YOHANES 15:27 - PERJANJIAN BARU NALCA YUBA

²⁷ Dara, ugumbabya hnon, nara ugunublaboka youmaʾ ek moruwoka neikaʾ ulumoubaʾ anasa, nasamba leboka laga neklemnenulum,” hyok.

YOHANES 15:27 ပူးပေါင်းရင်းမြစ်များ

MARKUS 1:1

Imik Neyung bedya me Yesus Kristus amba perob lero yanggan yuba men leb einiwok yub era ban.

LUKAS 24:48

Ugun nong anyek, ban damok en eiblum nang ulumnelum e.

YOHANES 19:35

Dara, ban nidyaʾ unulumokaʾ anyek okoka ok ab eiyimoknya bedya, aldib unumok aboka laga neksuukanya, alja eiyimoknya bedya unumok hyokaʾ ara aldib lebok. Alja lebok yub era dib nong yub anyek ella uboka, ugumbabya dib senelelulumaʾ aboka nekesuk.

YOHANES 21:24

Dara ban benyek ara, Yesus adya unulumokaʾ nidyaʾ ak laga lelemookanya, ban yuba domokaʾ momnya doboknya bera alan. Alja nidyaʾ momnya doboka lebokaʾ ara, dib nonga lebokaʾ ara nunda nidyaʾ ella ulumab.

RASUL 1:8

Bok, ugunda Imik Neyung Geisinya ugunuk sam seleb yeisilya dara, ugunda migibaʾ dobnelum. Dara, Yerusalem heik ab, nidyaʾ Yudea sokok ab, Samaria sam ab ara, nidyaʾ soko dagolongnaʾ me nidyaʾ, nasamba yuba bo lero yabalemnelum,” hyok.

RASUL 13:31

Wera, Yesus ara embengaʾ suboka bukumok dara, alda onoʾ nara embengaʾ subna aboka, alablaboka Galilea sokok ab ara, Yerusalem heikek neikaʾ yeiniboka ulumek nang ek, liga gong amaldal giriklemok. Dara, sik amasuk nang enyek, wera Israeli nang ek sam unuwoka yuba beknaʾ len nang ulumak,” hyok.

RASUL 18:5

Wera Silas beb, Timotius beb dara, Makedonia mok eb ara, seleb Korintus moka yarek dara, Paulus bera yok wa loboka, Yahudi nang ek Kristus anyek, Imik Neyung adya nimi blebsinaʾ dubnya eleganesin aboka orowek lemoknya bera, Yesus anasa lemok aboka yuba sobaʾ lel eleklesuk.

RASUL 23:11

Dara onoʾ nenyek mabok sum enyek, Wenelesilnya Yesus bera, lendara dib Paulus berem sekoka, ”Anda ganya dabogalom,” hyok. ”Anyagan Yerusalem heikek nasamba laga lelelum sok, Roma heikek anaba neik so unulumnalam,” hyok.

RASUL 3:15

Alda nim embengaʾ unaʾ dubnya bek, ugunja dara, seleb oblum bok, Imik Neyung adya seleb somoknaʾ ak ab suboka bukiyimok. Unumoknya nera, nunja henga yokaʾ adya okoka kaboka eiyimoub nang nunda an.

RASUL 4:20

Nunda seleb eiyinum kenum anyek lelenam ara, hyak lobnenggunusinim,” arek.

RASUL 4:33

Dara, Yesus yuba lenaʾ gak nang era, hyak senenggom migibaʾ gologoka, Yesus ara seleb somogoka onoʾ embengaʾ suboka bukoka welewok aboka, yuba lero yabalemek. Dara, Wenelesilnya bedya wanaʾ uboka eleksinaʾ adya nauba aralasuk.

1 PETRUS 5:1

Nim ugun yuba dololum nimi bo usin nang ek kebnokaʾ aboka anara moloweisin. Nadya ban ugunuk momnya doboka beibsinaʾ anara, ugun kabo yuba donaʾ nimi bo usinya bedya, Kristus gwekoka somogokaʾ ara, nab okoka eibsenya bedya, anya Kristus si imik nenewanamlaʾ ara nim ek laga danamla sum era, neikaʾ unuwanasilnya bedya, ugunuk moloweisin.

1 PETRUS 5:12

Nadya ban burum momnya donaʾ beibsinaʾ anara, Silas benya arawoka beibsinem. Nadya dara, Silas bera nunjaʾ hem be yuba donaʾanya bojamnya bek ulumla. Nadya ban weboka beibsinaʾ anara, Imik Neyung adya perobaʾ eleklesilaʾ dibaʾ anyek, ugunuk unuwaneseng senewoka, unuwanalumaʾ anyaʾ aboka beibsin. Ugunda ban unu eleklesilaʾ anyek pe salabmoubuka ulululum.

1 YOHANES 4:14

Imik Neyung bedya me nera, Imik Neyung adya soko nimi blebsinaʾ dubnya dolulaʾ aboka bokol yeilimokaʾ anyek, nunja seleb okoka eiyimoubakanya, nim ek leb elekdo yabalamab.

WAHYU 1:2

Dara onoʾ aldib Yohanes bedya aljaʾ dib heng yokaʾ adya eibukaʾ nidyaʾ ara, Imik Neyung adya lebok yuba hnon, anya Yesus Kristus amba len yuba hnon, ban bukuk sam laga lelemla.

WAHYU 1:9

Nara Yohanes bera, ugunjaʾ hem be nimi nidyaʾ Kristus mabo dangamna nim ek kwelesil igin yakaʾ neikek kwelesilnya bek ulumna. Nunda igina kwelesil bok, Imik Neyung amba ulumabaʾ anasa, or unulusululaʾ aboka ganya siklebdaboka ganya gouluwoka ulumabakanya, alja mabo hnonok ulumab. Dara nara, mek dubuk sokok Patmos heikek an henga gouboka bokol yanyekaʾ ara, Imik Neyung yub amba hnon, Yesus amba len yub enyek, lero yabanaʾ amba leboka ubnyek.