YOHANES 11:41 - PERJANJIAN BARU NALCA YUBA

⁴¹ Dara, Lazarus diyimek girika jaboka laga beiyimek dara, Yesus adya imik keeb weininggoka, ”Imik Neyung ak, anda nadya molonaʾ kebnelemaʾ anasa, perob aboka gibgen.

YOHANES 11:41 ပူးပေါင်းရင်းမြစ်များ

MATIUS 11:25

Ban sum enyek, Yesus adya heng uboka molowanamokaʾ ara, ”Neyung o, anda im ab soko ab dara, anja uyilum! Ban unulumaʾ damok ara geremseng nim eb, yok-yok ella danganaʾ dolomak nim ek sam ara, anda doknowoka gunulumukanya, alda yokaʾ-yokaʾ ella danganaʾ orok nimi mek nang ek sam amalesilimaʾ anasa, nara anak perob aboka giblenggen.

MATIUS 11:26

Ban unusulumaʾ ara, an dam nang orowek perob senelumaʾ adya unulum,” hyok.

MATIUS 27:60

Anya Yusuf bera, alja orowek hoklomok girik lomok meinik sam doronggok. An unu doronggoka, senenggom girik edya pik ara gasa dangawoka serek loboka byuk.

MARKUS 15:46

Dara, Yusuf bera nimi keboka dilin boksoma perobaʾ anyek dekok dara, Yesus adya beʾ dakoka nimi ken akleng edya kebok. Dara, Yesus nong ara keboka mok soko mein lomok girika hokomekaʾ ak sam doronggoka dibuk. Seleb dibuk dara, girik adya demegoka pika leboka seregok.

LUKAS 10:21

Dara ban neik salek Yesus anaba, alda ei-ei ganya bomokaʾ ara, Imik Neyung Geisinya adya deknemokaʾ adya umok. Anasa Yesus adya dara, ”Neyung, Wenelesilimnya o, anda soko ab im ab dubnya ululam! Nara anak perob aboka gibgenaʾ ara, ban nidyaʾ unulusilimaʾ ara, geremseng nang eb, yokaʾ-yokaʾ ella danganaʾ dolomak nim ek ara gunuweisinjok, alda mek so nim ek anyek laga nekoka amalesilimaʾ anasa gibgen. Ban unululamaʾ ara, anja ganya adya uboka, perob senelelamaʾ anasa perob,” hyok.

LUKAS 18:13

Bok mok soko amba rupiah molowoka dolomoknya bera, alda mok sam sekoka, imik sam kemel weiningnaʾ anaba loboka, saraʾ sibuka obdangoka lero mololemokja, Wei Imik Neyung o, nak malya unaʾanya bek an angoo yadyek senewoka arawanelom e, aboka mololemok,” hyok.

LUKAS 24:2

Yesus diyimekaʾ ak balamek enyek, diyimek girik era seleb dangawoka demegemokaʾ ak eibek.

YOHANES 11:22

Bok, wene salek enebabya, anja Imik Neyung ak anyek unuwalom aboka molowamen dara, onoʾ unuwananggelaʾ ara, seleb ella ulumna,” hyok.

YOHANES 17:1

Wera Yesus ara ban nen seleb wenyabgogomok dara, imik sam keeb weininggoka, Imik Neyung ak lebokja, ”Neyung o, unun salek era wera seleb laga dal. Anasa, Neyung o, anja me nedya anak si imik nenewogululaʾ aboka, albabya alja si nenyek wen imik nenewalom.

YOHANES 20:1

Dara, minggu en men sum hyak gweleknaʾ yangman enyek, Maria Magdalena gera Yesus diyimekaʾ ak bilimok. Wera Yesus diyimek girik era, seleb dangawoka demegemokaʾ ak eiyimok.

RASUL 7:55

Bok Stefanus bera, Imik Neyung Geisinya adya deknewoka ulumoknya adya imik sam kemelemok enyek, Imik Neyung dilinaʾ yebokaʾ eiyimok. Dara, Yesus ara Imik Neyung bedya sirikek sam sekemokaʾ ak eiyimok.

PILIPI 4:6

Ugunda yokaʾ-yokaʾ hekaʾ huwanamab do senewoka ganya daldom-daldom anggom, mem. Yokaʾ-yokaʾ dobnob senewanalum dara, anyek Imik Neyung ak elegeisilom aboka sobaʾ mololelulum. Ugunja nunda anyek dobsibya senelelumaʾ anyek si sibuka, Imik Neyung ak perob aboka giblemunukanya, mololelulum.