YOHANES 16:27 - PERJANJIAN BARU NALCA YUBA

²⁷ Ugunda nak alda Imik Neyung ak ab yeilimok senewoka, wanaʾ nauba ulunulumaʾ anasa, Imik Neyung adya ugunuk hnon wanaʾ ulusilekanya, alja yokaʾ-yokaʾ ugunuk eleganasil.

YOHANES 16:27 ပူးပေါင်းရင်းမြစ်များ

MATIUS 10:37

”Heknedya nak ara loboka, aljaʾ neyung genong ak wanaʾ nauba ululanya bera, nadya yuba donaʾanya henggunuseng. Anasonya neikek, heknedya alja mabo gelmabo ek wanaʾ nauba ululanya bera, nadya yuba donaʾanya dibaʾ henggunuseng.

YOHANES 14:21

”Heknedya nadya oruklesin yub ek salawoka unululanya bera, nak wanaʾ ulunelnya bera alan. Dara, nak wanaʾ ulunelnya bek, nadyaʾ neyung bedya alak wanaʾ ulumnamlakanya, nababya alak wanaʾ uboka nadya nong alak aawanamna,” hyok.

YOHANES 14:23

Yesus adya dara, ”Ben hnon nak wanaʾ ulunelya dara, alda nadya neklesin yuba sunuwoka ulumnamla. Dara, nadyaʾ neyung bedya alak wanaʾ ulumnamlakanya, Neyung beb, nab alak yeinima dara, alab neikaʾ ulumnamab.

YOHANES 16:30

Anda yokaʾ-yokaʾ nidyaʾ ella ululamakanya, yok nim edya anak yokaʾ-yokaʾ amba leboka salyaʾ heibnenggununggeseng, ara wen ella ulenjab. Anasa, nunja dara, anda Imik Neyung ak ab yeililumaʾ ara, ban adya dib senelenjab,” hyek.

YOHANES 17:23

Dara, nara sik lomok uboka, onoʾ anda na lomok uboka, sikda hyak ganya hnonok ulunokaʾ aboka mololamna. Anadya wera, soko nim edya, Yesus ara aldib Imik Neyung adya sokok sam bokol yeilimok senewoka, hnonda Neyung anja nak wanaʾ ulunelem sok, onoʾ sikenek wanaʾ ulusil senewoka ella danokaʾ aboka mololamna,” hyok.

YOHANES 2:11

Yesus adya, alja senenggom migibaʾ beknaʾ sokok unura yabalamokaʾ hyak men youbuka unumoknya nera, Kanaan heikek ab unumok. Ban unumokaʾ adya, alja senenggom migibaʾ unaʾ era laga dangamok. Dara, alja diriga ban nang era, alak dib senemek.

YOHANES 3:13

”Nimi hnonok sibin anaba imik heik sam embengaʾ welewanggubuk bok, nimi dibaʾ me nek imik heik ab yeilimoknya bek hnonok unumok.

YOHANES 7:29

nara alak ab bokol yanyokaʾ anasa, nara alak ella ulumna,” hyok.

YOHANES 8:42

Dara, Yesus adya Yahudi nang ek lebokaʾ ara, ”Imik Neyung ara ugunja neyung be yokaʾ ulumso dara, nara nabeyok ganya doboka salyaʾ lelem sokok an yanggubsa bok, Imik Neyung adya bokol yeilinyok anasa, ugunda nak wanaʾ ulumnesom.

ROMA 8:3

Anera Yahudi nim emba unuwanalum an yub ara, nimi nonga hmeng adya, pe gigiwoka unuwamenggom anasa, Imik Neyung ara, alaʾ me yokaʾ anyek, malya ulumak nimi nonga nenewoka bokol yookanya memewokaʾ ara, malya unaʾ ak nenesemba leboka igina kwenaʾ elegok.

1 KORINTUS 15:47

Men uyimoknya Adam bera, soko yokaʾ ak doboka uyimok, bok eimik Adam bera, imik heikek abaʾ ara yeilimok.

1 KORINTUS 16:22

Heknedya Wenelesilnya bek nauba wanaʾ unaʾ orok dara, bera hyak malya dolul. Maranata. Nunja Wenelesilimnya o, yalom e.

2 KORINTUS 5:14

Kristus alja wana usinaʾ adya, nuk goluwoka bo ulusil. Dara, nimi ben hnon nimi nauba amba somogosuk dara, wera nimi nidyaʾ ara seleb somogekaʾ ak ulumakaʾ anyaʾ senelemab.

GALATIA 4:4

Bok Imik Neyung adya sumen senemokaʾ nong sum gigiwok dara, aljaʾ yando me nera sokok sam bokol yeilisuk. Wera me nera, unuwanalum an yuba mamok salek era, sokok an gel gedya boboka beibuk.

EPESUS 6:24

Nunjaʾ Wenelesilnya Yesus Kristus ak orok dengaboka sarangganggunumla wanaʾ unaʾ edya, wanaʾ ululum nang ek wanaʾ uboka eleksinaʾ adya bo ulusulul. Nara Paulus bedya gibsin, perob.

1 TIMOTIUS 1:15

Ban yuba nong enyek, hyak dib nong anasa, doboka dib senewanamakaʾ ara ban: ”Yesus Kristus sokok an yeilimokaʾ ara, malya unaʾ nim enyek blebsununaʾ aboka yeilimok.” Dara sik unulumakaʾ gangganek ara, na nong anyek hyak okoka yu hwam malya unaʾanya bek ulumna.

IBRANI 12:6

Nera Imik Neyung ara alja wanaʾ ulumla nim ek ara wenelesilikanya, alda alja mabo geblamla nim ek ara legebnaʾ adya deblesil,” wenyalalanya nera ugunda hibigoulum de?

1 PETRUS 1:8

Ugunda wera Kristus ak ara heng eibnenggulumjok, wera alak wanaʾ ululum. Onoʾ wenera alak ara eilinaʾ orokjok, alak dib senelelum. Ban nenesa leboka ugunda wenera hyak ei-ei ganya bolomunukanya, hyak perob senewoka nauba eiya hlalalum.

1 YOHANES 4:19

Imik Neyung adya youmaʾ enyek nuk men wanaʾ ulusukaʾ anasa, nunda wenera wanaʾ ulumab.

WAHYU 3:19

”Nadya okoka yokaʾ nauba wanaʾ ulusin nanga nong enyek, ooma leboka nauba wenelesin. Anasa, anda yeiriwoka migibaʾ anyek anja malya unaʾ eibkweboka loboka ganya dib dangawalom.

WAHYU 3:9

Dara nimi nidyaʾ bisaʾ dubnya Satan bedya bisaʾ mab silibaʾ ulumak nang era, Yahudi nang yokaʾ gom bok, sondaʾ anasa nunda Yahudi nang enyaʾ aldalamak nang era, nadya anjaʾ saramek sam yeiniboka gibgenokaʾ aboka unuwanok senen ganya enyek eleganesin. Anedya sikda, nara anak wanaʾ ulunggenaʾ ara gobdo ella danamak.