YOHANES 14:6 - PERJANJIAN BARU NALCA YUBA

⁶ Yesus alak, ”Nak dara, pik ab, dib yub ab, embengaʾ unaʾ ab, ulumna. Nim ara nak pik orok dara, Neyung bek yangguneseng.

YOHANES 14:6 ပူးပေါင်းရင်းမြစ်များ

MATIUS 11:27

Dara Yesus adya lebokaʾ ara, ”Yokaʾ-yokaʾ nidyaʾ ara neyung bedya nak elegoka lobongganyok. Nimi nidyaʾ ara me ak ara elgom ulumak bok, neyung bedya ok hnonok ella ulumla. Nimi nidyaʾ anaba, neyung anak ara elgom ulunjak bok, me adya ok ella ulunggel, anya me adya nadya neyung bera ban aboka amalesin nim edya hnon anak ara ella ulunjak.”

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

YOHANES 1:17

Imik Neyung adya unuwanalum an yub ara Musa bedya elegesuk bok, wanaʾ uboka eleksinaʾ hnon, dib yub damoka hnon dara, Yesus Kristus adya bo yeilisuk.

YOHANES 1:4

Al lomok ara embeng unaʾ damok ulumlakanya, ban embeng unaʾ ara nim ek dilinaʾ yebellilisil.

YOHANES 10:28

Nara sikenek sobaʾ ulmorulunokaʾ aboka embengaʾ unaʾ eleganesin dara, sikda hyak somoganggunumak. Nimi yok nim edya nadya soruk ak ab hyak bleboka dobnenggunusak.

YOHANES 10:7

Dara, onoʾ hnon saaboka lebokaʾ ara, ”Nara ugunuk dib lebsin, Na nong anyek domba pam amba pik dibaʾ ulumna.

YOHANES 10:9

Nara pik nong dibaʾ ulumna e. Heknedya pik dibaʾ ak uboka weklelanya bera alak blebnamla. Dara, pik dibaʾ pik bini yeini uboka perob denaʾ deregoka ulumnamla.

YOHANES 14:19

Mek anam binimnaʾ anasa, soko adya nak eibnenggununel bok, ugunda nak eillilimnenulum. Nab embengaʾ ulumnaʾ anasa, ugumbabya embengaʾ ulumnulum.

YOHANES 15:1

”Nara dib nong gal nong ulumnakanya, nadyaʾ neyung bera pe yeboka memenaʾanya ulumla.

YOHANES 18:37

Dara, Pilatus bedya Yesus ak, ”Wera anasa, anda aldib dubnya ululam de?” aboka heibok. Dara, Yesus adya Pilatus bek, ”Nara dubnya henelem ara dib lelam. Nara sokok an yeilimsa dara, beiyinyekaʾ ara, nimi yok nim ek dib yub ak laga lebsununaʾ aboka yeilimsa. Anasa, dib yub ak wanaʾ ulumak nim era, nadya yuba kelemak,” hyok.

YOHANES 5:21

Anasa wera, neyung beneba somogamna nim embengaʾ bukiyiboka sikenek embengaʾ unaʾ eleklesil sok, alja me neneba neikso, nadya embengaʾ elegonun senewan nim ek embengaʾ eleklesil.

YOHANES 6:33

Imik Neyung adya eleklesil gwaneng dibaʾ ara, imik heik ab yeiniboka soko nim ek embengaʾ unaʾ eleklesilnya bera alan,” hyok.

YOHANES 6:51

Imik heikek ab embengaʾ unaʾ gwaneng yinggyukaʾ ara, na nong ulumna. Anasa, heknedya ban gwanenga delenya bera, hyak sob-sobaʾ or ulmoublumnamla. Ban gwaneng era nadya nong ek lemna. Nadya nong ek, ban soko nim emba, nim embengaʾ ulunokaʾ aboka, eleganamnaʾ ak lemna,” hyok.

YOHANES 6:57

”Nadyaʾ neyung be embengaʾ ululanya bedya nak bokol yeilinyok dara, nababya al adya ok ulumna. Anasonya neikik, heknedya nadya nong ak delenya bera, nadya nong adya ok ulumnamla.

YOHANES 6:68

Dara, Simon Petrus bedya Yesus ak, ”Neyung o, nunda heknya ak binisibya do? Embengaʾ ulmoubnaʾ yub ara anak danyek ulumla.

YOHANES 8:32

Ban nenyek dib unulumun dara, aldib ugunda hekab-hekab dib ulumlaʾ ara ella danalumukanya, ban dib unaʾ enedya ugunuk gobdo lob lobnesil,” hyok.

YOHANES 8:51

Nara ugunuk dib lebsin, nadya yub ek dib senewoka unululanya bera, alda somoknaʾ hyak loboka ulmoublumnamla,” hyok.

RASUL 3:15

Alda nim embengaʾ unaʾ dubnya bek, ugunja dara, seleb oblum bok, Imik Neyung adya seleb somoknaʾ ak ab suboka bukiyimok. Unumoknya nera, nunja henga yokaʾ adya okoka kaboka eiyimoub nang nunda an.

RASUL 4:12

Anasa, sokok anyagan ara, yok si nedya hnon embengaʾ blebsulul aboka Imik Neyung adya nim ek lebnenggusuk. Yesus si adya ok nimi blebnesil aboka lesuk,” hyok.

RASUL 9:2

Dara Saulus ganya enyek boboka, Yahudi yuba wa gakaʾ dubnya bek biniboka, Damsyik heikek Yahudi nim edya yuba don e dam nang amba, sikja nimi migiba geboka olosak momnya donaʾ anyek elegeinija enyek, Yesus ak dib senelemeija nang enyek, Damsyik heikek sam ulumeijaʾ ak eibnya dara, henga gouboka Yerusalem heikek bo yanasin senewoka dubnya bek molomok.

ROMA 15:16

Wera anera nara, sik Yahudi gom mok soko nim ek, Geisinya bedya munaʾ yok geisa nenewousukaʾ anyek, Imik Neyung adya alak pe giboka beibnyak senewoka doblul aboka, Yesus Kristus wa wenya dasakanya, Imik Neyung adyaʾ perob lero yanggan yuba Yahudi gom nim ek lero yabalamna.

ROMA 5:2

Dara ban ganya aldib senelemabaʾ adya, nunda al pik uboka, perob eleknaʾ ban pik era seleb doboka ulumab. Anya, nunda ban perob eleksinaʾ pikek ulumabakanya, Imik Neyung adyaʾ perobaʾ senenggomaʾ ara, dobnemab senewoka, ganya weboka bolboloklemab.

ROMA 5:21

Anedya, malya unaʾ ara soko me nidyaʾ ob lelewok sok, nunjaʾ Wenelesilnya Yesus Kristus pik uboka, wanaʾ uboka eleksinaʾ anaba, perob nenesin pik uboka, embengaʾ ulmoubnaʾ amba ob lelewanamla.

1 KORINTUS 15:45

Nenesa Imik Neyung yub ek momnya dobokaʾ ara, ”Men uyimoknya bera, nera Adam benyek, embengaʾ ul eininaʾ men youbuka dangamok.” Bok sidyaʾ nong Adam bera, nim embengaʾ ganya eleklesilnya bek an ulumla.

EPESUS 2:18

Wera Kristus pik moruwoka, Yahudi nimi yokaʾ gom, Yahudi gom nimi gom, nunda nidyaʾ ara hnonok neik Imik Neyung Geisinya edya pik uboka, Imik Neyung ak sam ban pik era seleb eiyiwoka balamab.

KOLOSE 2:17

Dara ban nidyaʾ ara, eimik lanawanamlaʾ sununaʾ ek ulumla, bok hyak dib nong ara, Kristus ak ulumla.

KOLOSE 2:9

Hnonda Kristus alja nong yokaʾ ara, Imik Neyung ganya ulumlaʾ nidyaʾ ara alak gobdo ulumla.

KOLOSE 3:4

Dara, nunja embengaʾ ulumabaʾ Kristus ara, eimik laga nenebdalya dara, ugumbabya alablaboka alja senenggomaʾ unaʾ ak sam neikaʾ laga nenewanesil.

IBRANI 7:25

Wera anasa, Yesus ara, alda sobaʾ ulmorulamlakanya, bleblesil nim enesa leboka, Imik Neyung ak sobaʾ mololosilaʾ anasa, aldib sobaʾ ulmorulamlaʾ adya, nim Imik Neyung ak al pik uboka yalamak nim era, hyak gobdo dibaʾ amba bleblesil.

IBRANI 9:8

Wera ban unulumek ununaʾ enedya, Imik Neyung Geisinya adya nim ek neklesukaʾ ara, an Israeli nang edyaʾ Imik Neyung gibnaʾ e nenyek or anam ulumok bok dara, hyak geisa ekla dibaʾ ak sam ban pik era anam baknenggumok.

1 PETRUS 1:21

Wera ugunda Kristus anyek nimi somoknaʾ ak ab embengaʾ suboka bukiyiwoka, imik nenewoknya be pik anyeb uboka, Imik Neyung bek ara dib senelelum. Anasa Imik Neyung enyek anyek, ugunda dib senewoka, onoʾ Imik Neyung enyek ganya nebom aboka diri ululum.

1 PETRUS 2:4

Kristus al nong ak dara, nim adya malya girik senewoka lobek bok, Imik Neyung adya dara, perobaʾ leboka weboka domokaʾ embeng un girik ek ulumla. Anasa, ugunda Wenelesilnya bek youmun dara,

1 PETRUS 3:18

Anasa leboka, Kristus ara lika hnonok ugunja malya unaʾ amba aboka, malya unggulumoknya benyek malya unaʾ nim emba aboka somogok. Kristus adya ban unuwoknya nera, anadya ugun nong anyek doboka Imik Neyung ak bo busununaʾ aboka ubok. Alda nong bokaʾ ak salyaʾ obek bok, subokaʾ ak dara, ganya ak suboka bukok.

1 YOHANES 1:8

Nun dam nang leldalamabja, Nak malya unaʾ unggulunel aldalamab dara, wera nu damnya bol neneldalamabakanya, dib yub ara nunja ganya lomok sam unggulusil.

1 YOHANES 2:23

Alja me nek, Imik Neyung me aboka laga lenaʾ orok nim era, Neyung bek anaba dib donggulumak. Alda alja me nek, Imik Neyung bedya me aboka lelemak nim era, wera nera Neyung bek dib dolomak.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.

1 YOHANES 5:6

Yesus Kristus nong ak hnonok alak ok mek ab, eneng eb dadya uboka, sokok yeilimok. Yesus ara mek dem adyok yanggumok bok, alda mek ab eneng eb neikaʾ hiboka yeilimok. Imik Neyung Geisinya ara sondaʾ lenaʾ oroknya anasa, nera aldib unumok aboka Geisinya enedya nuk laga neklesil.

2 YOHANES 1:9

Kristus adya neklesuk yub ek pe salalmoubnaʾ loboka, Kristus adya yub ak pik aklel hwilimak nim era, sikda Imik Neyung orokaʾ ak ulumak. Alda Kristus adya neklesuk yuba lomok pe ululanya bera, neyung Imik Neyung anaba, alja me neneba yakaʾ ak ulumla.

WAHYU 1:5

Anya Yesus Kristus yuba bojam laga lelesilnya bedya ugunuk ban nidyaʾ elegoka ulusulul. Yesus nong anyek, alak men nimi somoknaʾ ak ab suboka embengaʾ bukiyimoknya uboka, onoʾ al nong anyek nidyaʾ soko dub nang ulumakaʾ sikenek wenewoka bo usinaʾ dubnya ulumla. Dara alak, al Yesus ara nuk wanaʾ uboka, alja eneng edya, nunjaʾ malya unaʾ ak sam ab, blebsuknya bek,

WAHYU 19:11

Dara onoʾ hnon eimik so danyek, imik heikek ara gaboka, wera nim abaksin pama, kul pam ek eibsa. Pam en abagemoknya bedya alja si nera Bojam hwam uboka, dib nongnya aboka simek. Alda nimi henga goubnaʾ ab, mala weboka oldanaʾ ab dara, pe senenya loboka yana lelelesil.

WAHYU 20:15

Dara, nimi nidyaʾ sikja si, nimi embengaʾ un buku lomok sam momnya donaʾ orok nim era, ban sobaʾ singilamlaʾ uk mek gwanek sam doboka doronggousukaʾ ak eibsa.

WAHYU 22:1

Wera onoʾ lero enedya nak nim embengaʾ eleklesil mek era, Imik Neyung ab, domba me ab, sikja bunaʾ ekla ek ab, goboka, eleb-alab arobaʾ ak yabalamok mek enyek, nak aawanyok.

WAHYU 22:17

Dara, Imik Neyung Geisinya ab, Imik Neyung me ak dobnomok gel geb dadya dara, ”Wera, anyagan yoululum!” wenyalarak. Nimi nidyaʾ ban yub en kebnelanya bera, ”Or, yangganok!” henok! Anya heknyek mek ok ubnamla dara, wera or meka del youlul! Heknyek nara embengaʾ ulunun senewalenya bera, wera nim embengaʾ eleklesil mek enyek, or salyaʾ doboka del youlul!

WAHYU 3:14

Laodikia heikek yuba donaʾ nim lero ek unu momnya dobnelamaʾ ara: ”Ban yub enera, Amin, yo aldib anaʾ damnya, yokaʾ-yokaʾ eiyiwoka aldib ulumla aboka, bojam uboka dib nong ok lelelanya, anya Imik Neyung adya yokaʾ-yokaʾ uyiwokaʾ nidyaʾ gaknya bedya yub era ban.

WAHYU 3:7

Filadelfia heikek yuba donaʾ nimi lero ek ban unu momnya dobnelamaʾ ara: ”Ban yub enera, hyak geisa uboka, hyak dib nong ululanya bedya yub era ban. Dara, Daud bedya pik baknaʾ era alja bo ulumla. Alja pika baknamso dara, nimi yok nang edya seregamenggom, anya onoʾ alja sereganamso dara, yok nang edya anaba baknamenggom.