YOHANES 17:21 - PERJANJIAN BARU NALCA YUBA

²¹ Dara, nadya anak mololamnaʾ ara, Neyung anda na lomok ulunelemekanya, nara an lomok ulunggen sok, sikbabya neikaʾ hiboka hnonok ulunokaʾ aboka mololamna. Wera onoʾ, soko nim adya, nak aldib Imik Neyung adya bokol yeilimok senewanokaʾ aboka, sikda hnonok uboka nu lomok ulunokaʾ aboka mololamna.

YOHANES 17:21 ပူးပေါင်းရင်းမြစ်များ

MARKUS 3:24

Senenggom mok soko nimi neik meneng mok soko nimi moumen mala weboka obdanaseng dara, wera sikja mok soko era pe ubdabnenggunumso.

YOHANES 10:16

Dara onoʾ nadya domba pam gong dara, yok lekaʾ ak sam hnon ulumak. Sikbabya hnon anyagan bo yanasin. Dara, sikda hnon nadya yuba pe keboka, anyagan orowek men ulumak pam eb neikaʾ ak hibnya dara, nadya yokaʾ pama hnonok, nak pama beilinanya hnonok danamla.

YOHANES 10:30

Nab Neyung beb dara, hnonok ok ulunam,” hyok.

YOHANES 10:38

Bok nadya dara, unuwoka welenabok, ugunja danyek nak dib senenaʾ orok bok, nadya welemna wa nenyek keeboka dib senewolulum. Anadya wera, Neyung bera nadya nong lomok ulunelekanya, nara alja nong lomok ulumnaʾ ara, ugunda ella danalum bar,” hyok.

YOHANES 11:42

Nadya molonaʾ sobaʾ kelenelemaʾ ara, seleb ella ulunadyok, anyagan nimi nauba ulumaknya nenesa, anja anyagan yokaʾ unuwamenaʾ anyek eiyiboka, nak alda aldib Imik Neyung adya sokok bokol yeilimoknya dib senewananokaʾ aboka, or mololenggen,” hyok.

YOHANES 13:32

Dara, Imik Neyung ak Yesus pik moruwoka imik nenewanamla dara, Imik Neyung lomok al damnya onoʾ alja me nek imik nenewanamla.

YOHANES 13:35

Ugunda wanaʾ uldalamun dara, nimi nidyaʾ adya Yesus yuba doro diriga ban nang aboka, ella ubnesak,” hyok.

YOHANES 17:11

Nara sokok an loboka anak yanamnaʾ anasa, anyagan unggulumnamna bok, sikenek dara, sokok an or ulumnamak. Anasa, Neyung geisa ululamnya o, anab nab neikaʾ denewoka ulunam sok, sikbabya hnonok nong ulunokaʾ aboka, anja nak elegenulum si migib edya, sikenek bleboka bo ulumnesilim.

YOHANES 17:18

Neyung anja nak sokok an bokol yeilinulum sok, nadya onoʾ sikenek sokok an boksisa.

YOHANES 17:20

”Neyung o, nang en siksemba ok molonggulusin. Alda onoʾ eimik nim enebabya, yuba lelemnemakaʾ adya, nak dib senewanamak nim emba hnon mololamna.

YOHANES 17:25

Neyung perob ok ululamnya o, sokok an yokaʾ ara anak elgom ulunjak bok, nak dara, anak ella ulunggen. Dara, elegenulum nang edya dara, anda sokok an bokol yeilinulumaʾ ara, dib senelemak.

YOHANES 17:3

Anda Imik Neyung ara hnonok ok dib nong ululamnya bek dib ella uboka, onoʾ anja sokok bokol yeililumnya Yesus Kristus bek hnon dib ella ulumak dara, embeng unaʾ dibaʾ ara alan.

YOHANES 17:8

Anja yub enyek nak elegenulumaʾ ara seleb sikenek leb elegesisa, dara sikda seleb domek. Na nong ak dara, aldib Imik Neyung bek ab yeilimok senewoka, Imik Neyung adya bokol yeilimok nong ak sokok yok dib senemek.

YOHANES 3:17

Imik Neyung alja yando me sokok sam bokol yeilimokaʾ ara, anyagan yana lelelesululaʾ aboka bokol yanggumok bok, alda alja me nedya soko nim ek blebsululaʾ aboka bokol yeilimok.

YOHANES 5:23

Neyung bedya ban unumoknya nera, nim adya neyung bek giblemak sok, onoʾ alja me nek giblenokaʾ aboka umok. Wera anasa, heknedya alja me nek gibnenggulumla dara, wera al bokol yeilimoknya bek gibnenggulumla.

RASUL 2:46

Sikda hyak sobaʾ Imik Neyung e eremek longowoka yuba sobaʾ dolomek. Dara sikda ganya sokok nenebdangoka, ei-ei ganya boboka, sikja e pik dero yabalamek.

RASUL 4:32

Nimi nidyaʾ men Imik Neyung ak dib senemek nim era, ganya hnonok hiboka, neik nong unaʾ ok ulumek. Nimi ben hnon bonaʾ yokaʾ-yokaʾ nidyaʾ bobna dara, nabeyok gelelenga borunun ganya bonggulumek. Yokaʾ-yokaʾ nidyaʾ, sikenek ulumokaʾ ara neikaʾ bokoka pe bolomek.

ROMA 12:5

Dara numbabya neikik, hyak gong bok, Kristus lomok ara hnonok nong ok ulumab, bok nunda yok-yok si silisak ara be hnonja bedya nong era onoʾ yoknya bedyaʾ amba ulumab.

1 KORINTUS 1:10

Nadya hemyab o, nara nunjaʾ Wenelesilnya Yesus Kristus si sibuka, ugunda ganya bokoldanaʾ hyak loboka, hnonok ganya boboka, hnonok seininaʾ seiniwoka, hnonokaʾ ak hiboka ulululumaʾ aboka, neik so ganya ok yo aldalalulumaʾ aboka, nara ugunuk wenelesin.

1 KORINTUS 12:12

Kristus ara, nimi nong anasoʾ ak hnonok ok ulumla. Nong ara hnonok bok, yana soruk ara yok-yok gong ulumla. Yana soruk ara, yok-yok bok nong dub ak dara, hnonokaʾ ak ulumla.

1 KORINTUS 6:17

Bok, Wenelesilnya Imik Neyung beblaboka neikaʾ denewoka ululanya bera, Wenelesilnya beb alab, ganya ak dara, hnonok dangalarak.

GALATIA 3:28

Ugunda nidyaʾ Yesus Kristus lomok hnonok dangoka ululumaʾ anasa, Yahudi nimi gom, Yahudi gom nimi gom, nimi sikbeyok dangoka ulumak nang gom, oruknaʾ nang gom, gelewa gom, nengmabo gom ara, webnaʾ orokaʾ ak ululum.

PILIPI 1:27

Yo, anasa wenyek dib nong ara, ugunda Kristus amba lebokaʾ perobaʾ Imik Neyung adyaʾ perob lero yanggan yub enyek, sunuwoka ugunda pe ulumnelum. Ban unu ulumunaʾ adya, yub ok kebnamnaʾ anaba, Imik Neyung adyaʾ perob lero yanggan yub ek ganya dib senewoka un danasa duboka hnonok nonga dangoka ulunobaʾ aboka, yeirilemak anaʾ hnonok ella ubnamna.

1 YOHANES 1:3

Wera ugunub nub neikaʾ ganya kwebdangoka ulunobaʾ aboka, nunja seleb heng eiyimouba o kemoubaʾ anyek, ugunuk lel eleklesab. Nunja ganya kwebdangoka ulumabnya nera, Neyung beb, alja me Yesus Kristus ab, neikaʾ ganya kwebdangoka ulumab.

1 YOHANES 5:7

Ban nong ak dara, damok winilya danadya nuk laga neklesak ara, Imik Neyung Geisinya hnon, mek adya hnon, eneng adya hnon, sik winilya dadya, neik yub enyek ok laga neklesak.