YOHANES 16:25 - PERJANJIAN BARU NALCA YUBA

²⁵ ”Wen ugunuk wenyalasinya nera okoka poboka, gak ara an aboka lenggulusin bok, eimik yanamla sum era, nadyaʾ neyung bek ban men lelesinya loboka, poboka laga lebnesin.

YOHANES 16:25 ပူးပေါင်းရင်းမြစ်များ

MARKUS 4:13

Dara onoʾ Yesus ara sikenek wenhyok, ”Ugunda ban sunuwoka lebnanya nenyek, damok ara anyek leblaʾ senenaʾ orok de? Dara hekaʾ adya nidyaʾ yok sunuwoka lebnesengnya nera ella danasom do?

MARKUS 4:34

Yesus ara yok-yok nim ek yuba leb eleganesin dara, sununaʾ adyok sunuwoka yuba lel eleklesuk. Bok alda alja yuba doro diriga ban nang ek ara, sikbeyok dara, yuba yokaʾ nong adyok, nidyaʾ laga poboka neklesuk.

MARKUS 8:32

Yesus ara hyak laga poboka alja yuba doro diriga ban nang ek, anaso unuwanamla aboka neksuk. Wenyek Petrus bedya, Yesus nonga glib salawoka, ”Neyung, nera wenyanaʾ ara loblom,” hyok.

YOHANES 10:24

Ban sum enyek, Yahudi nang era Yesus ak aknel ganagal yeiniboka, ”Anda nuk lobaʾ nenelesilimaʾ ara hek sum lobnesilim do?” aboka heibek. ”Anasa wera, anda aldib Kristus nimi blebsinaʾ dubnya ulumen bok dara, nara alan aldib ulumna aboka or laga poboka leblom,” hyek.

YOHANES 10:6

Dara, Yesus adya ban yuba sunuwoka lebsuk bok, sikja dara, damok ara anasa lemla senewoka ella danggumek.

YOHANES 16:12

Nara yok-yok yuba nauba ugunuk lebnesisinya bok, wenyek dara, ugunuk hyak igin ubnesuso.

YOHANES 16:2

Ugunuk Imik Neyung ek sam abaʾ ara, yaklemnasak. Dara, onoʾ hnon, sik unulusija nim edya dara, Imik Neyung amba nunda pe giboka unulumab senelemeija salek era, yanamla.

YOHANES 16:32

Ugun doluwoka bokgoknesak salek ara, eimik yanamla, hnonda al wen seleb yal. Ugunda ugunja e pik bokgokoka bindowanalumukanya, nara nabeyok lo bininulum bok, nabeyok unggulumnamna, nadyaʾ neyung beb neikaʾ alablaboka ulumnanam.

2 KORINTUS 4:2

Nunda doknololanya, nimi malya dangoka alya dangananya nera, lek aboka lolomab. Nunda nim ak bob geregoka, Imik Neyung yub ak dangab menegoka unggulumab. Alda nuk dara, Imik Neyung wa welemabaʾ ara, dib nong yub enyek laga amawoka welemab. Ban adya, nimi nidyaʾ ara nuk dara, Imik Neyung hogung ak ara, aldib anara welemak senewoka, sikjaʾ mek ganya ek ab wensenewaneseng.