YOHANES 17:26 - PERJANJIAN BARU NALCA YUBA

²⁶ Neyung, anja ululamnya nera, sikenek seleb leb elegoka amesisa. Dara eimik eneba, nera sobaʾ unubdibiganamna. Wera anja wanaʾ elegonulumaʾ ara, sikja ganya ek sam sobaʾ ulumlyekanya, nara sikja ganya lomok ulumnesin aboka unulumnamna,” hyok.

YOHANES 17:26 ပူးပေါင်းရင်းမြစ်များ

YOHANES 14:20

Ban sum enyek, nara Neyung bedyaʾ nong lomok uboka, ugunda nadyaʾ nong lomok uboka, nara ugun lomok ulumnesinaʾ ara, ban sum enyek ella danalum,” hyok.

YOHANES 14:23

Yesus adya dara, ”Ben hnon nak wanaʾ ulunelya dara, alda nadya neklesin yuba sunuwoka ulumnamla. Dara, nadyaʾ neyung bedya alak wanaʾ ulumnamlakanya, Neyung beb, nab alak yeinima dara, alab neikaʾ ulumnamab.

YOHANES 15:15

”Wa wenya bera alja neyung bedya unulamlaʾ ara elgom ulumlaʾ anasa, wene salek ebaʾ ara, eimik ugunuk wa wen nang wenyhenggunusin. Bok, onoʾ saaboka nadyaʾ neyung bek ab kemsa yub ugunuk nidyaʾ laga lemsaʾ anasa, ugunuk nadya hemyab alamnesin.

YOHANES 15:4

Ugunda nablaboka kwebdangoka ulumnamab dara, nara ugunub kwebdangoka ulumnamab. Gal soruk ara albeyok doka moubnenggunumso bok, gal nong ok ulumso dara, moubnamso. Anasonya neikik, ugunda nablaboka kwebdangoka unggulumnesibya dara, doka mounggulumnusom.

YOHANES 15:9

” Neyung bedya nak wanaʾ ulunyok sok, nadya ugunuk wanaʾ ulusisa. Anasa, nadya wanaʾ ulusisa nang geknebaʾ ulululum.

YOHANES 17:23

Dara, nara sik lomok uboka, onoʾ anda na lomok uboka, sikda hyak ganya hnonok ulunokaʾ aboka mololamna. Anadya wera, soko nim edya, Yesus ara aldib Imik Neyung adya sokok sam bokol yeilimok senewoka, hnonda Neyung anja nak wanaʾ ulunelem sok, onoʾ sikenek wanaʾ ulusil senewoka ella danokaʾ aboka mololamna,” hyok.

YOHANES 17:6

”Nara anja ululamnya nera, anja sokok an nimi bok doboka nak elegenulum nang ek, seleb laga nekemsa. Nera anja mabo yokaʾ ulumek bok, anja doboka nak elegenulum. Dara, sikda anja yuba pe doboka unulumeekanya,

YOHANES 17:8

Anja yub enyek nak elegenulumaʾ ara seleb sikenek leb elegesisa, dara sikda seleb domek. Na nong ak dara, aldib Imik Neyung bek ab yeilimok senewoka, Imik Neyung adya bokol yeilimok nong ak sokok yok dib senemek.

YOHANES 6:56

Heknedya nadya nong soub eb, nadya eneng eb, delemlya dara, alda nadyaʾ nong lomok sam ulumnamlakanya, nababya alja nong lomok ulumnamna,” hyok.

YOHANES 8:50

Nara nadya ok ganya doboka nimi giblenokaʾ aboka imik neneldanggulumna. Bok Neyung bedya alja ganya doboka nak gibnokaʾ aboka memelenel. Alda dib yana lelenanya ulumla.

ROMA 8:10

Dara Kristus ara ugun lomok seleb ulumla dara, wera nong anera malya unaʾ adya somogok ak ululabok, anja ganya ak dara perob nenesinaʾ adya embengaʾ ulumla.

1 KORINTUS 1:30

Imik Neyung adya ganya doboka albeyok unumokaʾ adya, wera ugunda Yesus Kristus ablaboka geisa nong gebeiyisuk. Dara, Imik Neyung adya, Kristus doboka, nunja geremsengaʾ alan aboka dangiyisuk. Dara onoʾ, al Yesus ara nunjaʾ ganya peldisinaʾ ab, geisa unaʾ ab, blebsinaʾ ab danyek, ulusil.

1 KORINTUS 12:12

Kristus ara, nimi nong anasoʾ ak hnonok ok ulumla. Nong ara hnonok bok, yana soruk ara yok-yok gong ulumla. Yana soruk ara, yok-yok bok nong dub ak dara, hnonokaʾ ak ulumla.

GALATIA 2:20

Dara, nadyaʾ youmaʾ ulusenya nek dara, anam embengaʾ unggulumna bok, Kristus anyek nadyaʾ nong lomok wen ulunel. Wera nadya wen embengaʾ ulumna nong enera, Imik Neyung bedya me nek dib senenaʾ adya embengaʾ ulumna. Alda nak wanaʾ uboka, al nonga nasamba somoganyoknya bek dib senewoka embengaʾ ulumna.

EPESUS 1:6

Aljaʾ wanaʾ nong ulumok me Kristus pik uboka, nuk aljaʾ senenggomaʾ wanaʾ uboka elegousukaʾ anasa, Imik Neyung imik ululanya bek giblenob.

EPESUS 5:30

Nunda Kristus adya nong ulumabaʾ anasa, unu diri bo ulusil.

EPESUS 5:32

An wenyaro momnya dobokaʾ ara, hyak senenggomaʾ doknowoka ulumla damok ek lebok, anyek nadya dara, Kristus ab alja yuba donaʾ nimi sununaʾ ak lemna.

KOLOSE 1:27

Dara, Imik Neyung ara, yok-yok mok soko nimi nidyaʾ ak, alja mab ak ban gunuwoka doknomokaʾ ara, har so dub uboka, senenggomaʾ ulumlaʾ anyek amalesil. Dara, gunuwoka doknonaʾ ara ban: Kristus ara ugun lomok ulusil. Ban Kristus ugun lomok ulusil ara, perobaʾ senenggomaʾ ak ganya wenaʾ dibaʾ ara an.

KOLOSE 2:10

Anya ugunda al lomok ululumaʾ adya hyak munaʾ gobdo pebdaksuk. Hnonda, wenewoka bo usinaʾ, senenggom dub unaʾ nidyaʾ amba dara, alak danyek, huka, dubnya, ulumla.

KOLOSE 3:11

Ban nenyek dara, Yunani Yahudi nang gom, bolaʾ garaweknya oroknya gom, yu hwam nang Skit nang gom, wa wenya oruknanya gom, ban wenyaboka si singgulumak bok, Kristus ara ban nidyaʾ amba damok ulusilekanya, alda sik nidyaʾ lomok ulusil.

2 TESALONIKA 2:16

Ugunda perobnya weboka, onoʾ perobnya nenyek unulululumaʾ aboka, nunjaʾ Wenelesilnya Yesus Kristus adya, hnonda nunjaʾ neyung Imik Neyung adya, sobaʾ amba ganya sangab elegoka, nunja ganya migiba gebnesil. Imik Neyung adya nuk wanaʾ ulusilekanya, aljaʾ perob ganya edya, siklerob ganya boboka, perobnya nek ganya nebom aboka diri ulumab.

IBRANI 2:12

Yesus adya Imik Neyung bek, ”Anja si nera nadyaʾ hemyab ek nadya leb eleganamna. Sikja yuba longolomeijaʾ gangganek ab anak giblemnenggen,” hyok.

1 YOHANES 3:24

Nimi nidyaʾ Imik Neyung yub ak dib senewoka ganya ologoka dolomak nim era, Imik Neyung al lomok ulumaakanya, albabya sik lomok ulusil. Hnonda alja Geisinya era seleb nuk elegesukaʾ adya, wera Imik Neyung ara nu lomok ulusil senewoka ella ulumab.