YOHANES 17:4 - PERJANJIAN BARU NALCA YUBA

⁴ Neyung o, nara anja elegenulum wa nenyek seleb webgogowanaʾ adya, wera anja si nera sokok an imik nenewagesa.

YOHANES 17:4 ပူးပေါင်းရင်းမြစ်များ

LUKAS 22:37

Anasa ugunuk dib lebsin, Imik Neyung yuba lero momnya dobokja, Alda malya unaʾanya beneso nenewek hyoknya nera, nak an nidyaʾ gigiwoka unuwanamla. Anasa Imik Neyung yuba bukuk sam nasamba geklewoka momnya dobokaʾ ara, wera an seleb gigiwoka unul yibel an,” hyok.

YOHANES 12:28

Dara, Yesus onoʾ molowokaʾ ara, ”Neyung, anja si nek imik nenelelom,” hyok. Dara, imik ab yuba hnon doblinggoka lebokja, ”Youmaʾ hnon seleb imik nenewasebok, onoʾ hnon saaboka imik nenewanamna,” hyok.

YOHANES 14:13

Neyung bek, me adya imik nenewolulaʾ aboka, ugunja or hekaʾ ok do nadya si sibuka mololonumun dara, unulumnesin.

YOHANES 14:31

Bok, sokok an ara, Neyung bek wanaʾ ulumnakanya, Neyung bedya orugunyoknya nok unulamnaʾ ara, ella danaseng. Anasa wera, nunda anyaganyebaʾ ara binimab,” hyok.

YOHANES 15:10

Nadyaʾ neyung bedya orugenyok yub keboka unulamsakanya, alja wanaʾ unaʾ ak ulumna sok, ugumbabya nadya oruklesin yuba keboka unulumun dara, ugunda nadya wanaʾ un ak ulumnulum.

YOHANES 19:28

Wera, Yesus adya yokaʾ-yokaʾ nidyaʾ ara hyak seleb unumokaʾ ella ulumookanya, Imik Neyung yuba ununumnaʾ yuba momnya dobokaʾ anyek gigiwolulaʾ aboka lebokja, ”Nara mek ok ubnel,” hyok.

YOHANES 19:30

Wera, Yesus adya seleb debgogowoka, ”Wera seleb nidyaʾ gigiwal,” hyok dara, nganga gukoka ganya dubhin dakoka somogok.

YOHANES 4:34

Dara Yesus sikenek, ”Nadya denaʾ era, nadyaʾ neyung, nak bokol yeilinyoknya bedya, alja senelamla anyek, unululul senelamlaʾ hnon, nak welelulaʾ aboka lenyok wa hnon, senenenya loboka welemna dara, wera nadya denaʾ era alan,” hyok.

YOHANES 5:36

Bok nak geklewoka lelemla yub era, hnon senenggomaʾ ulumlakanya, Yohanes Pembaptis bera mek so lelenyok. Anasa wera, nadya wen hekaʾ unulamnaʾ ara, neyung be na bokol yeilinyoknya bedya unuwoka welelom aboka orugenyokaʾ anyek welemnaʾ adya, wera nara aldib Imik Neyung bedya bokol yeilinyokaʾ anyek geklewoka lelenel.

YOHANES 9:3

Dara Yesus adya, ”Anam beiyimek salek ebaʾ henga lum ubmoruwoka alja malya ulumokaʾ amba, aljaʾ genong aljaʾ neyung adya malya ulurek amba gomaʾ. Alda Imik Neyung migib adya welemlaʾ laga dalya enyek nim eibnokaʾ aboka ubok.

RASUL 20:24

Nara Imik Neyung adya nuk wana uboka aralesil perob lero yanggan yub enyek, laga lelemnesilim aboka elegenyok wa anyek, pe senenya loboka webdaknun senelamnaʾ adya, nadya nong ak dara, seininel danggulumna.

2 TIMOTIUS 4:7

Nara pe yeiriwoka oldalamsa. Nara bik-bikal dakal bilimsa. Nara dib senenaʾ ak pe bojam ulmorulamnyaʾ ara sidyaʾ daknamla.