YOHANES 14:12 - PERJANJIAN BARU NALCA YUBA

¹² ”Heknedya nak dib senewanenel dara, nadya welemsa wa nera, alba unuru welemnamla. Dara, nara Neyung bek binimnaʾ anasa, alda nauba so welemnamla asinaʾ ara, dib lemna.

YOHANES 14:12 ပူးပေါင်းရင်းမြစ်များ

MATIUS 21:21

Anasa Yesus adya sikenek, ”Aldib, ugunda ganya daldom-daldom anaʾ loboka, dib senelemnelum dara, nadya ara gal ek wema dabne sok, ugumbabya anasonya nera unuwanasom. Dara nenyek ok gom, alda ban mein enyek an lebnelumja: Somokdangoka senenggom mek gwanek sam bologoldal bilom, henelum dara al gigiwoka unuwanamla.

MARKUS 11:13

Wera Yesus ara mok so ab, ara gal meklaʾ hnon bolomokaʾ ak eibuk. Dara, alda gal doka hnon ulumlyek aboka, gal dam enyek an, oka biniboka kemelemok enyek, alda gal doka hnon eibnenggubok. Bok ban salek era, gal dok li lanawanggom adya, meklaʾ ok bolomokaʾ ak eibok.

MARKUS 16:17

Ban nim enera, yuba dib dobek beknaʾ dibaʾ ara, ban migib enyek ulumnesil, yuba dib senewoka domeija nim edya, nadya si sibuka bisaʾ yaklemnemak, sikda sikba elgom yuba, wenyok yok yuba, saro yabalemnemak,

YOHANES 14:28

”Nara binyekanya, onoʾ ugunuk saaboka yanasin amnaʾ ara, seleb kelum. Dara, nak wanaʾ ulunesom dara, nara meknya Neyung bera senenggomnya anasa, nara Neyung bek bininanya nenyek, ugunda eiya dabnesuso.

YOHANES 16:7

Anasa, ban nidyaʾ nadya ugunuk, na imik heik binimna, ugunsamba perob dosulul amnaʾ ara, dib lebsin. Nak banaʾ orok dara, arasinya bera ugunuk yanggunumsoʾ anasa, nak binya dara, wera alda ugunuk bokol yanasin.

YOHANES 4:37

Be hnon melemla dara, onoʾ yok nang daklamla, wenyalamak ara, dib nong.

YOHANES 5:20

Anasa, neyung bedya alja me nek wanaʾ ulumlakanya, alja unulamlaʾ nidyaʾ ara, alja me nek amalamla. Wera onoʾ eimik era, neyung bedya hyak senenggom ununaʾ enyek elegoka aawalya dara, ugunda eiyiboka hyak loka dabnesil.

YOHANES 7:33

Danyek, Yesus adya lebokja, ”Nara sokok an ugunublaboka ulumnamab salek era, hyak mek ok ublaʾ anasa, ban nen seleb dara, na bokol yeilinyoknya bek saaboka binimna.

YOHANES 7:39

Yesus adya ban wenhyoknya nera, Imik Neyung adyaʾ Geisinya benesa lemok. Ban salek era, Yesus si anam imik nenewanggumekaʾ anasa, Geisinya bera anam eleganggusukjok, Yesus alak dib senewanamak nim era Geisinya dobnamak aboka lelemok.

RASUL 10:46

Kornelius bedya ek longomek nim era sikba elgom yuba saboka, Imik Neyung ak alja unulamla ara perob aboka giboka lelemek anyek kemek anasa, loka dasuk. Dara, Petrus bedya lemokja,

RASUL 16:18

Hyakaʾ li wen sob-sobaʾ gel gera wenyal giriklemok. Dara, yok sum era, Paulus bera siklelonaʾ loboka, alda gel genyek an keeboka lemokja, ”Yesus Kristus si sibuka lebgen, Ban weklum bisaʾ era goboka yibilom,” hyok. Dara, al wene salek enyek, bisaʾ era gel genyek abaʾ ara goboka bilimok.

RASUL 19:12

Dara anedya, soruk lubuldanaʾ gom, saramek noroldanaʾ akleng gom, Paulus bedya ongolamnaʾ beiblomna anyek doboka, neiknaʾ salamna nang ek bo yeilimek dara, sikda meremeekanya, bisaʾ gologosinaʾ ara goboka dengaboka baldolomek.

RASUL 2:33

Onoʾ Petrus sikenek moruwoka lemok, ”Wera, Imik Neyung sirik soruk sam Yesus ak seleb imik beiyiboka, Geisinya eleganesin amok ara, elegoka dobok dara, wera, neik geisa ganya anyek nuk eleklesil ara, wera an ugun seleb eillililum kelelum.

RASUL 2:41

Dara, Petrus bedya lelemok yub ek keboka dib senewoka domek nim ak meka dasik. Dara, nimi nidyaʾ ban sum Imik Neyung ak dib senewoka domek nim era hiboka denga salyeʾ obadya nang anaso, dangamek.

RASUL 4:16

Dara sikda wenyabdangamek, ”Wera, penya nang ek an hekaʾ hubnemab do? Nimi nidyaʾ Yerusalem heik an ulumak nim edya dara, lokso ara beknaʾ dibaʾ sik penya nang adya ok unurong ara, seleb ella ubak bar. Nera malya unurong aboka bobnenewoka sanaʾ okna dabsil.

RASUL 4:33

Dara, Yesus yuba lenaʾ gak nang era, hyak senenggom migibaʾ gologoka, Yesus ara seleb somogoka onoʾ embengaʾ suboka bukoka welewok aboka, yuba lero yabalemek. Dara, Wenelesilnya bedya wanaʾ uboka eleksinaʾ adya nauba aralasuk.

RASUL 4:4

Bok, nimi nauba, sikja lelesirek yuba kemek nang era, dib senemek. Dara, sik Imik Neyung yuba dib senemek nim era, hiboka denga salyaʾ lambadya nang (lima ribu orang) dangamok.

RASUL 5:15

Dara, yokaʾ-yokaʾ hyak senenggomaʾ anaba dib dangalamok wek adya, nimi neiklamna nim era ekla manaʾ ak dubuk gom, esonaʾ yanganaʾ ak gom, mayiwoka pikik nimi yabalamna ak bo beil balamek. Wera, Petrus be yabelya dara, alja ganya yamaʾ edya hnon nim ek dara, bebegeisilya dara, merewanok senewoka unulumek.

RASUL 6:7

Wera danyek, Imik Neyung yub ara, onoʾ mok soko oboka lelebgiga yabalamok. Dara, Yerusalem heikek ara, nim Imik Neyung yuba doro diriga ban nang era nauba danggiga balamookanya, onoʾ al Yahudi yuba wa gakaʾ dub nang nauba eneba, Yesus ak dib senewoka Imik Neyung yuba dib domek.

RASUL 8:7

Dara, Pilipus bedya, yana gwanalamok nanga hnon, hwelesuk. Yana soruka heimna nanga hnon, nauba hwelesuk. Hnonda bisaʾ wekemna nanga hnon era, bisaʾ yakoka nauba hwelesuk dara, bisaʾ ara ngeboka ngalagoka goblemek.

RASUL 9:34

Petrus bedya Eneas bek lebokja, ”Eneas, Yesus Kristus adya anak seleb hwebgel anasa, anda bukoka anja ekla malalamaʾ nidyaʾ pe winiwoka ul yabalom,” hyok. Dara, wene sab-sab Eneas bera bukuka sekemok.

RASUL 9:40

Petrus bedya anyagan engero bulumek nimi danyek, ugunda nidyaʾ goboka beiyik bululum aboka, albeyok anyagan koma lumugoka Imik Neyung ak heng uboka molomok. Wera Petrus bera Dorkas gedya beʾ gala gouboka beiyimek ak keeboka lemokja, ”Tabita o, anda buklom,” hyok. Dara, Dorkas gera henga gwelegoka kemelemok enyek, Petrus bek eiyimok dara, alda bukumok.

ROMA 15:19

yok lok so beknaʾ migib adya hnon, yok senenggom lok so ununaʾ adya hnon, Geisinya migib adya na pik uboka, welemlaʾ anyek hnonok, nara asaʾ ganya boboka wenyaro yabalamnamna. Dara nara Yerusalem heik ab ara Ilirikum heik dongolamsa dara, nara Kristus bedya perob lero yanggan yub era hyak senenya loboka leb elekdo yibisa.