YOHANES 18:20 - PERJANJIAN BARU NALCA YUBA

²⁰ Dara, Yesus adya alak lebokaʾ ara, ”Nara sokok an hyak nidyaʾ lelewoka laga lelemsa. Nara Yahudi nim edya yuba don ek hnon, Imik Neyung ek sam Yahudi nimi nauba longomnaʾ ak hnon, nara gunuwoka lenaʾ ara orok, nidyaʾ laga poboka lelemsa.

YOHANES 18:20 ပူးပေါင်းရင်းမြစ်များ

MATIUS 24:26

Anasa nim adya ugunuk, Nimi blebsinaʾ dubnya bera wera hwalek sam ono ulumlaʾ bar kemel bululum henesak dara, ugunda dib senewoka kemel banaʾ ara mem. Gom, sikja ugunuk, Alda ban e lomok an ulumla henesakaʾ anaba, ugunda dib senenaʾ ara mem.

MATIUS 26:55

Dara Yesus adya nimi nauba anyagan alak obnobaʾ aboka yek nang ek, ”Ugunja dara, nara nim onaʾanya senewoka oldan gab ab doluknaʾ mal gal eb bo bo yeililum de? Dara, lika sobaʾ nara Imik Neyung e eremek sam neklesino bok, nak ara henga goubnenggulunulum!

MATIUS 26:65

Wenyek Imik Neyung yuba wa gakaʾ dubnya bera, alja boksom gweldekdangoka, ”Bera Imik Neyung si ak malya nenelamla! Anasa yoknya bedya dib malya unulamla hululaʾ aboka ebnenggunumab. Alja Imik Neyung si malya geblamlaʾ ara, ugunja okoka seleb keblum.

MATIUS 4:23

Galilea sokok ara Yesus nidyaʾ heikek yibiniboka, Yahudi nim edya yuba don ek sam yuba nekoka ura yabalesuk. Yesus adya Imik Neyung adya eimik era wenewanesil an perob yub enyek nekdo yabalesuk. Dara onoʾ hnonda nimi malya ulusuk nim eb, neiklemek nim eb, nauba hwelesuk.

MATIUS 9:35

Wera Yesus ara nauba heikek bini, mek heikek bini, hnon heikek ebaʾ ara, onoʾ yok heikek bini ura yabalamok. Alda Yahudi nim edya yuba don e pik Imik Neyung adyaʾ perob yuba leb elegoka, hnonda Imik Neyung adya eimik wenewanasilaʾ anyek perob yuba neklesuk. Dara onoʾ hnonda nonga malya ura balasuknya neb, yok-yok neiknaʾ salalesuknya nera nauba hwelesuk.

MARKUS 8:32

Yesus ara hyak laga poboka alja yuba doro diriga ban nang ek, anaso unuwanamla aboka neksuk. Wenyek Petrus bedya, Yesus nonga glib salawoka, ”Neyung, nera wenyanaʾ ara loblom,” hyok.

LUKAS 21:37

Yesus ara yubyek era, Imik Neyung ek sam yuba lel eleklesinaʾ ara, inimnek era, Zaitun meinik heikek sam anyagan mabnunaʾ aboka balamok.

LUKAS 4:15

Dara ban salek era, Yesus ara Yahudi nim edya yuba don ek sam nim ek yuba lero yabalesuk dara, nimi nidyaʾ alak gigilemek.

YOHANES 18:21

Wei, anda hekasa nak heinelem do? Nak heinenaʾ ara loboka, alda nadya sikenek yokaʾ-yokaʾ nidyaʾ leboka lelemnaʾ ara, hyak dib pe ella ulumakaʾ anasa, nadya yuba kemek nim ek heibnesilim,” hyok.

YOHANES 6:59

Yesus adya ban nidyaʾ lebokaʾ ara, Kapernaum heikek Yahudi nim edya yuba don ek ab yuba lelesuk sum enyek lebok.

YOHANES 7:14

Yahudi nang perob sum anam mamagemekaʾ hnoumung bok, Yesus ara Imik Neyung ek wekoka anyagan yuba leb einiwousuk.

YOHANES 7:26

Wera kendululum, alda laga sekoka neklesil bok, nim yok nim edya yuba alak sal eleknenggulumak. Anasa, nunja Yahudi dub nang adya dara, Imik Neyung adya Kristus nimi blebsinaʾ dubnya eleganesin amoknya bera alan, eiyimakaʾ anasa, lolomak gom?

YOHANES 7:28

Dara, Yesus ara Yerusalem Imik Neyung ek sam anam lelesuukanya, yuba senenggomaʾ bii aboka lelemokja, ”Al dib, ugunja dara, nara ella ulunulum. Nara hekmok ebaʾ ak yasaʾ ara ella ulunulum bok, nara yasaʾ ara nabeyok salyaʾ ganya doboka yanggubsa. Bok, na bokol yanyoknya bera alda hyak dib nong ulumla. Ugunda alak elgom ululum bok,

YOHANES 7:4

Nimi ben hnon alja lok soʾ unulamlaʾ ara, laga senenggomaʾ nidyaʾ oboka lelewolulaʾ aboka dara, doknoboka gelelenga unuwanggunumso. Seleb unululamaʾ anasa, nimi nidyaʾ hogung ak amalesilom,” wenhyek.

YOHANES 8:2

Onoʾ Yesus maboka gwelegok dara, hyak lugunaʾ nong enyek, Yerusalem heikek Imik Neyung ek yeilimok. Dara, nimi nauba al damak mamagal yeilimek dara, alda bukoka, onoʾ Imik Neyung yuba sikenek lelesuk.

YOHANES 8:26

Nadya ok ganya doboka yuba nauba ugunuk nekoka yana lelewanasisinya. Bok, nak bokol yeilinyoknya bera dib nong ulumlakanya, alja anyek leblul senewoka neklenelnya nok sokok lelemna bar,” hyok.

RASUL 26:26

”Dara, Agripa dubnya beneba, nera aldib lelemla senewoka ella ulunel. Wera anasa, nara alja hogung ak ara asaʾ ganya boboka lelemna. Ban nidyaʾ lelenanya nera, hyak doknowoka unuwanggumok anasa, hnonok mekaʾ sirigaʾ anaba, alda eibnenggumoknya nera unggulumla senelamna.