YOHANES 17:22 - PERJANJIAN BARU NALCA YUBA

²² Neyung o, numba hnonok hiboka ulunam sok, sikbabya hnonok hiboka ulunokaʾ aboka, wera anja si imik danganaʾ nak elegenulumaʾ ara, onoʾ nadya sikenek seleb elegesisa.

YOHANES 17:22 ပူးပေါင်းရင်းမြစ်များ

MARKUS 6:7

Wera Yesus adya alja yuba doro diriga ban nang obadya nang ek yoululum hyookanya, nimi penya-penya darawoka boksuk. Dara, bisaʾ yaknaʾ amba migibaʾ hnon sikenek elegosuk.

LUKAS 22:30

Anedya wera, nara mok soko dubnya danamna sum era, ugunda nablaboka neikaʾ ganya eiya daboka ulumnemab. Anya ugunda obadya senenggom nang ekla bunaʾ ak bukoka, onoʾ obadya nang nimi yilaʾ yana lelemnesulum,” hyok.

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

YOHANES 1:16

Dara, alja deknewoka ulumlaʾ ak ab, nunda nidyaʾ domouba. Alja wanaʾ uboka eleksinaʾ elegel sounulusilekanya, sobaʾ dolmorulumab.

YOHANES 14:20

Ban sum enyek, nara Neyung bedyaʾ nong lomok uboka, ugunda nadyaʾ nong lomok uboka, nara ugun lomok ulumnesinaʾ ara, ban sum enyek ella danalum,” hyok.

YOHANES 17:24

”Neyung o, anja nak elegenulum nang edya, soko anam uyiwanggom danyek, men orowek anja nak wanaʾ ulunulumaʾ anasa, wera si imik nenenaʾ elegenulumaʾ anyek, sikda na ulumnyaʾ ak ulumeijekanya, nak si imik nenenaʾ anyek, sikba eibnokaʾ aboka mololamna.

RASUL 5:41

Dara, yuba doboka lelemek nang era, Yesus si amba leboka olosak, yokaʾ unulusak ara, perob aboka eiya daboka, yuba sanaʾ gak nang ek ab goboka bilimek.

ROMA 8:30

Dara sik ban men danyek alja sunuwoka bokosuk nang enyek, alja al sikinek yoululum aboka lebok. Anya al sik alja yoululum aboka lemok nang enyek, alja al sikenek perobaʾ nenewousuk. Wera sikenek alja perobaʾ nenewousuk nang enyek, alja al sikenek imik senenggomaʾ nenewosuk.

2 KORINTUS 3:18

Wenyek dara, nunja hogung goulusinaʾ ara hnon unggulumlakanya, nunja Wenelesilnya bedya senenggom dilinaʾ nim ek yeblemab. Yeblemabakanya, nunda sob-sobaʾ also nenebgiga balasil. Dara, ban dilinaʾ en yeblemab ara, Wenelesilnya bek ab yalamlakanya, Wenelesilnya bera Geisinya be an ulusil.

2 KORINTUS 5:20

Anasa nuk dara, Kristus adya nadya wa webnokaʾ aboka boklesil nang ulumab. Imik Neyung ara nu pik uboka, alja yub era lelemla. Nunda Kristus amba leboka, ugunda Imik Neyung ab, neikaʾ hiblulumaʾ aboka yeiriwoka molowasab.

2 KORINTUS 6:1

Nunda neikaʾ welemab nang edya, Imik Neyung adya ugunuk wanaʾ uboka eleknaʾ dololumaʾ anyek, salyaʾ lelem domunuk aboka dukaʾ lololosab.

EPESUS 2:20

Wera Yesus Kristus ara men ikimok egomnaʾ uboka, yuba lenaʾ gak nang eb, ununumnaʾ lelemek nang edya ikimek egomnaʾ ak, ugunda anyagan makoka sobsuk.

PILIPI 1:29

Anasa Imik Neyung adya ugunuk perob eleknaʾ elegosukaʾ ara, Kristus ak dib senelenokaʾ aboka ok eleganggubsuk, alda onoʾ Kristus amba igina kweboka gweklenokaʾ aboka hnon, elegosuk.

KOLOSE 1:24

Anasa, nara wera ugunsamba leboka, igina dolomna dara, eiya dablenel. Wera, Kristus nong amba, alja yuba donaʾ nim emba leboka, alja nong enyek, igin kweboka buluk loboknya nera, nak an gigilamla.

1 YOHANES 1:3

Wera ugunub nub neikaʾ ganya kwebdangoka ulunobaʾ aboka, nunja seleb heng eiyimouba o kemoubaʾ anyek, ugunuk lel eleklesab. Nunja ganya kwebdangoka ulumabnya nera, Neyung beb, alja me Yesus Kristus ab, neikaʾ ganya kwebdangoka ulumab.

1 YOHANES 3:24

Nimi nidyaʾ Imik Neyung yub ak dib senewoka ganya ologoka dolomak nim era, Imik Neyung al lomok ulumaakanya, albabya sik lomok ulusil. Hnonda alja Geisinya era seleb nuk elegesukaʾ adya, wera Imik Neyung ara nu lomok ulusil senewoka ella ulumab.

1 YOHANES 4:17

Sokok anyeb, numba Kristus ulumla sok, unu ulumeibya anasa, Yesus adya yana lelewanasil sum era, wera asaʾ ganya bobnemab aboka, wanaʾ unaʾ ara nu lomok kalasil.

WAHYU 21:14

Anya, heik en egomnaʾ ikokaʾ ara, obadya senenggomaʾ ikoka sobookanya, domba me adya nim obadya nang yuba lenaʾ gak nang, sikja si nera anyagan momnya dobok.