YOHANES 16:22 - PERJANJIAN BARU NALCA YUBA

²² Wen an lebnanya nera, ugunuk neik so danamla. Wen ganya engelelum bok, nara ugunuk onoʾ eibdeibya sum era, ei-ei ganya bolomnulum. Dara, ugunja ei-ei ganya ara yok nim edya ugunja ganya ek ab salyaʾ lolowoka dobnenggunusak,” hyok.

YOHANES 16:22 ပူးပေါင်းရင်းမြစ်များ

MATIUS 28:8

Dara gelewa era, nimi dilinaʾ ak ara men berra lo birik. Anya lok gar-gadyaʾ uboka, eiyasa nang penya, Yesus alja yuba doro diriga ban nanga ulumekaʾ ak nekdo birik.

LUKAS 10:42

Bok alda dib nongaʾ ara hnonok ulumla. Anya Maria gek dara, alak ab yokaʾ adya salyaʾ dobnenggunumlaʾ perobaʾ anyek, weboka dobla,” hyok.

LUKAS 16:25

”Bok Abraham bedya benyek lebokaʾ ara, najabo banyek seiniwanalam: anda or anam embengaʾ ululum dara, perobaʾ ok doboka boboka delelum, alda Lazarus bek dara malyaʾ ok doboka dereklemok. Amba wenyek dara, Lazarus bera perobaʾ ak bukla bok, anak dara, nauba gweklelam.

LUKAS 19:26

Danyek dubnya bedya lebnemokaʾ ara, Ugunda hyak pe beknelum, Heknyek nauba ululanya bek anyek, eimik nauba sounuwoka eleganamla. Bok yokaʾ-yokaʾ oroknya bera, alak an mekaʾ ululanya neneba nidyaʾ dobnamla.

LUKAS 24:41

Wera sikda hnon ganya era, anam lok gar-gadyaʾ uboka ei-ei ganya bobekaʾ adya, anam dib senewanggubek salek enyek, Yesus ara sikenek, ”Ugunda denaʾ hnon beiyilum gom?” aboka heibsuk.

YOHANES 14:1

”Ugunda ganya mounduk-mounduk anggom. Imik Neyung ak dib senewomunukanya, onoʾ nak hnon dib senewonululum.

YOHANES 14:19

Mek anam binimnaʾ anasa, soko adya nak eibnenggununel bok, ugunda nak eillilimnenulum. Nab embengaʾ ulumnaʾ anasa, ugumbabya embengaʾ ulumnulum.

YOHANES 14:27

Ganya daboka unaʾ ara ugunuk lobonggo binisin. Narinya nenyek ugunuk elegoka lo binisin. Sokok anyeb eleklesilnya nenesoʾ ak eleganggunusin. Anasa, ugunda mounduk-mounduk aboka lok ganya bonggom,” hyok.

YOHANES 16:16

”Ugunja nak eibnenggununulum salek era, mek anam ubnamlakanya, onoʾ saaboka eibnenulum salek era, mek anam ubnamla,” hyok.

YOHANES 16:20

Nara ugunuk dib lebsin, Ugunda engewoka bonggeliklimnelum bok, soko ak dara, eiya hlaboka glolomnamla. Ugunuk sugunaʾ ganya bolomnulum bok, ugunja sugunaʾ ganya era eimik ei-ei ganya danamla.

YOHANES 16:6

Bok, ban nenyek ugunuk seleb lebsin adya, ugunja ganya engewoka soloma dabsil.

YOHANES 21:7

Wera danyek, Yesus adya hyak wanaʾ nauba ulumokaʾ alja yuba doro diriga bannya bedya Petrus bek, ”Ban ara Wenelesilnya benyaʾ,” hyok. Petrus bedya, ”Ban ara Wenelesilnya bera an,” yuba kemok dara, men gwirimok akleng era onoʾ ongobgogobok dara, mekek yoruwoka mek gemek bilimok.

YOHANES 4:14

nadya elegeisinya mek enyek delenya bera, eimik saaboka mek ok ubnenggunumla. Bok saaboka, nadya elegeisinya mek ek dara, alja nong lomok sam ara sob-sobaʾ yabalmorulamla mek anaso dangoka, dib embengaʾ ulmoubnaʾ eleganamla,” hyok.

RASUL 13:52

Wera Antiokhia heikek ulumek yuba doro diriga ban nang era, hyak ei-ei ganya boboka, Imik Neyung Geisinya adya deknewoka ulumek.

RASUL 16:25

Wera inimnek dukdukanek enyek, Paulus beb Silas beb dara, Imik Neyung ak heng uboka molowoka, bera seboka giboka lelerek. Dara onoʾ yok anyagan henga geregoka beiyisik nang era sikenek kero ulumek.

RASUL 2:46

Sikda hyak sobaʾ Imik Neyung e eremek longowoka yuba sobaʾ dolomek. Dara sikda ganya sokok nenebdangoka, ei-ei ganya boboka, sikja e pik dero yabalamek.

RASUL 5:41

Dara, yuba doboka lelemek nang era, Yesus si amba leboka olosak, yokaʾ unulusak ara, perob aboka eiya daboka, yuba sanaʾ gak nang ek ab goboka bilimek.

2 KORINTUS 6:10

Nunda igin ganya bolomab bok, onoʾ sobaʾ ei-ei ganya bolomab. Nuk bonaʾ garan ulumab bok, nunja yok nim ek ara bonaʾ dub nimi nenelemab. Nuk dara, yokaʾ-yokaʾ garan ulumak senen bok, hyak yokaʾ nauba ulusil nang ek ulumab. Dara ban yokaʾ-yokaʾ nidyaʾ ak, perob wa wen nang beknaʾ dangalasululaʾ aboka laga amalamab.

2 TESALONIKA 2:16

Ugunda perobnya weboka, onoʾ perobnya nenyek unulululumaʾ aboka, nunjaʾ Wenelesilnya Yesus Kristus adya, hnonda nunjaʾ neyung Imik Neyung adya, sobaʾ amba ganya sangab elegoka, nunja ganya migiba gebnesil. Imik Neyung adya nuk wanaʾ ulusilekanya, aljaʾ perob ganya edya, siklerob ganya boboka, perobnya nek ganya nebom aboka diri ulumab.

IBRANI 10:34

Nimi henga geregoka beillilesik nang edya engelemeknya nera ugumbabya unululum. Ugunja dara, nunda eimik era songa leboka blobnenggunumla perob so bonaʾ Imik Neyung adya eleganesilaʾ seleb ella ululumaʾ anasa, ugunja bonaʾ nidyaʾ hokaʾ nang edya doluwoka dolosik dara, or unulunok senewoka dogom alum.

IBRANI 6:18

Wera ban penya damok era saawoka yok danganggulumla ara, Imik Neyung alja laga lenaʾ ab, unuwanasin amnaʾ ak ara, hyak mekaʾ sondaʾ lenggulumla. Ban nenesa leboka, nunda Imik Neyung ak perobaʾ leboka muruklumab nim era, nunjaʾ hogung ak an ulumlaʾ ganya nebom anaʾ ara dib dobnemabaʾ anyaʾ senen ganya era migib eleklesil.

1 PETRUS 1:8

Ugunda wera Kristus ak ara heng eibnenggulumjok, wera alak wanaʾ ululum. Onoʾ wenera alak ara eilinaʾ orokjok, alak dib senelelum. Ban nenesa leboka ugunda wenera hyak ei-ei ganya bolomunukanya, hyak perob senewoka nauba eiya hlalalum.