YOHANES 18:5 - PERJANJIAN BARU NALCA YUBA

⁵ ”Nunda Yesus Nazaretnya benyek elemab,” hyek. Dara, Yesus adya dara, ”Bera nara alan,” hyok. Wera, Yudas bera Yesus ak yuba dil bilimoknya beneba neikaʾ anyagan ulumek.

YOHANES 18:5 ပူးပေါင်းရင်းမြစ်များ

MATIUS 2:23

Wera Galilea sokok ara, Nazaret alamek heikek sam ulumek. Ban unumoknya nera, Yesus amba leboka ununumnaʾ lelemek nang edya, ”Alda Nazaret mok ebnya,” henemak ameknya nenyek gigiwolulaʾ aboka umok.

MATIUS 21:11

Dara, Yesus balamokaʾ amba nimi nauba neikaʾ balamek nim edya, ”Alda ununumnaʾ lelelanya, Yesus ara an, alda Galilea sokok Nazaret heikek abnya bera an,” wenyalamek.

YOHANES 1:46

Natanael wenhyokaʾ ara, ”Nazaret alam de? Perobaʾ ara, Nazaret heik ab lanawanamso de?” hyok. Wenyek Pilipus bedya, ”Kemel yalom,” hyok.

YOHANES 18:4

Dara, Yesus ara alak yokaʾ-yokaʾ nidyaʾ unuwanamekaʾ ara nidyaʾ orowek ella ulumok bok adya, alak obnobaʾ aboka we yanggek nang sik berem yeiniboka, ”Ugunda heknya ek el yabalelum do?” husuk.

YOHANES 18:6

Yesus adya, ”Nara bera alan,” aldalamok enyek, obnobaʾ aboka we yeilimek nang era ban kemek dara, glaka sokok malyinggilimek.

YOHANES 19:19

Wera Pilatus bedya, Yesus oboka glamek gal ak sam ara, Yesus ara Nazaret mok ebnya, Yahudi nimi dubnya an momnya donaʾ enyek doboka geregolulum aboka orugousuk.