YOHANES 16:32 - PERJANJIAN BARU NALCA YUBA

³² Ugun doluwoka bokgoknesak salek ara, eimik yanamla, hnonda al wen seleb yal. Ugunda ugunja e pik bokgokoka bindowanalumukanya, nara nabeyok lo bininulum bok, nabeyok unggulumnamna, nadyaʾ neyung beb neikaʾ alablaboka ulumnanam.

YOHANES 16:32 ပူးပေါင်းရင်းမြစ်များ

MATIUS 26:31

Dara onoʾ Yesus adya alja yuba doro diriga ban nang ek, ”Imik Neyung yuba bukuk sam ara, Imik Neyung adya lebokja, Nara sikjaʾ bo usinya benyek obnamna dara, alaʾ mab ara doluwoka bokgokdanamak, wenyaboka lebokaʾ anasa, ugunda sumen inimnek enera, nanokok loboka, yok-yok sen-senem henelum.

MATIUS 26:56

Bok, youmaʾ ununumnaʾ lelemek nang edya ban nenyek unuwanamla aboka orowek momnya dobeknya nenyek gigiwolulaʾ aboka nera ublum,” hyok. Dara, Yesus adya yuba doro diriga ban nang era alak ok loboka, sen-senem abgokek.

MARKUS 14:27

Dara onoʾ Yesus ara hnon sikinek lebokaʾ ara, ”Yuba bukuk sam lero momnya dobokja, Nara sik bo ulumnesilnya benyek obnamna dara, alja bo ulusilnya domba era, doluwoka bokdanamak, hyokaʾ anasa, ugumbabya nak dib senen ganya era doboka gilib meneganamla.

MARKUS 14:50

Dara, alja yuba doro diriga ban nanga nidyaʾ ara, alak loboka, yok-yok sen-senem abgokek.

YOHANES 12:23

Dara Yesus hnon lebok, ”Wera, nimi dibaʾ me nak imik nenewanamak salek ara seleb oka dal.

YOHANES 16:2

Ugunuk Imik Neyung ek sam abaʾ ara, yaklemnasak. Dara, onoʾ hnon, sik unulusija nim edya dara, Imik Neyung amba nunda pe giboka unulumab senelemeija salek era, yanamla.

YOHANES 16:25

”Wen ugunuk wenyalasinya nera okoka poboka, gak ara an aboka lenggulusin bok, eimik yanamla sum era, nadyaʾ neyung bek ban men lelesinya loboka, poboka laga lebnesin.

YOHANES 16:31

Dara Yesus adya sikenek, ”Wera, ugunda dib senelum de?

YOHANES 19:27

Dara, Yesus adya alja wanaʾ ulumoknya bek, ”Nera anja genong gera alan,” hyok. Dara ban sum enyek, Yesus eilin gera, nab neikaʾ ulumnenam aboka Yesus adya wanaʾ ulumoknya bedya domok.

YOHANES 20:10

Dara, yuba doro diriga ban nang ek sam on pik bilirek.

YOHANES 4:21

Yesus adya alak, ”Yok yanamla sum enyek, nim adya Imik Neyung ak ara, mein enyekan gomaʾ, Yerusalem heikek ok gomaʾ, giblemnemak ara dib senewalom.

YOHANES 4:23

”Bok eimik yanamla sum era, onoʾ al wen seleb ulumla sum eneba, Imik Neyung bek dib giblemak nim era, ganya adya gibnemak, Imik Neyung alba ulumla sok sunuwoka gibnemak. Ban anaso nimi ganya ara, Imik Neyung adya nak unu gibneneseng senelamla.

YOHANES 5:25

Ugunda ban nadya lebsinaʾ anyek dib senewanalum, seleb somogorob nim era, Imik Neyung bedya alja me nedya yuba keboka embengaʾ buknemak salek era, eimik yanamlaʾ hnon, weneba seleb yeiniboka ulumla amna ara, ugunda dib senewanalum.

YOHANES 5:28

Dara ban lelesin anyek, hyak lok ganya bobnenggunulum. Eimik yanamla sum enyek, seleb somogorob nimi nidyaʾ ara Imik Neyung bedya me nedya yuba kebija dara, dibsik oulyang ak ab ara, embengaʾ suboka buknemak.

YOHANES 8:16

Dara onoʾ hnon, nabeyok unggulumna, Neyung be nak sokok bokol yeilinyoknya bera, nablaboka ulunamaʾ anasa, nadya yuba lelel yabasinya dara, hyak beknaʾ dangalamla.

YOHANES 8:29

Neyung be sokok sam bokol yeilinyoknya bera, nablaboka sobaʾ neikik ulunam. Nara alja ganya perob senelamnaʾ anyek, sobaʾ unulamnaʾ anasa, alda nak lo banggulunel,” hyok.

RASUL 21:6

Wera nunda sikeneb soruka salawoka gibildalamoub ara, nunda mek ekla bunaʾ ak welewoub dara, sikda ek lo byik.

RASUL 8:1

Saulus bera anyagan ulumok ara, Stefanus bek obek dara, perob senemok. Dara al neik sum enyek, men obadya nang Imik Neyung yuba lenaʾ gak nang enyek orok bok, yok Yerusalem heikek sam ab yuba donaʾ nim ek, doluwoka yaklanawoka doboka olosik dara, doluwoka bokdangoka hnonda Yudea sam hnon, hnonda Samaria sam hnon, doknol balamek.