YOHANES 17:12 - PERJANJIAN BARU NALCA YUBA

¹² Nara sikeneblaboka neikaʾ ulumouba salek era, ban anja nak elegenulum si migib edya, nara sikenek bleboka pe bo ulusisa. Nadya pe beiyiboka bo ulusisa dara, Imik Neyung yuba momnya dobokaʾ gigiwolulaʾ aboka, weininggeldanaʾ geknemoknya nok, hnonok seleb weiningdok,” hyok.

YOHANES 17:12 ပူးပေါင်းရင်းမြစ်များ

YOHANES 13:18

Ugunuk nidyaʾ lenggulusin. Nadya benyek aboka dosenya bera orowek ella ulumna. Bok, Imik Neyung yuba momnya dobokaʾ ara, nablaboka neikaʾ delenamnya bedya isaʾ gebnel, amok yub anyek, gigiwolulaʾ aboka ubnamla.

YOHANES 17:6

”Nara anja ululamnya nera, anja sokok an nimi bok doboka nak elegenulum nang ek, seleb laga nekemsa. Nera anja mabo yokaʾ ulumek bok, anja doboka nak elegenulum. Dara, sikda anja yuba pe doboka unulumeekanya,

YOHANES 18:9

Yesus adya ban wenhyoknya nera, alja orowek lemok yub era, ”Neyung o, anja nak doboka elegenulum nang era, hnon weiningdanggunumak,” amoknya nenesa gigiwolulaʾ aboka lebok.

YOHANES 6:37

Nidyaʾ Imik Neyung adya eleklenel nim era nak yanamak dara, bindowoululum aboka wekdo boboganggunusin.

PILIPI 2:9

Wera ban nenesa leboka, Imik Neyung adya dara, alak hyak im nong ok nenewok, anya alak ara yok-yok migib unaʾ era mek so bok, alak danyek hnonok hyak senenggom migib damok era elegok. Yok si nera mek so bok, alja si nenyek hyak imik nenewok.

2 TESALONIKA 2:3

Anasa Yesus yanamla sum oka dalya dara, ban unurub damok enyek men laga danamlaʾ ara, nimi nauba yuba domeijedyok ganya dangawoka malya danamak, hnonda Kristus ak sondaʾ amba bobnenewoka nara elgom aboka lebnamla, hnonda nimi malya unaʾ dubnya bisaʾ heikek weklulaʾ aboka, orowek gegeboknya bera laga goboka seknamla dara, ugunda yokaʾ-yokaʾ igin yakaʾ yanamlyaʾ anaba ugunuk ara sondaʾ amba bobnenewoka lebsijek.

IBRANI 2:13

Dara Yesus adya hnon, ”Nadya ganya nebom anaʾ dibaʾ ara, Imik Neyung ak beibnamna,” hyok. Anya, ”Imik Neyung o, anja doboka nak elegounulum mab era, nab an ulumab e,” hyok.

1 YOHANES 2:19

Kristus adya alja isaʾ nang ara, nun nang yilaʾ dib unggulumekjok, nuk seleb lo bilisik. Nimi danara nun nimi yilaʾ uluseng bok dara, wera nub neikaʾ ulumnesibya. Bok nuk seleb lo bilisiknya nera, wera aldib nun nang yilaʾ unggulumakaʾ anyek, laga geknewolul.

WAHYU 19:12

Alja heng dok era, uk bokaʾ anaso singiwoka, alja hukuk ara, yokaʾ-yokaʾ ak oblamaganaʾ amba donaʾ ara gong uboka, al nongok ara, alak ok ella ulumla si nenyek, benyek an ulumok.