YOHANES 17:18 - PERJANJIAN BARU NALCA YUBA

¹⁸ Neyung anja nak sokok an bokol yeilinulum sok, nadya onoʾ sikenek sokok an boksisa.

YOHANES 17:18 ပူးပေါင်းရင်းမြစ်များ

MATIUS 10:5

Wera ban obadya yuba len nang era Yesus adya wa webnelum aboka boksuukanya lebsukja, ”Ugunda Yahudi gom nimi sokok sam ara binggunulum. Samaria nim edyaʾ heik pik ara binggunulum.

MATIUS 23:34

Anasa pe keblulum. Nara eimik era ugunuk sam ununumnaʾ len nang eb, geremseng un nang eb, yuba neksin nang eb bokol yanasin dara, hnon nim era ugun nong adya obnelum, dara onoʾ hnon nim era oboka gal ak glabnelum. Hnon darasam nim era ugun Yahudi nim edya yuba don ek sam ab malya nenewoka saboka olomnelum, onoʾ yok nim era ugunja hnon heikek abaʾ ara doboka obgiga yok heikek sam doboka ora doblemnelum.

YOHANES 17:21

Dara, nadya anak mololamnaʾ ara, Neyung anda na lomok ulunelemekanya, nara an lomok ulunggen sok, sikbabya neikaʾ hiboka hnonok ulunokaʾ aboka mololamna. Wera onoʾ, soko nim adya, nak aldib Imik Neyung adya bokol yeilimok senewanokaʾ aboka, sikda hnonok uboka nu lomok ulunokaʾ aboka mololamna.

YOHANES 17:23

Dara, nara sik lomok uboka, onoʾ anda na lomok uboka, sikda hyak ganya hnonok ulunokaʾ aboka mololamna. Anadya wera, soko nim edya, Yesus ara aldib Imik Neyung adya sokok sam bokol yeilimok senewoka, hnonda Neyung anja nak wanaʾ ulunelem sok, onoʾ sikenek wanaʾ ulusil senewoka ella danokaʾ aboka mololamna,” hyok.

YOHANES 17:25

Neyung perob ok ululamnya o, sokok an yokaʾ ara anak elgom ulunjak bok, nak dara, anak ella ulunggen. Dara, elegenulum nang edya dara, anda sokok an bokol yeilinulumaʾ ara, dib senelemak.

YOHANES 17:3

Anda Imik Neyung ara hnonok ok dib nong ululamnya bek dib ella uboka, onoʾ anja sokok bokol yeililumnya Yesus Kristus bek hnon dib ella ulumak dara, embeng unaʾ dibaʾ ara alan.

YOHANES 17:8

Anja yub enyek nak elegenulumaʾ ara seleb sikenek leb elegesisa, dara sikda seleb domek. Na nong ak dara, aldib Imik Neyung bek ab yeilimok senewoka, Imik Neyung adya bokol yeilimok nong ak sokok yok dib senemek.

YOHANES 20:21

Dara onoʾ, Yesus adya saaboka lebsukja, ”Maly, lok ganya bonggom. Neyung bedya nak sokok sam bokol yeilinyok sok, nadya ugunuk Imik Neyung yuba lero balalulum aboka boksin,” hyok.

YOHANES 3:17

Imik Neyung alja yando me sokok sam bokol yeilimokaʾ ara, anyagan yana lelelesululaʾ aboka bokol yanggumok bok, alda alja me nedya soko nim ek blebsululaʾ aboka bokol yeilimok.

YOHANES 4:38

Nara ugunja webnenggublum wak sam doka daknelum aboka orugusin. Yok nim edya orowek seleb nauba wemekaʾ anyek, ugunda daklumaʾ adya perobaʾ doblum,” hyok.

2 KORINTUS 5:20

Anasa nuk dara, Kristus adya nadya wa webnokaʾ aboka boklesil nang ulumab. Imik Neyung ara nu pik uboka, alja yub era lelemla. Nunda Kristus amba leboka, ugunda Imik Neyung ab, neikaʾ hiblulumaʾ aboka yeiriwoka molowasab.

EPESUS 3:7

Imik Neyung adya nak wanaʾ uboka eleksinaʾ eleganyokaʾ ara, perob lero yanggan yuba lel elekna wa nek hnonok eleganyok. Nara wa nen eleganyokaʾ dobsaʾ ara, Imik Neyung migiba nadya nong lomok ono welenel migib pik eleganyokaʾ ak, yuba len wa nera dobsa.