YOHANES 11:25 - PERJANJIAN BARU NALCA YUBA

²⁵ Dara Yesus adya, ”Nara nim embengaʾ bukullilisinya uboka, nim embengaʾ nenelesinya ulumnaʾ anasa, heknedya nak dib senewoka dolonelnya bera, seleb somogamlyaʾ anaba embengaʾ bukiyiwanamna.

YOHANES 11:25 ပူးပေါင်းရင်းမြစ်များ

LUKAS 23:43

Danyek Yesus adya benyek, ”Anak dib lebgen. Anda al sumen eneba, neikaʾ nab anab Firdaus heikek ulunam,” hyok.

YOHANES 1:4

Al lomok ara embeng unaʾ damok ulumlakanya, ban embeng unaʾ ara nim ek dilinaʾ yebellilisil.

YOHANES 14:19

Mek anam binimnaʾ anasa, soko adya nak eibnenggununel bok, ugunda nak eillilimnenulum. Nab embengaʾ ulumnaʾ anasa, ugumbabya embengaʾ ulumnulum.

YOHANES 14:6

Yesus alak, ”Nak dara, pik ab, dib yub ab, embengaʾ unaʾ ab, ulumna. Nim ara nak pik orok dara, Neyung bek yangguneseng.

YOHANES 3:16

”Al Imik Neyung adya nimi soko nim ek, hyak wanaʾ ulusuukanya, alja me hyak hnonok bok, nimi soko nim amba bokol yeilisuk. Nimi nidyaʾ hnonok-hnonok alak dib senewoka dobnamak dara, somoganggunumak bok, embengaʾ unaʾ dibaʾ dorowanamak aboka, alja me bokol yeilisuk.

YOHANES 3:36

Heknedya Imik Neyung bedya me nek dib senewalenya bera, dib ulmoubnaʾ ganya seleb dolomla, bok heknedya alja me nek bleklelanya bera, dib ulmoubnaʾ ganya hyak dobnenggunumlakanya, Imik Neyung adya yu ganya ara al nong ak sob-sobaʾ ulumnamla,” hyok.

YOHANES 5:21

Anasa wera, neyung beneba somogamna nim embengaʾ bukiyiboka sikenek embengaʾ unaʾ eleklesil sok, alja me neneba neikso, nadya embengaʾ elegonun senewan nim ek embengaʾ eleklesil.

YOHANES 5:26

Neyung bera nim embengaʾ unaʾ damok gaknya ulumla sok, onoʾ al adya alja me nek nim embengaʾ unaʾ gaknya dangiyimok.

YOHANES 6:35

Yesus adya sikenek, ”Na nong anyek nim embengaʾ ul eleksin gwaneng era alan. Heknedya nak yanamla dara, alda gwaneng oka sobaʾ unggulumnamla. Onoʾ heknedya nak dib senewanenel dara, alda mek ok unggulumnamla.

YOHANES 6:44

Nimi ben hnonok anaba nak bokol yeilinyoknya bedya, glinaʾ orok dara, nak yanggunumso bok, sidyaʾ daknamla sum era, nak yanalanya bera embengaʾ bukoka sekiyiwanamna.

RASUL 3:15

Alda nim embengaʾ unaʾ dubnya bek, ugunja dara, seleb oblum bok, Imik Neyung adya seleb somoknaʾ ak ab suboka bukiyimok. Unumoknya nera, nunja henga yokaʾ adya okoka kaboka eiyimoub nang nunda an.

ROMA 4:17

Nera an momnya dobokaʾ ak ulumla sok, ”Nadya anda an nang yilaʾ yok-yok mok soko ulumeija ara, nunjaʾ neyung alamnenjak.” Wera ban Abraham bera, Imik Neyung ak dib senemok. Dara, Imik Neyung adya ganya era, nuk ara, sikja neyung bera an senelamla. Wera ban Imik Neyung era, somogamna nang embengaʾ nenelesilnya, anya alja yub adyok unggulumlaʾ ara ulumlaʾ nenelelanya.

ROMA 8:2

Dara Kristus Yesus pik uboka, unuwanalum an yub edya embengaʾ unaʾ eleklesil Geisinya damok migib adya, ugunda malya unaʾ damok ab, somoknaʾ damok ab, seleb lob lobsuk.

1 KORINTUS 15:18

Wera nenera, yuba don nimi bok Kristus lomok seleb somogorob nim eneba, eimik era blebnenggunususo.

1 KORINTUS 15:29

Seleb somoklomak nim enyek, embengaʾ suboka bukillisinaʾ orok bok dara, nimi hnon somoklomak nim emba meka dalasak nim era, hekaʾ hubnamak do? Dara, hekasa nera sikda unulumak do? Dara eimik era, nim embengaʾ suboka bukiyiwanggunusil bok dara, hekasa siksamba meka daboka uldalamak do?

2 KORINTUS 4:14

Wenelesilnya Yesus embengaʾ suboka bukiyiwok Imik Neyung enedya, Yesus pik uboka nub neikaʾ embengaʾ bukiyiwanesilekanya, onoʾ ugunub nub neikaʾ bo beil binisil.

PILIPI 1:23

Nara penya nang edya giliwoka gangganaʾ goklenerek. Anasa hyak perob nongnya nera, sokok anara loboka, imik heikek biniboka Kristus ab neikaʾ ulusinim senelamna.

PILIPI 3:10

Nadya hnonok hyak perob unulusinya senelamnaʾ nong ara, Kristus ak okoka ella ulumnyekanya, alja somoknaʾ ak ab embengaʾ bukullilisil migib enyek, naba ella desinya senelamna. Nara Kristus ab neikaʾ hiboka alja igina kweboka, onoʾ alja somoknaʾ enyek naba neikaʾ somogoka, also donun senelamna.

1 TESALONIKA 4:14

Yesus ara somogoka onoʾ embengaʾ welemokaʾ ara dib senelemabaʾ anasa, Imik Neyung adya alja mabo men somogomek nim era, Yesus ablaboka bob mamagiyiwanasilaʾ ara dib senelemab.

WAHYU 1:18

Nak danyek, embengaʾ ulmorulunanya bera an! Nak dara, seleb somogasebok, wera nara hyak sobaʾ ulmorulumnamna. Nara somoknaʾ amba dubnya uboka, nimi soko nimi somoknaʾ heikek amba dara, nara pik baknaʾ salananya ulumna.

WAHYU 20:5

Dara nenyek nimi youmaʾ somogomek nimi mennya suboka bukiyiwanasilnya nera an. Bok yok hnon nim era an seribu badya gibnaʾ ubnemaknya nera anam seleb denghenggulyebok dara, embengaʾ suboka bukiyiwanggunusil.

WAHYU 21:4

Imik Neyung adya sikja heng mekaʾ nidyaʾ ara lubnesil. Youmaʾ ek malya nenelesukaʾ damoka nidyaʾ ara denghenemlaʾ adya, somoknaʾ damok ara hnon ubnenggunumla. Ganya sugunaʾ ab, engenaʾ damok ab, ok ulusilaʾ ab, yokaʾ-yokaʾ nidyaʾ igina kwelesilaʾ ara, hnon sounuwoka ubnenggunumla,” wenyalamok.

WAHYU 22:1

Wera onoʾ lero enedya nak nim embengaʾ eleklesil mek era, Imik Neyung ab, domba me ab, sikja bunaʾ ekla ek ab, goboka, eleb-alab arobaʾ ak yabalamok mek enyek, nak aawanyok.

WAHYU 22:17

Dara, Imik Neyung Geisinya ab, Imik Neyung me ak dobnomok gel geb dadya dara, ”Wera, anyagan yoululum!” wenyalarak. Nimi nidyaʾ ban yub en kebnelanya bera, ”Or, yangganok!” henok! Anya heknyek mek ok ubnamla dara, wera or meka del youlul! Heknyek nara embengaʾ ulunun senewalenya bera, wera nim embengaʾ eleklesil mek enyek, or salyaʾ doboka del youlul!