YOHANES 17:5 - PERJANJIAN BARU NALCA YUBA

⁵ Anasa, Neyung o, soko anam uyiwanggulum danyek, anablaboka ulunumukanya, si imik nenenaʾ seleb dobsa sok, wenera anja saramek sam neik so imik nenewanenelem,” hyok.

YOHANES 17:5 ပူးပေါင်းရင်းမြစ်များ

MATIUS 25:34

Dara dubnya bedya sirik ek sam nim ek lebnamlaʾ ara, Nadya neyung bedya perobaʾ nenewousuk nim ek anasa, youlululum. Ban soko en uyiwanggom salek enyek, ugunsamba orowek leboka beibsuk heik enyegan or weklulum.

YOHANES 1:18

Nimi hnonok adya, Imik Neyung bek heng eilinaʾ sibin anaba orok bok, Imik Neyung alja me hnonok ara, alja neyung beb neikaʾ lelewoka uluraakanya, nadya neyung bera ban anaso ulumla aboka nuk amasuk.

YOHANES 10:30

Nab Neyung beb dara, hnonok ok ulunam,” hyok.

YOHANES 14:9

Yesus adya alak, ”Pilipus o, nara ugunub sobaʾ neikaʾ ulumab bok anasa, anda nak anam elgom ulunelem de? Heknedya nak eibnelya dara, wera Neyung bek seleb eiyiledya. Anasa, hekasa Neyung bek aaweisilom alalam do?

YOHANES 17:1

Wera Yesus ara ban nen seleb wenyabgogomok dara, imik sam keeb weininggoka, Imik Neyung ak lebokja, ”Neyung o, unun salek era wera seleb laga dal. Anasa, Neyung o, anja me nedya anak si imik nenewogululaʾ aboka, albabya alja si nenyek wen imik nenewalom.

YOHANES 17:24

”Neyung o, anja nak elegenulum nang edya, soko anam uyiwanggom danyek, men orowek anja nak wanaʾ ulunulumaʾ anasa, wera si imik nenenaʾ elegenulumaʾ anyek, sikda na ulumnyaʾ ak ulumeijekanya, nak si imik nenenaʾ anyek, sikba eibnokaʾ aboka mololamna.

YOHANES 3:13

”Nimi hnonok sibin anaba imik heik sam embengaʾ welewanggubuk bok, nimi dibaʾ me nek imik heik ab yeilimoknya bek hnonok unumok.

YOHANES 8:58

Dara, Yesus adya sikenek, ”Ugunuk dib lebsin, Abraham bera anam unggulumok salek, nak men ulumsa,” hyok.

PILIPI 2:6

Kristus ara al ulumokaʾ ak dara, Imik Neyung dibaʾ ulumok bok, Imik Neyung ulumnaʾ anara sobaʾ ulunun ganya ok bobnenggumok.

IBRANI 1:10

Dara onoʾ Imik Neyung adya hnon lebokaʾ ara, ”Wei, Wenelesilimnya o, men dara, soko nidyaʾ ara anja uyiwoka, onoʾ im anaba ambeyok uyiwoulum.

IBRANI 1:3

Imik Neyung adyaʾ hyak imik senenggom dilinaʾ era, me al nong ulumla. Imik Neyung nonga laga unaʾ dibaʾ ara, Yesus adya unaʾ pik an ulumla. Wera sokok sam ab imik sam hnon nidyaʾ ulumlaʾ amba dara, alda migib yub adya akwaʾ doboka bo ulumla. Yesus ara soko nim emba malya unaʾ ak ab seleb perobaʾ nenebgogowok dara, Imik Neyung hyak imik ululanya beb neikaʾ imik heikek sam nimi wenewoka bo usin ekla bunaʾ ak sam bukok.

1 PETRUS 1:20

Imik Neyung ara soko anam uyiwanggom bok, Kristus ak men weboka doboka sekiyimok. Wera mok soko sidyaʾ daknamla salek enera, ugunuk blebsununaʾ aboka sokok sam yeilimok.

1 PETRUS 1:21

Wera ugunda Kristus anyek nimi somoknaʾ ak ab embengaʾ suboka bukiyiwoka, imik nenewoknya be pik anyeb uboka, Imik Neyung bek ara dib senelelum. Anasa Imik Neyung enyek anyek, ugunda dib senewoka, onoʾ Imik Neyung enyek ganya nebom aboka diri ululum.

1 YOHANES 1:2

Ban embengaʾ unaʾ en laga dangal yabok sum era, nunda alak okoka eiyimouba. Anasa wera, nunda anasemba leboka ban embenga unaʾ anyek ugunuk lero yabalamab. Wera ban dib embengaʾ ulmoubnaʾ ara, Neyung beblaboka neikaʾ ulurekaʾ ara, alda nuk hogung ak seleb laga dangamok.

WAHYU 13:8

Dara ban yu nongaʾ ak ara, sokok an ulumak nimi nidyaʾ ara, alak giblemnemak. Bok anam soko uyiwanggom salek enyek ab moruwoka orob domba me aljaʾ nim embengaʾ un buku lomok sam si unggulumlya nim era, ban yu nongaʾ ak giblemnemak.

WAHYU 3:21

Nara malya unaʾ oblamagoka nadyaʾ neyung beb alja eklaʾ bunaʾ ak sam neikaʾ bulunuma sok, heknedya malya unaʾ ak ab oblamaganalanya bera, nadya bulumna ekla bunaʾ ak sam or neikaʾ buknenam aboka lebnamna.”