YOHANES 14:26 - PERJANJIAN BARU NALCA YUBA

²⁶ arasinya bera, Neyung bedya nadya si pik uboka bokol yanasil Geisinya edya, yokaʾ-yokaʾ nidyaʾ ugunuk neklemnesilikanya, nara ugunuk lesisa yuba nidyaʾ bekellilimnesil.

YOHANES 14:26 ပူးပေါင်းရင်းမြစ်များ

MATIUS 1:18

Yesus Kristus beibukaʾ ara ban unuwoka beibuk. Yesus alja genong Maria gera, Yusuf bedya molob lomok. Sikda anam dobdanggurek salek, Maria gera Geisinya adya me bobok.

MATIUS 1:20

Yusuf bera wen senewoka anam unu seinibgiga balamok salek, alda lendara mabok. Wera lendara pik uboka, Imik Neyung lero adya alak, ”Anda Yusuf Daud nang yilaʾanya o, Maria gedyaʾ mon lomok sam mamla me nera Imik Neyung Geisinya adya me bomlaʾ anasa, dobdanarumaʾ ak, lok ganya bonggom, mem.

MATIUS 28:19

Anasa wera, ugunda nidyaʾ sokok biniboka, nidyaʾ yok-yok mok soko nim era, nadya yuba doboka diriga ban nanga dangiyiwanalum. Anya Neyung bek si sibuka, alja me nek si sibuka, Geisinya bek si sibuka, sikda meka dalamnalum.

MATIUS 3:11

”Nak dara, malya unaʾ ak ab seleb ganya dangawak anaʾ dibaʾ amba, mek dem adya ok dalasin bok, nak berem eimik yanalanya bedya dara, alda ugunuk Imik Neyung Geisinya ab uk ab dadya, mek dibaʾ dabnesil. Nak dara or mek so bok, alak dara, hyak senenggomnya bek yanamla. Alja yan ongonaʾ anaba, nak dara doboka bobnenggunusinya.

MARKUS 12:36

Nenesa dara, Daud bera Imik Neyung Geisinya gologomokaʾ adya lebokja, Wenelesilnya bedya, nadyaʾ wenelenelnya bek lebokaʾ ara, Anda nadyaʾ sirik soruk sam bulumenaʾ moruwoka, anja isaʾ nang era, nadya anjaʾ yan damumduk sam bo yanenggen, wenhyok,” hyok.

MARKUS 13:11

Dara ugun nong ara henga geregoka, giliwoka bo biniboka, yok nang soruk ak dob eleganasak dara, nunda hekaʾ huru yuba sabnemab senewoka ganya daldom-daldom anaʾ ara mem. Ugunja ganya doboka sabnenggunulum, alda Imik Neyung Geisinya adya sabnelabok anasa, wera ban salek enyek anak eleganenggelaʾ sunuwoka, yub enyek or wenyhenelum.

LUKAS 1:15

Anasa alda, Wenelesilnya bedyaʾ saramek ab senenggomnya danamlakanya, yu mek gom, anggur dok mek ab dara, denggulumnamla. Anya alda anam beiblya salek ebaʾ ara moruwoka, Imik Neyung Geisinya adyok deknewoka ulumnamla.

LUKAS 1:35

Wenyek lero enedya saaboka, ”Imik Neyung Geisinya ara an nong ak yanamlakanya, Imik Neyung hyak imik migibaʾ ululanya bedya migib era anak golul yanenggel. Anesemba, anja eimik beibnelam me nera, alda Imik Neyung bedyaʾ geisa me alamnemak.

LUKAS 1:41

Dara Elisabet gera, Maria gedya gibel yabokaʾ anyek kel yabok sab-sab, alja mon lomok bomok me nera nauba ebegookanya, Elisabet gera Imik Neyung Geisinya adyok deknero lobok.

LUKAS 1:67

Dara Zakharia, Yohanes eili bera, Imik Neyung Geisinya adya deknewoka ubookanya, anaso unuwanamla aboka ununumnaʾ lebokaʾ ara,

LUKAS 11:13

Anasa wera, ugun malya unaʾ nang enyek babya, ugunja mab ek ara perobaʾ anyek eleklelum. Wera ugunja Imik Neyung imik heikek ululanya bera, wanok! Alda Geisinya elegeisilom aboka molowanamak nim ek ara eleganesil,” hyok.

LUKAS 2:25

Dara Yerusalem heikek ara, nimi ben hnon Simeon alameknya bek ulumok. Dara alda Imik Neyung hogung ak ara peboka, geisa ganya boboka ulumookanya, Israeli nim emba ganya gwelelek anaʾ anyek eibnunaʾ aboka, diri ulumok. Anya Imik Neyung Geisinya ara alak arawoka bo ulumok.

LUKAS 24:49

Nadyaʾ anaba, Imik Neyung adya ugunuk lebsukaʾ anyek, ugunuk bokol yanasin. Bok ugunda al heik enyek anyek ok ulumunaʾ ara, imik migib era ugunuk goulul yanasil,” hyok.

LUKAS 3:22

Dara, Imik Neyung Geisinya ara yalma wining uruma anasoʾ anyek, lak-lak aboka, Yesus eilib ak bul yinggyuk. Anya, imik ab yuba hnon kebekaʾ ara, ”Anda nadya hyak wanaʾ nong ulunggen me, an nong adya nadya ganya heklenel,” hyok.

YOHANES 1:33

Alak ella ubnenggusinya bok, mek adya dalalom aboka orugonyoknya bera nak wenyanyok, Geisinya yingginiboka bul yalyaʾ eibnelamnya bera, wera alja ugunuk Geisinya adya mek dibaʾ dalamnesilnya bera alan, henyok.

YOHANES 12:16

Yesus adya alak diriga ban nang era, anam salek era, ella danggumek bok, Yesus anyek seleb imik nenewok danyek, Imik Neyung yuba youmaʾ momnya domekaʾ ara alsamba lebokaʾ ak an, wen unulumek senewoka seinimek.

YOHANES 14:16

”Nadyaʾ neyung bek molowanya dara, ugunuk yok arasinya eleganesil. Ugunublaboka sobaʾ ulululumaʾ aboka, ban aralemnesilnya bera dib yub ulumla Geisinya ek eleganesil.

YOHANES 14:25

”Ban nidyaʾ ara, nab neikaʾ umab salek ok lebsin bok,

YOHANES 15:26

Bok, arasinya neyung bek ab, bokol yanasinya bera, neyung bek ab lanawoka dib yub lelelanya Geisinya bera, yeiniboka, alda nasamba leboka laga neklemnesil.

YOHANES 16:7

Anasa, ban nidyaʾ nadya ugunuk, na imik heik binimna, ugunsamba perob dosulul amnaʾ ara, dib lebsin. Nak banaʾ orok dara, arasinya bera ugunuk yanggunumsoʾ anasa, nak binya dara, wera alda ugunuk bokol yanasin.

YOHANES 2:22

Dara, Yesus suboka sekok dara, alja diriga ban nang era, wenyamokaʾ orowek kemek bok adya, anyek lebok aboka bekemek. Dara onoʾ, alja diriga ban nang era, Imik Neyung yuba momnya dobokaʾ hnon, Yesus adya sikenek wenyamokaʾ hnon, seiniwoka dib senemek.

YOHANES 20:22

Dara, ban wenyabgogomokaʾ seleb dara, sikenek hibaʾ gob goluwoka, ”Wera Imik Neyung Geisinya doblulum,” asuk.

YOHANES 6:45

Ununumnaʾ lelemek nang bukuk ara, sikda nimi nidyaʾ ara, Imik Neyung adya eimik wenewanesil, aboka momnya domek. Anasa, heknedya Imik Neyung bek pe keboka, alak ab dolomla dara, alda nak or yanenel.

YOHANES 7:39

Yesus adya ban wenhyoknya nera, Imik Neyung adyaʾ Geisinya benesa lemok. Ban salek era, Yesus si anam imik nenewanggumekaʾ anasa, Geisinya bera anam eleganggusukjok, Yesus alak dib senewanamak nim era Geisinya dobnamak aboka lelemok.

RASUL 1:2

Yesus ara alda anam imik heik sam binggumok salek, Imik Neyung Geisinya migib adya arawoka, nadya yuba lebnokaʾ aboka yuba lenaʾ gak nang ek anyek pe unuwanalum aboka wenewoka neklesuk.

RASUL 1:4

Dara Yesus ara, alak diriga ban nang eb, neikaʾ yuba salamek sum enyek, ban yub enyek sikenek lebsuk ara, ”Ugunda Yerusalem heik men lobanaʾ ara mem. Ugunda or anyagan ulumunaʾ ara, neyung bedya eleganesin amokaʾ anyek, nadya ugunuk unu eleganesil aboka lebsisa anyek, elegeisilya bok.

RASUL 1:8

Bok, ugunda Imik Neyung Geisinya ugunuk sam seleb yeisilya dara, ugunda migibaʾ dobnelum. Dara, Yerusalem heik ab, nidyaʾ Yudea sokok ab, Samaria sam ab ara, nidyaʾ soko dagolongnaʾ me nidyaʾ, nasamba yuba bo lero yabalemnelum,” hyok.

RASUL 11:16

Wera danyek, Yesus adya nuk lesuk anyek seiniwasa, Yohanes Pembaptis bera mek dem adya meka dalasuk bok, ugunuk dara, eimik era Imik Neyung Geisinya adya mek dibaʾ dabnesil, amoknya nek seiniwasa.

RASUL 13:2

Dara sikda gwanenga denaʾ loboka, Wenelesilnya bek giboka ulsinilimek sum enyek, Imik Neyung Geisinya adya sikenek, ”Barnabas beb, Saulus beb, nadya sikja webnerak senemsa wa webduruk aboka, nasamba gaboka sekiyiwanalum,” hyok.

RASUL 13:4

Barnabas Saulus ara Imik Neyung Geisinya adya, wera binirum aboka bokosuk anasa, sikda penya dara, Seleukia heikek golugereekanya, onoʾ anyaganyeb uboka dara, mek ekla bunaʾ pik bukoka Siprus mek gwan dubuk sokok sam birik.

RASUL 15:28

Ugunuk sam nauba senenggom igin yakaʾ enyek kweiyiwoka ubsilyek aboka, Imik Neyung adya Geisinya beneba hnon, onoʾ nunjaʾ anaba, nera ugunuk ubsilyek aboka, alda ban nenyek unuwanasengnya nera ban ulumla an:

RASUL 15:8

Dara, Imik Neyung adya nimi nidyaʾ ganya ella ulusilnya bedya, alja Yahudi gom nang ek doro dibnesuk amba dara, seleb laga amasuk. Unuwoka amalasuknya nera, Imik Neyung adya alja Geisinya benyek, nuk men youmaʾ seleb elegesuk sok anyek, onoʾ sikenek hnon seleb elegesuk adya, amasuk.

RASUL 16:6

Imik Neyung Geisinya adya Paulus beb, Silas beb dak, Asia mok era Imik Neyung yuba lel birijek aboka mem hyok dara, loboka sikda Frigia sam hnon, Galatia sam yuba lebgiga birik.

RASUL 2:33

Onoʾ Petrus sikenek moruwoka lemok, ”Wera, Imik Neyung sirik soruk sam Yesus ak seleb imik beiyiboka, Geisinya eleganesin amok ara, elegoka dobok dara, wera, neik geisa ganya anyek nuk eleklesil ara, wera an ugun seleb eillililum kelelum.

RASUL 2:4

Wera dara, sikda nidyaʾ Imik Neyung ganya adya deknesuk dara, Imik Neyung Geisinya adya anyek sabnok senewoka elegesukaʾ adya, sikda yok-yok yuba nidyaʾ saro yabalamek.

RASUL 20:28

Anasa wera ugun dam nang pe diri bo uldalamunukanya, onoʾ Imik Neyung Geisinya adya ugunuk diri bo ulusinok aboka elegesuk Imik Neyung yuba donaʾ nimi nidyaʾ ak pe diri bo ulululum. Imik Neyung adya, alja me somogok pik uboka, yuba dolomak nang era, Imik Neyung adya alja domba pam dibaʾ dangiyisuk nang anyek, ugunja bo uboka diri ulululum.

RASUL 20:35

Nara nidyaʾ unulamsa anyek ugunja dilililulum aboka, ugunuk sam nimi hmeng ulumak nang ek wa weboka aralelulum aboka amasisa. Anasa wera, Wenelesilnya Yesus bedya, nimi yok nang eleknaʾ anyek perob so, don danagom, wenyamok ara ban amba anasa, seiniwoka beklemnemab,” hyok.

RASUL 28:25

Wera Paulus bemba yuba sabnob aboka longomek ara, Paulus bedya yuba seleb lebgogomok dara, sikda nauba lolobdangoka goboka lo balamek. Paulus bedya lo balamek anasa sidyaʾ lebdakamok yub ara ban: ”Ununumnaʾ lelemoknya Yesaya bek pik uboka, Geisinya adya nunja neyung yabo youmaʾ nang ek lesuk yub era pe lebok.

RASUL 5:3

Dara, Petrus bedya Ananias bek, ”Anda ganya ek bisaʾ dubnya Satan weklul aboka, globol lolamakanya, anja soko dekelam rupiah era darasam era ansamba dolamaakanya, Geisinya bek sondaʾ lelelam ara hekasa ulam do?

RASUL 7:51

”Hemyab o, ugunda hyak ganya gasa uboka Imik Neyung yub ak dib senenggululum anyek hyak lok nong. Ugunda Imik Neyung yub ak sene o onugamna anasoʾ ok ululum. Ugunja neyung yab edya Imik Neyung Geisinya ol yangalemek sok, ugumba unulum.

RASUL 7:55

Bok Stefanus bera, Imik Neyung Geisinya adya deknewoka ulumoknya adya imik sam kemelemok enyek, Imik Neyung dilinaʾ yebokaʾ eiyimok. Dara, Yesus ara Imik Neyung bedya sirikek sam sekemokaʾ ak eiyimok.

ROMA 14:17

Anasa Imik Neyung adya wenesinaʾ era, denaʾ mek arabaʾ ak unggulumla, bok Geisinya adya pik uboka perobaʾ nenenaʾ ab, ganya pe namenaʾ unaʾ ab, ganya eiya daboka unaʾ ab, danyek ulumla.

ROMA 15:13

Wera Imik Neyung al ganya wenaʾ damoknya bera, ugunuk nidyaʾ eiya bon ganya eb, pe namenaʾ un ganya eb, ugunja ganya dib senenaʾ pik uboka nidyaʾ gigiwoka unulusulul. Anedya ugunda Geisinya migib pik uboka, ganya wenaʾ ara hyak nauba danggiga balamnelum.

ROMA 15:16

Wera anera nara, sik Yahudi gom mok soko nim ek, Geisinya bedya munaʾ yok geisa nenewousukaʾ anyek, Imik Neyung adya alak pe giboka beibnyak senewoka doblul aboka, Yesus Kristus wa wenya dasakanya, Imik Neyung adyaʾ perob lero yanggan yuba Yahudi gom nim ek lero yabalamna.

ROMA 5:5

Anya, Imik Neyung adya wanaʾ usinaʾ dibaʾ ara, Geisinya ara, nunja ganya lomok seleb elegousukaʾ anasa, ban ganya we unaʾ adya dara, soloma nenenggulusil.

1 KORINTUS 12:3

Imik Neyung Geisinya adya bo ulusilya nim edya dara, ”Yesus ak ara meilinya,” hemenggom anasa, ugunda ella danalum aboka, neksin. Anasonya neikik, onoʾ Imik Neyung Geisinya adya diri bo usinaʾ orok nim edya, ”Yesus anyek Wenelesilnya ulumla,” hemenggom anasa lebsin.

1 KORINTUS 6:19

Ugunja nong era, Imik Neyung Geisinya alja e ululumaʾ ara, ugunda elgom ululum de? Imik Neyung adya alja ok ganya doboka, Geisinya bera ugunuk elegesuukanya, Geisinya era ugunja nong lomok ulusil. Ugun nong ara, ugunjaʾ ak unggululum. Ugun nong ara, Imik Neyung aljaʾ yokaʾ nongaʾ ak ululum.

2 KORINTUS 13:14

Wenelesilnya Yesus Kristus adya ugunuk wanaʾ uboka eleksinaʾ hnon, Imik Neyung adya wanaʾ ulusilaʾ hnon, Imik Neyung Geisinya adya ganya kweldanaʾ hnon, ugunuk ulusulul. Nara Paulus bedya gibsin e.

2 KORINTUS 6:6

Onoʾ geisa unaʾ adya hnon, ella danganaʾ adya hnon, igina siklebmouboka unaʾ adya hnon, perob unaʾ adya hnon, Geisinya lomok unaʾ adya hnon, munaʾ gobdo wanaʾ unaʾ adya hnon, laga amalamab.

EPESUS 1:13

Imik Neyung adyaʾ perob lero yanggan yub ugunuk blebsululaʾ aboka leb elegeisik yuba kel yabalum sum enyek, ugumbabya Kristus ab neikaʾ kwebdangoka un nimi dangalum. Dara, seleb dib senelum dara, Imik Neyung adya anasa leboka, alja eleganesin amok Geisinya era, alja mabo dangalamak beknaʾ dibaʾ ugunuk seleb elegousuk.

EPESUS 1:17

Hyak senenggomaʾ imik ululanya Imik Neyung ara, nunjaʾ Wenelesilnya Yesus Kristus aljaʾ Imik Neyung bedya, ugunuk yokaʾ-yokaʾ elegosululaʾ aboka mololesin. Imik Neyung ak olowoka pe ella dolulumaʾ aboka, geremseng un ganya hnon, ella dangan ganya hnon, ugunuk elegousululaʾ aboka mololesin.

EPESUS 4:30

Imik Neyung adya blebnesil sum emba, Geisinya bedya seleb ouma debsukaʾ anasa, Imik Neyung Geisinya bek ganya sugul eleknaʾ ara mem.

1 TESALONIKA 4:8

Anasa, ben hnon ara ban yuba blekoka lolomla dara, nimi yub ak gom, alja Geisinya eleklesil Imik Neyung bedya yub ak blekoka lolomla.

2 TIMOTIUS 1:14

Nuk ulusil Imik Neyung Geisinya adya anak arawoka, perobaʾ anak elegenjoknya nera, pe beiyiwoka bo diri ululom.

TITUS 3:5

Alda nuk blebsukaʾ ara, nunja alak perobaʾ ak unumouba amba blebnenggubsuk bok, alda alja men nuk angoo yadyek senewoka arasinaʾ adya ok blebsuk. Imik Neyung Geisinya adya dib embengaʾ damok ab, penya beilinaʾ ab dara, nuk elegoka mek elegosukaʾ adya blebsuk.

IBRANI 10:15

Wera yuba damok enesa dara, Imik Neyung Geisinya adya nuk, nera aldib Kristus ara unuwok aboka laga lelesil. Wera Imik Neyung Geisinya anaba,

IBRANI 2:4

Imik Neyung ara aljaʾ lok so beknaʾ eb, senenggom lok so ununaʾ eb, lok so migib ununaʾ eb, hnon alja unuwanamna senemokaʾ sunuwoka, Geisinya anyek alja bokosuknya neb dadya, blebsinaʾ damok enyek laga amasuk.

IBRANI 3:7

Anasa wera, Imik Neyung Geisinya adya wenyalasil sok, ”Ugunjaʾ neyung yab edya youmaʾ ek hwalek sam ab Imik Neyung ak lobaʾ nenewoka blekoka ulumek sok, ugunda sumen Imik Neyung yuba kebmunjok dara, saawoka gasa ganya bonaʾ ara mem.

IBRANI 9:8

Wera ban unulumek ununaʾ enedya, Imik Neyung Geisinya adya nim ek neklesukaʾ ara, an Israeli nang edyaʾ Imik Neyung gibnaʾ e nenyek or anam ulumok bok dara, hyak geisa ekla dibaʾ ak sam ban pik era anam baknenggumok.

1 PETRUS 1:12

Imik Neyung adya ununumnaʾ lelemek nang ek ara, ugunsamba leldanggululum, alda eimik ulumnemak nim emba lelelum aboka nekesuk. Anara ugun wen an Imik Neyung yuba len nang ek ab, Yesus Kristus amba yuba kelelumaʾ anyek lelesik. Sikja ugunuk lero yalasikaʾ ara, Imik Neyung Geisinya adya, imik heikek abaʾ ara, eleklesilaʾ anyek ugunuk lelesak. Dara, lero nang edyaʾ anaba, sikja lelesak yub era ella danob senewoka dulumak.

2 PETRUS 1:21

Nera Imik Neyung yub ara, hnon nim adya ok salyaʾ ganya doboka lebnesinya senewoka lenggulumek. Bok, alda Imik Neyung Geisinya anyek, Imik Neyung yuba leblulaʾ aboka, nimi ganya ak wekemok nang edya lelemek.

1 YOHANES 2:20

Bok ugunuk dara, geisa ululanya bek ab Geisinya ara ugunuk seleb lobonggosukaʾ anasa, wera ban adya dib nong yub ara, ugunda seleb ella ululum.

1 YOHANES 2:27

Bok ugunsamba dara, al adya Geisinya yek goulunaʾ ara ugunuk anam ulusil bok dara, nim adya ok hnon ugunuk neknenggunusiseng. Anasa wera, ban yek goulusinaʾ adya yokaʾ-yokaʾ nidyaʾ wen neklesil bok dara, anya wera alja neklesilnya nera, anara sondaʾ ak unggulumlaʾ anasa, anera aldibaʾ ak ulumla. Anasa wera, yek goulunaʾ adya yokaʾ-yokaʾ nidyaʾ neklesilaʾ anyek, ugunda dib senewoka, al lomok ululum.

1 YOHANES 5:7

Ban nong ak dara, damok winilya danadya nuk laga neklesak ara, Imik Neyung Geisinya hnon, mek adya hnon, eneng adya hnon, sik winilya dadya, neik yub enyek ok laga neklesak.

YUDAS 1:20

Bok nadyaʾ hemyab ugunuk dara, ugunja dib senelumaʾ ara, hyak perobaʾ geisa nong ulusilaʾ anyek, wera migib nenebdanggiga balamunukanya, ugunda Imik Neyung Geisinya migib unaʾ lomok uboka mololelulum.

WAHYU 2:11

”Heknya o yakaʾ ara, Imik Neyung Geisinya adya yuba donaʾ nim ek lelemlaʾ ara pe keblul! Heknedya malya unaʾ ak ab oblamaganalanya bera, eimik somoknaʾ damoka lanawanamla sum era, alak bebeganggunumla,” aro momnya dobnelam, hyok.