YOHANES 18:12 - PERJANJIAN BARU NALCA YUBA

¹² Dara, Romawi yin bonaʾ nang eb sikjaʾ dubnya beneba, Yahudi nim edya Imik Neyung yub ek pe keeboka bo ulumek nang eb, Yesus ak soruka salawoka henga goumek.

YOHANES 18:12 ပူးပေါင်းရင်းမြစ်များ

MATIUS 26:57

Yesus henga goubul yeilimek nang era, seleb goubek dara, bo balameknya nera, Imik Neyung yuba wa gakaʾ dubnya Kayafas bek, Yahudi yuba neksin nang eb, Yahudi dub nang eb dara, seleb orowek longomekaʾ ak bo byik.

MATIUS 27:2

Wera sikda Yesus ak gel heng adya goubeekanya, Roma nim dubnya Pilatus bek bo elegel byik.

MATIUS 27:27

Dara yin bonaʾ nang edya Yesus ara doboka, mok soko amba yuba san e senenggom e eremek bo yek dara, yok yin bonaʾ nang nidyaʾ hiboka Yesus ak akneb ganagoka longowek.

MARKUS 14:53

Dara Yesus ara yuba wa gaknya senenggomnya bek sam bo byik. Dara, yuba wa gakaʾ dub nang eb, yuba neksin nang eb, Yahudi soko dub nang eb dara, nidyaʾ anyagan longomek.

MARKUS 15:1

Hyak lugunaʾ nong dara, yuba wa gakaʾ dub nang eb, Yahudi dub nang eb, yuba neksin nang eb, yuba yana lelesin nanga nidyaʾ, ban nang dara, unuwanamab aboka yuba seleb sabek. Dara, sikda Yesus ak henga geregoka bo balameknya nera, Pilatus bek bo elegel byik.

LUKAS 22:54

Wera sikda Yesus ak seleb henga gouboka bobek dara, Imik Neyung yuba wa gakaʾ dubnya bedya ek bo byik. Bok Petrus bera eimik dobgiga mok so balamok.

YOHANES 18:3

Dara, Yudas bera orowek ella ulumok bok adya, Yahudi yuba wa gakaʾ dub nang eb, Parisi nang eb dadya, orugusik Imik Neyung e diri ulumek nang eb, Romawi yin bonaʾ nang eb dara, yin ab, wesaʾ ab, doluknaʾ gamaʾ ab, boboka Yudas be we mengelemok pik yeilimek.

RASUL 10:1

Kaisarea heikek ara nimi si ben hnon Kornelius ulumok. Alda Italia nang aboka si simek yin bonaʾ nang dubnya ulumok.

RASUL 21:31

Yahudi nang adya Paulus bek obnobaʾ aboka dulumek dara, onoʾ wene salek enyek, Roma yin bonaʾ dubnya bek Yerusalem heikek ara, wenera nimi doluwoka oldalamla aboka wenyal bilimok.

RASUL 21:37

Dara wera, Paulus bera yin bonaʾ nang adya sikja gasa ek bo weknunaʾ ul yabok salek, Paulus bedya senenggom yin bonaʾ dubnya bek, ”Or nara anablaboka mek yuba sabnenam gom?” aboka heimok. Dara yin bonaʾ dubnya bedya, ”Anda Yunani yub ara ellaʾ salalam gom?” aboka heimok.

RASUL 23:10

Wera hyak senenggomaʾ mala dibaʾ lanabdangoka oldal yibik dara, anyagan yin bonaʾ dubnya bedya dara, unuldeijekanya, Paulus bek giliwoka gal wabnaʾ geboka obijek aboka, yin bonaʾ nang hnon ak, Paulus be doboka bo bimunukanya, e lomok bo bululum aboka orugusuk.