YOHANES 18:8 - PERJANJIAN BARU NALCA YUBA

⁸ ”Nara alan seleb wenyasinaʾ anasa, aldib nasamba elenumun bok dara, yok nang bululum hululum,” hyok.

YOHANES 18:8 ပူးပေါင်းရင်းမြစ်များ

MATIUS 26:56

Bok, youmaʾ ununumnaʾ lelemek nang edya ban nenyek unuwanamla aboka orowek momnya dobeknya nenyek gigiwolulaʾ aboka nera ublum,” hyok. Dara, Yesus adya yuba doro diriga ban nang era alak ok loboka, sen-senem abgokek.

YOHANES 10:28

Nara sikenek sobaʾ ulmorulunokaʾ aboka embengaʾ unaʾ eleganesin dara, sikda hyak somoganggunumak. Nimi yok nim edya nadya soruk ak ab hyak bleboka dobnenggunusak.

YOHANES 13:1

Paskah sum era ampum so dok dara, Yesus ban sokok anara loboka, aljaʾ neyung bek binimok salek era oka dokaʾ ara ella ubok. Sokok an alja yuba dolomek nim ek sobaʾ wanaʾ ulusuk sok, onoʾ sirikaʾ daknamok sum eneba wanaʾ ubsuk.

YOHANES 13:36

Simon Petrus bedya, ”Wenelesilimnya o, anda hekmok binilam do?” aboka heibok. Yesus alak lebokaʾ ara, ”Na binimnaʾ ak ara wen anda dobol yanggununelem bok, eimik ek dobol yananelem,” hyok.

YOHANES 16:32

Ugun doluwoka bokgoknesak salek ara, eimik yanamla, hnonda al wen seleb yal. Ugunda ugunja e pik bokgokoka bindowanalumukanya, nara nabeyok lo bininulum bok, nabeyok unggulumnamna, nadyaʾ neyung beb neikaʾ alablaboka ulumnanam.

YOHANES 18:7

Dara onoʾ, Yesus adya saaboka hnon, ”Ugunda heknya ek obnobaʾ aboka elelum do?” aboka heibsuk dara, ”Nunda Nazaretnya Yesus benyek elemab,” hyek dara,

YOHANES 18:9

Yesus adya ban wenhyoknya nera, alja orowek lemok yub era, ”Neyung o, anja nak doboka elegenulum nang era, hnon weiningdanggunumak,” amoknya nenesa gigiwolulaʾ aboka lebok.

1 KORINTUS 10:13

Ugunuk an sunulyamalesil sununaʾ ara, yok nimi nidyaʾ anaba, sunulyamalesil soknya nek ulusil. Dara, Imik Neyung ara hyak bojam ululanya ulumlakanya, ugunuk yokaʾ adya senenggomaʾ sunulyamelesil dara, Imik Neyung adya ugunja migiba sunuwoka, uka nauba sunulwenenggom henemla. Dara, ugunuk sunulyamalesil sum era, ugunda pe siklewoka ululumaʾ aboka, Imik Neyung adya pika bak lobnesil.

2 KORINTUS 12:9

Bok Imik Neyung adya dara, ”Anda hmeng ululam danyek, nadya migib era, gobdo nauba dangalamlaʾ anasa, nara anak wanaʾ uboka elekgenaʾ ara seleb nauba ulunggel,” henyok. Nara hmeng ulumna ak an, Kristus adya migibaʾ nak gouluwoka bo ulumnenelaʾ anasa, nara hmeng ulumnenel dara, nonggo alamnamna.

EPESUS 5:25

Kristus adya alja yuba donaʾ nim emba leboka, wanaʾ uboka al nonga siksamba elegousuk sok, ugun nenyab ara, ugunja gelewa ek anaso pe wanaʾ ulululum.

1 PETRUS 5:7

Imik Neyung adya ugun nong ak wanaʾ ulusilaʾ anasa, ugunuk an ganya elesilaʾ nidyaʾ ara nunda unulusil aboka alak elegoululum.