YOHANES 11:40 - PERJANJIAN BARU NALCA YUBA

⁴⁰ Wera, Yesus adya Maria gek, ”Nara anak seleb wenyanggenaʾ ara, anda nak dib senewananelem dara, Imik Neyung adyaʾ lok soʾ senenggomaʾ unuwanamlaʾ ara eibnelam, wenyamna do?” hyok.

YOHANES 11:40 ပူးပေါင်းရင်းမြစ်များ

MATIUS 17:20

Wenyek Yesus adya, ”Ugunja dib senenaʾ ara mek ok adya. Ugunda pe beknelum! Ugunja Imik Neyung ak dib senelelumaʾ anyek, geibya dok anasoʾ ulumsoʾ anaba, ban mein enyek lebnesomja, Ono sam gokoka bilom! wenyhenesom dara, mein era gokoka bul binimso. Yokaʾ-yokaʾ nidyaʾ ugunja unuwanggunusomnya hnon unggulumnamla!” hyok.

MARKUS 9:23

Wenyek Yesus adya dara, ”Anda hekasa unuwanesom migib ulunggelya dara alam do? Anasa, al dib senelelenya nemba dara, yokaʾ nidyaʾ ara unuwanamsoʾ ok,” hyok.

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

YOHANES 11:4

Wera Yesus adya Lazarus be neiklamla an yuba kebok dara, ”Ban neiklamla neiknaʾ edya dara, somoknaʾ damoka lanawanggunulabok, Imik Neyung si imik nenen damba ban unulamlaʾ adya, al dam nang si imik nenewoka, onoʾ al neiknya Imik Neyung bedya alja me nedya si hnon imik nenewanokaʾ aboka ulumla,” hyok.

YOHANES 12:41

Yesus ak imik nenemokaʾ anyek eiyiboka, Yesaya ara Yesus amba yuba lelemookanya, ban nidyaʾ ara men lelemok.

YOHANES 9:3

Dara Yesus adya, ”Anam beiyimek salek ebaʾ henga lum ubmoruwoka alja malya ulumokaʾ amba, aljaʾ genong aljaʾ neyung adya malya ulurek amba gomaʾ. Alda Imik Neyung migib adya welemlaʾ laga dalya enyek nim eibnokaʾ aboka ubok.

ROMA 6:4

Wera anasa, al somogokaʾ lomok meka dabsik dara, nunda al ab neikaʾ soko lokosik. Dara, Neyung bedya si senenggomaʾ adya Kristus ara somoklomak nang gangganek ab embengaʾ subuka bukiyiwok sok, eimik era numbabya wenyok embengaʾ unaʾ lomok ulumnemab aboka, neikaʾ soko lokosik.

2 KORINTUS 3:18

Wenyek dara, nunja hogung goulusinaʾ ara hnon unggulumlakanya, nunja Wenelesilnya bedya senenggom dilinaʾ nim ek yeblemab. Yeblemabakanya, nunda sob-sobaʾ also nenebgiga balasil. Dara, ban dilinaʾ en yeblemab ara, Wenelesilnya bek ab yalamlakanya, Wenelesilnya bera Geisinya be an ulusil.

2 KORINTUS 4:6

Imik Neyung adya leleladya, ”Gunaʾ lomok ab dilinaʾ yeblul,” alamla Imik Neyung enedya, nunjaʾ ganya lomok dilinaʾ yeblesil. Al Imik Neyung adya alja nong senedyaʾ ella dangasin dilinaʾ yeblulaʾ aboka unulusil. Dara Kristus aljaʾ asok pik uboka dilinaʾ yeblesil.