YOHANES 17:24 - PERJANJIAN BARU NALCA YUBA

²⁴ ”Neyung o, anja nak elegenulum nang edya, soko anam uyiwanggom danyek, men orowek anja nak wanaʾ ulunulumaʾ anasa, wera si imik nenenaʾ elegenulumaʾ anyek, sikda na ulumnyaʾ ak ulumeijekanya, nak si imik nenenaʾ anyek, sikba eibnokaʾ aboka mololamna.

YOHANES 17:24 ပူးပေါင်းရင်းမြစ်များ

MATIUS 25:21

Dara wa damnya bera, an unumoknya wa pe bojam welemoknya bek an lebokaʾ ara, Anda hyak pewolum! Anda meknya neneba pe bojam welelamaʾ anasa, wera naubenya neneba or anak welemnelam aboka lebnenggen. Anya, nadyaʾ ek sam yamenekanya, nab neikaʾ denaʾ pe dero ulumnenam! hyok.”

MATIUS 25:23

Dara wa damnya bedya benyek an, Anda hyak pewolum. Anda nadya wa pe bojam uboka wenya bek ululam. Anda meknya nek bojam welelamaʾ anasa, wera nadya anak senenggomnya nek welemnelam aboka lebnenggen. Anya, nadyaʾ ek sam yamenekanya, nab neikaʾ denaʾ pe dero ulumnenam! hyok.

MATIUS 25:34

Dara dubnya bedya sirik ek sam nim ek lebnamlaʾ ara, Nadya neyung bedya perobaʾ nenewousuk nim ek anasa, youlululum. Ban soko en uyiwanggom salek enyek, ugunsamba orowek leboka beibsuk heik enyegan or weklulum.

MATIUS 26:29

Ugunda banyek dib senelemnulum: Ban mek enera, nablaboka dara, hnon neikaʾ denggulumeibyaʾ moruwoka, ugunub neikaʾ neyung bedyaʾ imik heikek wekeibya sum enyek, hnonok neikaʾ denemab,” hyok.

LUKAS 12:37

Wa wen nang enyek, sikjaʾ neyung be ek yanamnaʾ amba diri ulunabok, wera yalamla dara berra eillilemak nim era, hyak pelemakaʾ nong ara an. Ban lebnesinaʾ ara, wera ban wa dubnya bera meebgogowoka, alja wa wen nim ek buklulum aboka oruganasil dara, alda sikenek denaʾ youboka beiyiboka deb eleganesil.

LUKAS 23:43

Danyek Yesus adya benyek, ”Anak dib lebgen. Anda al sumen eneba, neikaʾ nab anab Firdaus heikek ulunam,” hyok.

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

YOHANES 12:26

Heknedya nak aralenelnya bera, or nak diriga yeiniboka, na ulumnyaʾ ak anaba, alba anyagan ulumnamla. Nak arawoka welelanya bera, nadyaʾ neyung bedya gigiwanamla.

YOHANES 14:3

Dara, nara biniboka ugunsamba e seleb sobgogoweisinya dara, na ulumnaʾ ak sam ugumba ulululumaʾ aboka, nara saaboka el yeisinyekanya, na ulumnaʾ ak bo binisin.

YOHANES 15:9

” Neyung bedya nak wanaʾ ulunyok sok, nadya ugunuk wanaʾ ulusisa. Anasa, nadya wanaʾ ulusisa nang geknebaʾ ulululum.

YOHANES 17:2

Neyung o, anja me nek, neyung anja doboka alak elegolum nimi nidyaʾ ak, dib embeng unaʾ elegosulul aboka, migib unaʾ era nimi nidyaʾ ak unuwolulaʾ aboka seleb elegelum.

YOHANES 17:22

Neyung o, numba hnonok hiboka ulunam sok, sikbabya hnonok hiboka ulunokaʾ aboka, wera anja si imik danganaʾ nak elegenulumaʾ ara, onoʾ nadya sikenek seleb elegesisa.

YOHANES 17:5

Anasa, Neyung o, soko anam uyiwanggulum danyek, anablaboka ulunumukanya, si imik nenenaʾ seleb dobsa sok, wenera anja saramek sam neik so imik nenewanenelem,” hyok.

YOHANES 6:37

Nidyaʾ Imik Neyung adya eleklenel nim era nak yanamak dara, bindowoululum aboka wekdo boboganggunusin.

YOHANES 6:39

Na imik heikek ab bokol yeilinyoknya bedya dara, nak seinilenela ara, alja nak eleklenelnya nera, ben hnonok sirik anababya weininggoka denganaʾ ara mem. Anasa, alda nidyaʾ gobdo sidyaʾ daknamla sum era, embengaʾ bukiyiwosulul, senelenel.

YOHANES 8:58

Dara, Yesus adya sikenek, ”Ugunuk dib lebsin, Abraham bera anam unggulumok salek, nak men ulumsa,” hyok.

1 KORINTUS 13:12

Nunja wen yokaʾ-yokaʾ eillilimabnya nera, heng kemel danaʾ ak an yamaʾ inib-inib anaʾ eillilimab sok anaso eillilimab. Bok eimik ek dara, hyak pe okoka eibnemab. Wenera nara yokaʾ-yokaʾ darasam ok ella ulunabok, eimik era, Imik Neyung adya nak an yokaʾ-yokaʾ ulunelaʾ ella ulunel sok, yokaʾ-yokaʾ nidyaʾ ella danamna.

2 KORINTUS 3:18

Wenyek dara, nunja hogung goulusinaʾ ara hnon unggulumlakanya, nunja Wenelesilnya bedya senenggom dilinaʾ nim ek yeblemab. Yeblemabakanya, nunda sob-sobaʾ also nenebgiga balasil. Dara, ban dilinaʾ en yeblemab ara, Wenelesilnya bek ab yalamlakanya, Wenelesilnya bera Geisinya be an ulusil.

2 KORINTUS 4:6

Imik Neyung adya leleladya, ”Gunaʾ lomok ab dilinaʾ yeblul,” alamla Imik Neyung enedya, nunjaʾ ganya lomok dilinaʾ yeblesil. Al Imik Neyung adya alja nong senedyaʾ ella dangasin dilinaʾ yeblulaʾ aboka unulusil. Dara Kristus aljaʾ asok pik uboka dilinaʾ yeblesil.

2 KORINTUS 5:8

Wera anasa, nunda ganya migib ulumabakanya, nunda Wenelesilnya ab neikaʾ ulunob senen ganya boboka, wen ulumab nong enera lobsibya senelemab.

PILIPI 1:23

Nara penya nang edya giliwoka gangganaʾ goklenerek. Anasa hyak perob nongnya nera, sokok anara loboka, imik heikek biniboka Kristus ab neikaʾ ulusinim senelamna.

1 TESALONIKA 4:17

Ana berem ara, nu anam embengaʾ ulumab nim era debaʾ hnoum sikenek bob mamagiyiweisilya dara, Wenelesilnya bera imik sam eb hwibdanamab. Dara, Wenelesilnya ablaboka sob-sobaʾ ulmoublomnamab.

1 PETRUS 1:21

Wera ugunda Kristus anyek nimi somoknaʾ ak ab embengaʾ suboka bukiyiwoka, imik nenewoknya be pik anyeb uboka, Imik Neyung bek ara dib senelelum. Anasa Imik Neyung enyek anyek, ugunda dib senewoka, onoʾ Imik Neyung enyek ganya nebom aboka diri ululum.

1 YOHANES 3:2

Nadya wanaʾ ulusin hemyabo nim o, nunda wenera Imik Neyung mab ulumab bok, eimik ek dara, hekaʾ huboka ulumnemabaʾ ara, okoka laga danganggulumla. Bok Kristus anyek eimik yanamla dara, alja nong yokaʾ nong ak eibnamabaʾ anasa, nunda also danamab anyek hnonok, ella ulumab.

WAHYU 21:22

Dara heik enera, Imik Neyung al nong ab, domba pama me ab danyek, Imik Neyung ek an ulurak adya, yok Imik Neyung e ara, hnon eibnenggubsa.

WAHYU 3:21

Nara malya unaʾ oblamagoka nadyaʾ neyung beb alja eklaʾ bunaʾ ak sam neikaʾ bulunuma sok, heknedya malya unaʾ ak ab oblamaganalanya bera, nadya bulumna ekla bunaʾ ak sam or neikaʾ buknenam aboka lebnamna.”