YOHANES 11:47 - PERJANJIAN BARU NALCA YUBA

⁴⁷ Dara, Parisi nang eb, sikja Imik Neyung yuba wa gakaʾ dub nang eb adya, yuba sabnobaʾ aboka, mok soko dam nang ak molowoka, sikda nidyaʾ eb bolobdangoka longowoka Yesus ara yokaʾ-yokaʾ hyak nauba lok soʾ ara beknaʾ dibaʾ unulamlaʾ anasa, nunda hekaʾ hubnemab do aboka yuba salamek.

YOHANES 11:47 ပူးပေါင်းရင်းမြစ်များ

MATIUS 26:3

Dara neik salek era, Yahudi Imik Neyung yuba wa gakaʾ dub nang eb, Yahudi dub nang eb dara, Imik Neyung yuba wa gaknya dubnya, Kayafas be ulumokaʾ ak, dub nang un ek longomek.

MATIUS 5:22

Bok wenyek dara, nara ugunuk ban lebnesin, Heknedya yok nim ek wabnesilnya bera, albabya yana lelewanamak; anya heknedya yok nim ek derewoka walamla dara, yana lelesinaʾ Yahudi dub nang edya yana lelewanamak. Heknedya yok nim ek leleladya, Malya unaʾ hwamnya, alamla dara, uka desin heikek doro bobogeisijek.

MARKUS 14:1

Israeli nim edyaʾ eillosinaʾ amba beknaʾ sum, Paskah sum eb, welenaʾ orok roti gwanenga den suma yenewanamokaʾ ara, anam lika penya ok lobonggok. Ban salek era, yuba wa gakaʾ dub nang eb, yuba neksin nang eb dara, Yesus ak gelelenga hekaʾ uboka heng geregoka obnemab do senewoka pik elemek.

LUKAS 22:2

Yahudi yuba wa gakaʾ dub nang eb, yuba neksin nang eb dara, nimi yok nang enyek lok anasa, sikda Yesus ak geleleng aboka obnemab senewoka pik elemek.

YOHANES 11:57

Dara, al neik salek enyek, Parisi nang eb, yuba wa gakaʾ dub nang eb, yok nim ek ugunda Yesus ak eibmun dara, salawoka henga goubnemabaʾ anasa, wera an ulumla aboka nuk nekel yanasulum aboka, wenyab girigemek.

YOHANES 12:19

Dara, Parisi nang edya sik moumen, ”Wera ugunda yokaʾ unuldalalumaʾ ara kendululum. Nimi soko nimi nidyaʾ ara alak wekel yalamakaʾ ara eillililum,” aldalamek.

YOHANES 2:11

Yesus adya, alja senenggom migibaʾ beknaʾ sokok unura yabalamokaʾ hyak men youbuka unumoknya nera, Kanaan heikek ab unumok. Ban unumokaʾ adya, alja senenggom migibaʾ unaʾ era laga dangamok. Dara, alja diriga ban nang era, alak dib senemek.

YOHANES 6:2

Yesus adya yokaʾ-yokaʾ lok soʾ beknaʾ nauba unuwoka nimi hwelesukaʾ anyek, eiyiboka nimi nauba dirigoka dobdongoro balamek.

YOHANES 7:32

Parisi nang edya, nimi nauba Yesus ak migiboka yuba ngoroknaʾ dero balamekaʾ kemek dara, sikeneb, yuba wa gakaʾ dub nang eb dadya, Imik Neyung ek keeboka bo ulumek nang ek, salawoka henga goubol bululum aboka orugumek.

YOHANES 7:45

Ban sum enyek, nimi pika welesik nang edya, pik losaaboka yeilimek dara, Parisi dub nang eb, Yahudi yuba wa gakaʾ dub nang eb dadya, sikenek heibsikaʾ ara, ”Ugunda hekasa Yesus ak salawoka henga goubnenggulum do?” aboka heibsik.

RASUL 5:21

Wera Imik Neyung yuba domek nim era, Imik Neyung lero adya sikenek unuwanalum asuk anyek dib senewoka, sikda hyak lugunaʾ nong enyek, Imik Neyung ek sam biniboka, nimi yok nang ek yuba lel eleklesik. Dara, Yahudi yuba wa gakaʾ dubnya beb, alak aralamek nang eb, yeilimek dara, Yahudi nang yuba sanaʾ gak nang hyak nidyaʾ sabnob aboka youmek. Dara, sikda Imik Neyung yuba len nang ek henga geregobaʾ anyek, henga loboka bo yoululum aboka, orugomek.

RASUL 5:24

Dara, Imik Neyung ek keeboka diri ulumek nang dubnya beb, Yahudi yuba wa gakaʾ dub nang eb, unuwal aro bilimek enyek, seleb kemek dara, sikja ganya eboka, angoo hekaʾ hnon danamla do senewoka loka dasuk.