YOHANES 10:6 - PERJANJIAN BARU NALCA YUBA

⁶ Dara, Yesus adya ban yuba sunuwoka lebsuk bok, sikja dara, damok ara anasa lemla senewoka ella danggumek.

YOHANES 10:6 ပူးပေါင်းရင်းမြစ်များ

MATIUS 13:34

Yesus ara yok nim ek Imik Neyung yuba lel eleklesuk dara, yuba nidyaʾ sununaʾ adya ok sunuwoka lel eleklesuk.

MATIUS 13:51

Wera Yesus adya, ”Nadya nidyaʾ lebnanya nera seleb ella ublum de?” aboka heibsuk. Dara sikja, ”Neyung, nunda nidyaʾ ella umab!” hyek.

MARKUS 4:34

Yesus ara yok-yok nim ek yuba leb eleganesin dara, sununaʾ adyok sunuwoka yuba lel eleklesuk. Bok alda alja yuba doro diriga ban nang ek ara, sikbeyok dara, yuba yokaʾ nong adyok, nidyaʾ laga poboka neklesuk.

YOHANES 16:25

”Wen ugunuk wenyalasinya nera okoka poboka, gak ara an aboka lenggulusin bok, eimik yanamla sum era, nadyaʾ neyung bek ban men lelesinya loboka, poboka laga lebnesin.

YOHANES 16:29

Dara, alja yuba doro diriga ban nang edya Yesus ak, ”Wenelesilimnya o, yokaʾ-yokaʾ nidyaʾ ara bob nenewoka lenaʾ loboka, wera poboka lelam.

YOHANES 6:52

Yahudi nang era, Yesus adya ban wenyalamok yuba kemek dara, sik moumen yu ganya boboka nauba wabdangoka lelemekja, ”Ban benera alja nong soub enyek nuk denokaʾ aboka hekaʾ huboka eleganesil do?” alamek.

YOHANES 6:60

Yesus adya, ban yuba nauba neklesuk sum enyek, alja lelemok yuba dobdongoro balamek nang era, ”Ban lelesil yub enera hyak gasa nong anasa, heknedya keboka dobnamsoʾ ak lelemla do?” wenyalamek.

YOHANES 7:36

Ugunda nak elemnenulum bok, eibnenggununulum, ugunda na ulumnyaʾ ak ara, yanggununulum alamla dara, hek damok enesa lelemla do?” aboka lelemek.

YOHANES 8:27

Dara Yahudi nim edya dara, Yesus bedya ban wenyaboka lelemlaʾ ara, Imik Neyung amba lelemla senewoka ella danggumek.

YOHANES 8:43

Hekasa ugunja ganya lomok sam ara, nadya lelesin yub era ella unggululum do? Nadya lelesin yub ek dara, kebla henggonggom ululumaʾ adya ella unggululum.

1 KORINTUS 2:14

Dara, nim Imik Neyung Geisinya unggululanya bera, Geisinya adya eleklesilaʾ ara, donggulumla. Alda eleklesilaʾ anyek, dolbalek so senelamla. Dara, ban nenera Imik Neyung Geisinya adya ok damok ara ban senewoka ella dangalamak anasa, albeyok ella damenggom ulumla.

2 PETRUS 2:22

Sikja malya unulumakaʾ ara ban bol nenenaʾ yub enyek gigilamlaʾ ara, ”Gam ara alja men dukumna denaʾ enyek, eimik saawoka del balamla,” hnonda, ”Pam ara meka hwillilimak pam era, onoʾ saawoka lesa dal balamak,” hyok. Anaso nim Imik Neyung yub ella ulunadyok, eimik sum era yuba lolomak nim era nenyek gigilamla.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.