YOHANES 15:20 - PERJANJIAN BARU NALCA YUBA

²⁰ Wa wenanya bera, alja neyung bek ab imik so unggulumla seleb wenyamsaʾ ara, beklulum. Dara, sikda nak olonyek dara, ugumba olomnesak. Sikda nadya yuba kelenyek dara, ugumba ugunja yuba kelemnesak.

YOHANES 15:20 ပူးပေါင်းရင်းမြစ်များ

MATIUS 10:24

”Neklesak mab era nauba so uboka, neksinya benyek mek soʾ ak unggulumla; ek wanya bera nauba so uboka, alja wa welelanya bera mek soʾ ak unggulumla.

MARKUS 10:39

Dara sikja Yesus ak, ”Numba or unuwanasinim,” herek. Anasa alda sikenek, ”Ugunda na denemna mek hmeiya denerumukanya, na dobnamna mek danaʾ era dobnerumaʾ ara, aldib.

LUKAS 2:34

Dara Simeon bera sikenek perobaʾ leb elegousuukanya, dara me nen aljaʾ genong Maria gek wenhyokaʾ ara, ”Hyak dib nong ara ban me nera, nimi gong Israel sam ara hnon golugiyiwoka, hnon sekiyiwoka ubsululaʾ aboka orowek memewookanya, nimi nauba ara alak malya aboka walamnemak aboka, alda yokaʾ nong lok so beknaʾ danamla.

LUKAS 6:40

Sekolah me hnon ara anam dolomna salek era, neklesilnya be hwiboka geremseng so unggululabok, heknyek dobgiga balamnaʾ ara dobdakna danyek, wera neikek neklesilnya beneso dangalamla.”

YOHANES 10:31

Dara onoʾ saaboka Yahudi nang edya, Yesus ak girik adya doboka obnobaʾ aboka ulumek.

YOHANES 11:57

Dara, al neik salek enyek, Parisi nang eb, yuba wa gakaʾ dub nang eb, yok nim ek ugunda Yesus ak eibmun dara, salawoka henga goubnemabaʾ anasa, wera an ulumla aboka nuk nekel yanasulum aboka, wenyab girigemek.

YOHANES 13:16

Wa welelanya bera, eili be dibaʾ ak imik so danggunumso. Bokol bilimoknya bera, alak bokol bilimoknya bek imik so danggunumso, henaʾ ara, ugunuk dib lebsin.

YOHANES 5:16

Anasa leboka, Yahudi nang edya dara, Yesus ara Sabat mem sum bok, nimi hwemokaʾ anasa, alak obnobaʾ aboka dub einimek.

YOHANES 7:32

Parisi nang edya, nimi nauba Yesus ak migiboka yuba ngoroknaʾ dero balamekaʾ kemek dara, sikeneb, yuba wa gakaʾ dub nang eb dadya, Imik Neyung ek keeboka bo ulumek nang ek, salawoka henga goubol bululum aboka orugumek.

YOHANES 8:51

Nara ugunuk dib lebsin, nadya yub ek dib senewoka unululanya bera, alda somoknaʾ hyak loboka ulmoublumnamla,” hyok.

YOHANES 8:52

Dara Yahudi nang edya, ”Nunjaʾ neyung Abraham beb, yok-yok senenggom ununumnaʾ lelemek nang enebabya, seleb somogek bok anasa, anja dara, nadya yub ek dib senewoka unululanya bera hyak dib somoganggunumla alamaʾ adya, wera aldib anda bisaʾ gologonjoknya ululamaʾ ella ulunjab.

YOHANES 8:59

Banyek kemek dara, alak obnobaʾ aboka girika dol yabek bok, Yesus ara dengaboka Imik Neyung ek sam ab loboka byuk.

RASUL 14:22

Wera men balarek sum enyek, Imik Neyung yuba leb elekgiga bilirek heik dara, yanggan sam era on pik yanggarek dara, Imik Neyung yuba doro diriga ban nim ek, dib senenaʾ ak mel-mela salabmoboka ulunokaʾ aboka wenebgiga yalarek. ”Nim Imik Neyung bedya wenesin heikek weknemak ara, sokok an igin yakaʾ hnon sum kwellilimnesil bok,” aboka wenebgiga sik yalarek heik pik era yeilirek.

1 KORINTUS 4:12

Nunda yokaʾ-yokaʾ dobnobaʾ aboka dara, nunja soruk adya yeiriwoka welemab. Nuk nim adya weil malyaʾ gloksin dara, unuwesin nang ek amba perobaʾ-perobaʾ lelemab. Nuk malya nenewoka obsin dara, obsin nang ek sam siklewoka lolomab.

2 KORINTUS 4:9

Nuk ol neblesak bok, hnon gwab losinaʾ anasoʾ ak unggulumab. Hnon oboka manallilisak bok, hnon dibaʾ soldenggulusil.

1 TESALONIKA 2:15

Wera ban Yahudi nim era, sikja Imik Neyung adyaʾ ununumnaʾ lelemek nang nauba olomekaʾ ara, onoʾ Wenelesilnya Yesus anaba obekaʾ ara, wera nuk anaba malya nenewoka saboka olosak. Sikja dara, nidyaʾ mok soko nim ek isaʾ nenelesakaʾ anasa, Imik Neyung adya sikenek lek senewoka yu ganya bolosil.

2 TIMOTIUS 3:12

Anasa wera, nimi nidyaʾ Yesus Kristus ablaboka neikaʾ kwebdangoka uboka, Imik Neyung amba gobdo geisa ulunob senelemak nim ek, lobaʾ nenewoka ol neblemnesak.