YOHANES 14:9 - PERJANJIAN BARU NALCA YUBA

⁹ Yesus adya alak, ”Pilipus o, nara ugunub sobaʾ neikaʾ ulumab bok anasa, anda nak anam elgom ulunelem de? Heknedya nak eibnelya dara, wera Neyung bek seleb eiyiledya. Anasa, hekasa Neyung bek aaweisilom alalam do?

YOHANES 14:9 ပူးပေါင်းရင်းမြစ်များ

MARKUS 9:19

Anasa, Yesus ara sikenek, ”Wei, ugunda dib senenaʾ orok nang ek liklum nang o, nara ugunub dara, liga hekbadya neikaʾ uldablemnamna do? Li hekbadya uweibya ek, ganya hwibnelum do? Wera me nera nak an bo yoululum!” hyok.

LUKAS 12:56

Ugunda hyak sene or-or uboka gununaʾ hwam nang o! Ugunda mok soko ima hogung ak keeboka sum era anaso unuwanamla aro lelelum. Alda wen an ulumab salek ululanya nera, ugunda hekasa anasoʾ unuwanamla anggululum do?” hyok.

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

YOHANES 10:30

Nab Neyung beb dara, hnonok ok ulunam,” hyok.

YOHANES 12:45

Wera anasa, heknedya nak heng eilinel dara, alda seleb nak bokol yeilinyoknya bek eillilamla.

YOHANES 14:20

Ban sum enyek, nara Neyung bedyaʾ nong lomok uboka, ugunda nadyaʾ nong lomok uboka, nara ugun lomok ulumnesinaʾ ara, ban sum enyek ella danalum,” hyok.

YOHANES 14:7

Ugunda nak ella ulunusom dara, wera, Neyung bek ella ulumnesom. Dara wera, ugunda alak ella ululumukanya, alak seleb eiyilum,” hyok.

YOHANES 8:19

Parisi nang edya alak, ”Anjaʾ neyung bera hanyagar ulumla do?” aboka heimek. Dara alja dara, ”Nunda penya nidyaʾ ugunja dara, elgom ulusulum. Ugunda nak ella ubnesom dara, wera nadyaʾ neyung anaba ella ubnesom,” hyok.

1 KORINTUS 15:12

Nunja ugunuk leb elekgiga yalasabnya nera, Kristus anyek somogoka embengaʾ suboka bukok aboka lel eleklesab dara, ugun yok nim era, hekasa seleb somogorob nim era, embengaʾ suboka buknenggunuseng alalum do?

PILIPI 2:6

Kristus ara al ulumokaʾ ak dara, Imik Neyung dibaʾ ulumok bok, Imik Neyung ulumnaʾ anara sobaʾ ulunun ganya ok bobnenggumok.

KOLOSE 1:15

Alda Kristus ara, Imik Neyung laga eilinggulumaknya bedya sununaʾ ulumla. Anya yokaʾ-yokaʾ uyiwok ak ab dara, alda hyak nonoknaʾ nongnya ulumla.

IBRANI 1:3

Imik Neyung adyaʾ hyak imik senenggom dilinaʾ era, me al nong ulumla. Imik Neyung nonga laga unaʾ dibaʾ ara, Yesus adya unaʾ pik an ulumla. Wera sokok sam ab imik sam hnon nidyaʾ ulumlaʾ amba dara, alda migib yub adya akwaʾ doboka bo ulumla. Yesus ara soko nim emba malya unaʾ ak ab seleb perobaʾ nenebgogowok dara, Imik Neyung hyak imik ululanya beb neikaʾ imik heikek sam nimi wenewoka bo usin ekla bunaʾ ak sam bukok.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.