YOHANES 13:13 - PERJANJIAN BARU NALCA YUBA

¹³ Ugunda nak Neklesilimnya, Wenelesilimnya, alanulumaʾ ara, al unu ulumnaʾ anasa, dib lelenulum.

YOHANES 13:13 ပူးပေါင်းရင်းမြစ်များ

LUKAS 10:28

Danyek Yesus adya, ”Anja leblamaʾ dara, dib leblam. Ban nenyek nidyaʾ unulumen dara, wera anda embeng unaʾ dib dobnelam,” hyok.

LUKAS 6:46

Ugunda nadya wenyalasinaʾ ara keboka unuwanggunadyok, hekasa nak, Wenelesilimnya o, Wenelesilimnya o, alanulum do?

LUKAS 7:43

Wenyek Simon bedya dara, ”Nadya dara, nauba rupiah deb losonya benyek pewanel aboka nauba so wanaʾ ubnamso,” hyok. Dara Yesus adya Simon bek, ”Anja seinilamnya nera aldib seinilam,” hyok.

YOHANES 11:2

Ban Maria gera, Wenelesilnya Yesus bek perob song meka yan ak ngikoka, alja hong adya lubumok gel ge ulumok.

YOHANES 11:28

Marta gedya Yesus ak ban seleb wenyabgogomok dara, saaboka bindiwoka Maria gek gelelenga lebenggemok, ”Nimi neklesilnya bera anyagan seleb yalakanya, anak youlul aboka youbonggel,” hyok.

YOHANES 11:3

Dara ban salek enyek, Lazarus bera seleb neiknaʾ salawoka neiklemok. Dara, sik penya al hmal gelewa Maria Marta adya, Yesus ak anja nauba wanaʾ ululamnya bera seleb neiklamla aboka yuba beiyirek.

1 KORINTUS 12:3

Imik Neyung Geisinya adya bo ulusilya nim edya dara, ”Yesus ak ara meilinya,” hemenggom anasa, ugunda ella danalum aboka, neksin. Anasonya neikik, onoʾ Imik Neyung Geisinya adya diri bo usinaʾ orok nim edya, ”Yesus anyek Wenelesilnya ulumla,” hemenggom anasa lebsin.

1 KORINTUS 8:6

nun nong ak dara, Imik Neyung nunja neyung hnonok ok ulumla. Al adya dara, yokaʾ-yokaʾ nidyaʾ uyimoknya bek ulumla. Nunda al nong amba ok ulumab. Nunja Wenelesilnya bera, nuk dara hnonok ok ulusilaʾ ara, Yesus Kristus hnonok ulusil. Nidyaʾ yokaʾ-yokaʾ ara, Yesus Kristus pik moruwoka uyimok. Dara, nunda al adya embengaʾ ulumab.

EPESUS 6:9

Dub nang dangoka ululum nang ek lebnesin! Ugunda neik so, ugunja wa oruknaʾ nang edya ugunuk arawoka welesak sok, onoʾ sikenek anaba, pe sunuwoka unulusululum. Yu ganya boboka baralaʾ seingim-seingim anaʾ ara, mem. Ugunub ugunja wa oruknaʾ nang eb dara, hiboka senenggom dubnya, Imik Neyung bera imik heikek ulumlaʾ ara, alak ok hnonok beklemnelum. Imik Neyung ara, nimi hogung ak kemenggululanya bek ulumlaʾ anyek, ugunda pe beklemnelum.

PILIPI 2:11

Sikda nidyaʾ adya dara lebnemakja, ”Yesus Kristus anyek hnonok Wenelesilnya dibaʾ ulumla,” aboka laga lebnemak, dara wera anadya, neyung Imik Neyung ara alja si imik nenewanamak.

PILIPI 3:8

Dara ban nenyek ok gom, alda nadya nak malya dananel senelenanya neneba wera seleb unulunel. Wenyek danyek, nara hyak perobaʾ ak dobsa ara, Yesus Kristus, nadya Wenelenelnya bek hnonok dobsa. Nara Kristus amba leboka yokaʾ-yokaʾ nidyaʾ ara dolbalek senewoka seleb gobdo gwirib lobsa. Nara Kristus anyek dib dobnunaʾ aboka, yokaʾ-yokaʾ nidyaʾ ara sembejaʾ nenemsa ok.

YAKOBUS 2:19

Ugunda Imik Neyung ara al hnonok ulumla senewoka dib senelelum gom? Nera onoʾ bisaʾ anaba alba dib senewoka, lok anasa ber-ber alamla.