salawanggumek.

YOHANES 9:41

Yesus ara sikenek, ”Ugunda henga lum dibaʾ ulusom dara, ugunuk ara malya unaʾ nang henggunusisinya. Bok, heng larawoka eillilimab alalumaʾ adya, malya unaʾ lomok anam ululum,” hyok.

RASUL 2:23

Imik Neyung adya al orowek ella unuboka unuwonun senewoka seinimok sok, alja me Yesus ara ugunuk seleb elek losuk. Dara, ugunda malya nang ak elegoka, sikda alak doboka galak glabekaʾ adya, ugunda alak olum.

RASUL 3:13

Orok, Abraham beb, Ishak beb, Yakub beb, nunja neyung yabo sikja giblemeknya Imik Neyung bedya, ban unumla adya alja me Yesus imik nenewal. Al Yesus anyek, ugunja dub nang ek oblulum aboka doboka elegel bililum. Pilatus bedya henga lobnunaʾ aboka ulumok bok, ugunja alja saramek ab wekdo dorogolum.

RASUL 4:28

Imik Neyung o, sikda yokaʾ-yokaʾ unuwanamla aboka orowek men senelumnya nenyek ok unumek. Anja migib lomok uboka, anja ganya edya ok unuwanamna senelumnya nok unumek.

ROMA 11:36

Dara yokaʾ-yokaʾ nidyaʾ ara alak ab, al adya, anya alamba. Anasa alak ara si imik nenenaʾ alsamba ok hyak sob-sobaʾ giblemnemeijaʾ anyek ulusulul!

ROMA 13:1

Imik Neyung bek ab gom mok soko dub nang era hnon unggulumak anasa, nimi yok-yok aljaʾ imik uboka wa bolomak mok soko dub nang ek ara hyak pe kelelulum. Dara an wen ulumak mok soko dub nang era, Imik Neyung adya memewoka sekeldilisil.

YAKOBUS 1:17

Yok-yok perob eleksinaʾ nidyaʾ ara, yok-yok dilinaʾ uyimoknya Imik Neyung adya, imik heikek abaʾ ara dolunglamla. Anya Imik Neyung ara yokaʾ danganaʾ adya, alda yok bokaʾ dangaldinggulumla.

YAKOBUS 4:17

Wera anasa, nimi ben hnon pe ununaʾ ara ella ululadyok, ununggulumla dara, malya unaʾ ara alan.