YOHANES 12:16 - PERJANJIAN BARU NALCA YUBA

¹⁶ Yesus adya alak diriga ban nang era, anam salek era, ella danggumek bok, Yesus anyek seleb imik nenewok danyek, Imik Neyung yuba youmaʾ momnya domekaʾ ara alsamba lebokaʾ ak an, wen unulumek senewoka seinimek.

YOHANES 12:16 ပူးပေါင်းရင်းမြစ်များ

MARKUS 16:19

Wera Yesus ara, alja yuba doro diriga ban nang ek seleb wenyabgogowok dara, alda imik heikek sam welewookanya, Imik Neyung adya sirik sam bukok.

MARKUS 9:32

Bok sikda alda anyek lelemla senenaʾ ara, elgom umek bok, lok anasa, alak heibnenggumek.

LUKAS 18:34

Ban nidyaʾ wenyalamokaʾ ara, Yesus alja yuba doro diriga ban nang edya dara, mekaʾ sibin anaba hnon damok ara anyek lelemla senewoka ella danggumek. Ban lelemok yuba damok era, doknonanya nenesokaʾ ak ulusuk. Anadya sikda alja lelemok yuba damok era, anyek lelemla ara elgom ulumek.

LUKAS 24:25

Dara Yesus adya sikenek lebnesukaʾ ara, ”Ugunda hyak dongdang anaʾ nang ek ulurum! Ununumnaʾ lelemek nang edya ugunuk nidyaʾ lesikaʾ ara, ugunda okoka berra ganya dib senenggulurum nang ek ulurum!

LUKAS 24:45

Dara onoʾ Yesus adya, Imik Neyung yuba momnya domokaʾ ara anasa aboka ella danokaʾ aboka, sikja ganya bakdebsuk.

LUKAS 9:45

Bok Yesus yuba doro diriga ban nang edya dara, Yesus adya wenhyok yuba damok era, anasa lebla senewoka ella danggumek. Sikenek dara, ganya onga lesuk. Bok onoʾ sikjaʾ anaba Yesus ak hekaʾ ak leblam aboka heinaʾ ara lok anasa, lobek.

YOHANES 12:23

Dara Yesus hnon lebok, ”Wera, nimi dibaʾ me nak imik nenewanamak salek ara seleb oka dal.

YOHANES 14:26

arasinya bera, Neyung bedya nadya si pik uboka bokol yanasil Geisinya edya, yokaʾ-yokaʾ nidyaʾ ugunuk neklemnesilikanya, nara ugunuk lesisa yuba nidyaʾ bekellilimnesil.

YOHANES 16:4

Eimik ubnamla sum era, al orowek nekesukaʾ ara, seiniwanalum aboka, ban lebsin. Men salek era, nara ugunuk neikaʾ ulumoubaʾ anasa, ban yuba neknenggusisa.

YOHANES 17:5

Anasa, Neyung o, soko anam uyiwanggulum danyek, anablaboka ulunumukanya, si imik nenenaʾ seleb dobsa sok, wenera anja saramek sam neik so imik nenewanenelem,” hyok.

YOHANES 2:22

Dara, Yesus suboka sekok dara, alja diriga ban nang era, wenyamokaʾ orowek kemek bok adya, anyek lebok aboka bekemek. Dara onoʾ, alja diriga ban nang era, Imik Neyung yuba momnya dobokaʾ hnon, Yesus adya sikenek wenyamokaʾ hnon, seiniwoka dib senemek.

YOHANES 7:39

Yesus adya ban wenhyoknya nera, Imik Neyung adyaʾ Geisinya benesa lemok. Ban salek era, Yesus si anam imik nenewanggumekaʾ anasa, Geisinya bera anam eleganggusukjok, Yesus alak dib senewanamak nim era Geisinya dobnamak aboka lelemok.

RASUL 2:33

Onoʾ Petrus sikenek moruwoka lemok, ”Wera, Imik Neyung sirik soruk sam Yesus ak seleb imik beiyiboka, Geisinya eleganesin amok ara, elegoka dobok dara, wera, neik geisa ganya anyek nuk eleklesil ara, wera an ugun seleb eillililum kelelum.

RASUL 2:36

Anasa wera, Yesus ugunja oboka gal ak glablumnya bera, aldib Imik Neyung adya or ban Yesus anyek, nimi wenesinaʾ ab blebsinaʾ ab, dubnya Kristus jaboka sekiyimok, ara Israeli nimi nidyaʾ pe ella danasom,” hyok.

RASUL 3:13

Orok, Abraham beb, Ishak beb, Yakub beb, nunja neyung yabo sikja giblemeknya Imik Neyung bedya, ban unumla adya alja me Yesus imik nenewal. Al Yesus anyek, ugunja dub nang ek oblulum aboka doboka elegel bililum. Pilatus bedya henga lobnunaʾ aboka ulumok bok, ugunja alja saramek ab wekdo dorogolum.

IBRANI 12:2

Anasa nunda nunja, ganya dib senenaʾ arawoka bo balasilnya be Yesus bek, nunja ganya dib senenaʾ ara pe munaʾ peldaknaʾ ak bo balasilnya bek heng yokaʾ bekoka hyak pe unulumnamab. Alda derelemekaʾ ara eiwaawom aboka, ganya eiya dabnaʾ alsamba ulumokaʾ ara lunuwoka on gal enyek ganya gouluwoka jaboka bobok. Anya wera alda Imik Neyung bedya ekla bunaʾ ek ara sirik ek sam bulumla.

IBRANI 8:1

Anyagan nidyaʾ lelewoka lebab yuba damok ara, nunjaʾ yuba wa gakaʾ dubnya ulusilnya bera, alda Imik Neyung imik senenggomaʾ ululanya alja sirik ek sam bulumla.