YOHANES 13:34 - PERJANJIAN BARU NALCA YUBA

³⁴ Wenyok unulumnulum yub ugunuk elegeisin: Ugunuk nadya wanaʾ ulusisa sok, ugumbabya wanaʾ uldalamnalum.

YOHANES 13:34 ပူးပေါင်းရင်းမြစ်များ

MATIUS 5:44

Bok wenera nadya ugunuk lebnesinaʾ ara, Ugunja isaʾ nang ek wanaʾ ulumunukanya, ugunuk lek senelesak nim emba heng uboka Imik Neyung ak mololelulum.

YOHANES 15:17

Ugun dam nang wanaʾ uldalalulum aboka orugeisin,” hyok.

YOHANES 17:21

Dara, nadya anak mololamnaʾ ara, Neyung anda na lomok ulunelemekanya, nara an lomok ulunggen sok, sikbabya neikaʾ hiboka hnonok ulunokaʾ aboka mololamna. Wera onoʾ, soko nim adya, nak aldib Imik Neyung adya bokol yeilimok senewanokaʾ aboka, sikda hnonok uboka nu lomok ulunokaʾ aboka mololamna.

ROMA 12:10

Ugunda nadyaʾ hem senewoka wanaʾ uldalamunukanya, perob aboka gibildanaʾ ak dara, anja hem bek men nonokdangoka gibildalamnelum.

ROMA 13:10

Ban wanaʾ unaʾ ara nim ak ara malya nenewounun senenggulusil. Anasa, wanaʾ unaʾ ara unuwanalum an yub ak gigiwokaʾ ak ulumla.

ROMA 13:8

Ugunda yokaʾ-yokaʾ bol lonaʾ ara hyak mem. Bok ugunda yok nang eb wanaʾ uldalalulum. Wera anasa heknedya alaʾ nim ak wanaʾ ulusil dara, alda Yahudi nim emba unuwanalum an yuba beknaʾ sunuwoka unulamla.

GALATIA 5:22

Imik Neyung Geisinya adya ganya dok ara, wanaʾ ganya hnon, ei-ei ganya hnon, namen ganya hnon, siklenaʾ ganya hnon, heknaʾ ganya hnon, pe ununaʾ ganya hnon, bojam un ganya hnon,

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.

GALATIA 6:10

Anasa, pe unun salek ulumla dara, nunda yok nimi nidyaʾ ak pe unulumnemab bok, nauba so ara, neik yub ek dib senelemab nim ek pe unulumnemab.

GALATIA 6:2

Ugun moumen yok nim edya igin ulumlaʾ anyek, arawoka bobdangoka unulululum. Dara, Kristus adya unuwanalum an yuba pe unululumaʾ beknaʾ dangalamlaʾ ara an.

EPESUS 5:2

Kristus nonga somogokaʾ ara so meklaʾ song anasoʾ ak, Imik Neyung ganya hek elegoka, al nong ara nusamba beibdangoka somogosuk sok, ugunda wanaʾ ganya boboka unura yabalelulum.

KOLOSE 1:4

Ugunja Kristus Yesus ak dib senelelumaʾ ab, munaʾ Imik Neyung mabo nidyaʾ ak wanaʾ ulumak an yub enyek, seleb kemoubaʾ anasa, unulumab.

1 TESALONIKA 3:12

Wenelesilnya bedya migib edya, nunja ugunuk wanaʾ ulusab sok, ugun moumen wanaʾ nauba ubdangoka, anya onoʾ nimi yok nim ek wanaʾ ubgiga balamunaʾ adya, wera anadya ugunja wanaʾ unaʾ nauba danggiga balalul senelemab.

2 TESALONIKA 1:3

Hem yab o, nunda ugunsamba leboka sobaʾ Imik Neyung ak perob aboka giblemab. Ugun nong anyek, Kristus ak nauba dib senebgiga balalumukanya, ugun moumen anaba wanaʾ ubdanggiga balalumaʾ anasa leboka, wera wanoksodya nera unulumab.

IBRANI 13:1

Dara, ugunja hemyabo nim ek wanaʾ uldanaʾ ara hyak pe unulululum!

YAKOBUS 2:8

Ugunja jongnya nenyek nim ek unulumun dara, wera nera ugunda unuwanalum an yuba momnya dobokaʾ ara, ”Andamnya wanaʾ uldalalam sok, an kabo nim ek wanaʾ ululom,” hyok yub ek sunuwoka unuro perob ok unululumaʾ ara an.

1 PETRUS 1:22

Ugunda Imik Neyung yub anyek dib senelelumaʾ adya, ugun nong ara seleb geisa nenebdangoka, neik yuba dololum nim ek ara pe wanaʾ ulusulum. Anasa leboka, ugun moumen pe ganya goluwoka wanaʾ uldalalulum.

2 PETRUS 1:7

Dara, Imik Neyung senelamla sok sunuwoka ulumunuk ab dara, ugun neik yuba dololum nim ek perobaʾ lebdangoka yadyek ganya bobdangoka pe unuldalalulum. Ugun nim ek yadyek uboka pe unuldalamunuk ab dara, onoʾ nimi yok nim ek wanaʾ unaʾ dibaʾ pe unulusululum.

1 YOHANES 3:11

Nunda wanaʾ uldalamnemab an yub era, men youbuka ugunuk seleb leb elegesik.

1 YOHANES 3:23

Imik Neyung adya unulululum aboka oruklesilnya nera an: Nunda alja me si Yesus Kristus ak dib senewoka, onoʾ Kristus adya nuk lebsuk sok, nun moumen wanaʾ uldalamnemab aboka oruklesil.

1 YOHANES 4:21

Ban nenesa leboka, Kristus adya unulululum aboka nuk elegesuk yub era ban: ”Heknedya Imik Neyung ak wanaʾ ulumla dara, wera alkab ek anaba wanaʾ ululul,” hyok.

2 YOHANES 1:5

Anasa wera, genong o, nara nun moumen wanaʾ uldalanobaʾ aboka hyak pe molowagen. Wera ban wenyhenya nera, nadyok wen seiniwoka lebnenggubna. Alda men youmaʾ yuba dib senemouba wenyek, nuk seleb elegesuk yub ek, lebna.