YOHANES 10:28 - PERJANJIAN BARU NALCA YUBA

²⁸ Nara sikenek sobaʾ ulmorulunokaʾ aboka embengaʾ unaʾ eleganesin dara, sikda hyak somoganggunumak. Nimi yok nim edya nadya soruk ak ab hyak bleboka dobnenggunusak.

YOHANES 10:28 ပူးပေါင်းရင်းမြစ်များ

MARKUS 13:22

Anasa wera, eimik era sondaʾ anasa nara nimi blebsinaʾ dubnya, nara ununumnaʾ lenya ulumna henemak nang era, nauba lanawoka, sikja dara, nimi hnon weboka dobsuk nim ek bobnenewoka sondaʾ lebnemeibyaʾ ak men aboka, yokaʾ-yokaʾ nauba beknaʾ eneba unuro yabalemnemak.

LUKAS 23:46

Danyek Yesus ara senenggomaʾ ngeboka lebnemokaʾ, ”Neyung o! Anjaʾ soruk lomok sam nadyaʾ embengaʾ unaʾ ganya era, elekdan!” hyok. Seleb wenyabgogowok dara, alda somogok.

YOHANES 10:29

Nadyaʾ neyung bedya, sik nonga nak doboka elegenyoknya bera, yokaʾ-yokaʾ nidyaʾ ara mek so bok, alda hyak senenggomaʾ imiknya ulumlaʾ anasa, alja bo ulusilaʾ anasa, alja soruk ak ab yoknya bedya bleboka dobnenggunusil.

YOHANES 11:25

Dara Yesus adya, ”Nara nim embengaʾ bukullilisinya uboka, nim embengaʾ nenelesinya ulumnaʾ anasa, heknedya nak dib senewoka dolonelnya bera, seleb somogamlyaʾ anaba embengaʾ bukiyiwanamna.

YOHANES 14:19

Mek anam binimnaʾ anasa, soko adya nak eibnenggununel bok, ugunda nak eillilimnenulum. Nab embengaʾ ulumnaʾ anasa, ugumbabya embengaʾ ulumnulum.

YOHANES 17:2

Neyung o, anja me nek, neyung anja doboka alak elegolum nimi nidyaʾ ak, dib embeng unaʾ elegosulul aboka, migib unaʾ era nimi nidyaʾ ak unuwolulaʾ aboka seleb elegelum.

YOHANES 18:9

Yesus adya ban wenhyoknya nera, alja orowek lemok yub era, ”Neyung o, anja nak doboka elegenulum nang era, hnon weiningdanggunumak,” amoknya nenesa gigiwolulaʾ aboka lebok.

YOHANES 3:36

Heknedya Imik Neyung bedya me nek dib senewalenya bera, dib ulmoubnaʾ ganya seleb dolomla, bok heknedya alja me nek bleklelanya bera, dib ulmoubnaʾ ganya hyak dobnenggunumlakanya, Imik Neyung adya yu ganya ara al nong ak sob-sobaʾ ulumnamla,” hyok.

YOHANES 4:14

nadya elegeisinya mek enyek delenya bera, eimik saaboka mek ok ubnenggunumla. Bok saaboka, nadya elegeisinya mek ek dara, alja nong lomok sam ara sob-sobaʾ yabalmorulamla mek anaso dangoka, dib embengaʾ ulmoubnaʾ eleganamla,” hyok.

YOHANES 5:24

Nadya ban lelemnaʾ ara dib lebsin, heknedya nadya lelemna yub ek pe keboka neyung be na bokol yeilinyoknya bek dib senewalya dara, alda seleb embengaʾ unaʾ ara, alak dib uboka, alda seleb somoknaʾ damok ab ara, embengaʾ unaʾ ak sam yibilimokaʾ anasa, eimik alak Imik Neyung adya igina yakaʾ boyiwanggunusil.

YOHANES 6:27

Anasa wera, ugunda blolomla songa lelemla gwaneng emba yeiriwoka wenggom mem. Nimi nonga ganya embengaʾ nenelesil gwaneng enesa, yeiriwoka welelulum. Ban gwaneng era nimi dibaʾ me adya eleganesil. Alja neyung bedya pe unulamna aboka alak beknaʾ beiyimok anasa, alja ugunuk eleganesil,” hyok.

YOHANES 6:37

Nidyaʾ Imik Neyung adya eleklenel nim era nak yanamak dara, bindowoululum aboka wekdo boboganggunusin.

YOHANES 6:47

Nara ugunuk dib lebsin, dib senewoka dololenya bera, seleb dib ulmoubnaʾ ganya, alja ganya lomok ulumla,” hyok.

YOHANES 6:68

Dara, Simon Petrus bedya Yesus ak, ”Neyung o, nunda heknya ak binisibya do? Embengaʾ ulmoubnaʾ yub ara anak danyek ulumla.

RASUL 7:59

Wera Stefanus bera girik adya anam saboka olomek salek, Imik Neyung ak molowoka lelemokja, ”Wenelesilimnya Yesus o, nadya ganya an doboka beibnelom,” al yabok.

ROMA 5:17

Anasa, hnonoknya bedya meknenaʾ enesa leboka, wera ben pik ab uboka somoknaʾ damok ara, ob lelewok dara, nauba so ara, nim Imik Neyung adya perob eleksinaʾ doboka, hmaboka perobaʾ geblesil nang ek dara, ban hnonoknya Yesus Kristus adya, ob lelewoka embengaʾ ulmorulemnemak.

ROMA 5:2

Dara ban ganya aldib senelemabaʾ adya, nunda al pik uboka, perob eleknaʾ ban pik era seleb doboka ulumab. Anya, nunda ban perob eleksinaʾ pikek ulumabakanya, Imik Neyung adyaʾ perobaʾ senenggomaʾ ara, dobnemab senewoka, ganya weboka bolboloklemab.

ROMA 5:21

Anedya, malya unaʾ ara soko me nidyaʾ ob lelewok sok, nunjaʾ Wenelesilnya Yesus Kristus pik uboka, wanaʾ uboka eleksinaʾ anaba, perob nenesin pik uboka, embengaʾ ulmoubnaʾ amba ob lelewanamla.

ROMA 5:9

Anya, nunda wera alja eneng edya seleb perobaʾ nenewosukaʾ anasa, hyak nauba so ara, nunda Imik Neyung bedya wema daboka osinaʾ ak ab dara, blebnesil ok.

ROMA 6:23

Malya unaʾ adya deknaʾ ara, somoknaʾ damok ak ulumla, bok Imik Neyung adya perob eleknaʾ era, nunja Wenelesilnya Kristus Yesus lomok ulumla embengaʾ ulmoubnaʾ unaʾ ak ulumla.

ROMA 8:1

Anasa wenyek dara, sikda Kristus Yesus lomok ulumak nim ek ara, igina kwenaʾ ara unggulumla.

ROMA 8:29

Anera hyak men danyek, alja nidyaʾ webesuk nang era, al sikinek alja me nedya diligaʾ dobnok aboka, men danyek alja sunuwoka bokosuk. Anedya, alda alja me nera, aljaʾ hemyabo gong ek ab uboka, yandonya dok.

PILIPI 1:6

Wera Imik Neyung adya albeyok ganya doboka, aljaʾ perob wa nong enera ugun gangganek an web einimokaʾ ara, onoʾ welmorulamlyaʾ ara, Yesus Kristus yanamla sum ek loboka webdaknamlaʾ anyaʾ senewoka, an nong ak hnonok dib senelamna.

2 TESALONIKA 2:13

Nunjaʾ hemyab Imik Neyung adya wanaʾ ulusil nim o! Anasa, Imik Neyung ugunuk blebnesin senewoka weboka dosuknya nenesa leboka, nunda sobaʾ Imik Neyung ak perob aboka giblemab. Ban unusukaʾ ara, Imik Neyung Geisinya adya, Imik Neyung adyaʾ geisa mabo nenewoka, ugun nong adya Imik Neyung ak ab perob nong yuba hnon dib senelumaʾ adya ubsuk.

1 TIMOTIUS 1:16

Bok ban nak malya unaʾanya bek an ununyoknya nera, Yesus Kristus adya nim ek angoo yadyek senewoka arasinaʾ anyek aawosululaʾ aboka nak unyok. Nak dara, hyak malya unaʾ hwamnya ulusebok anasa, Imik Neyung ak dib senewoka embengaʾ unaʾ dobnemak nim enyek eiyiwoka unuwanokaʾ aboka, nak men ununyok.

2 TIMOTIUS 1:12

Ban nenesa leboka, wera nara an yokaʾ-yokaʾ igina kwelenel. Bok heknyek dib senemsaʾ ara, nara dib ella ulumnaʾ anasa, angoo senenggulumna. Nadya banyek dib senelamnaʾ ara, alja nak welelom aboka lobongganyok wa nera, onoʾ welemnyaʾ ak an alja diri bo ulumlyaʾ moruwoka soko sidyaʾ daknamla sum unuro lobnamla senewoka, dib senelamna.

IBRANI 7:25

Wera anasa, Yesus ara, alda sobaʾ ulmorulamlakanya, bleblesil nim enesa leboka, Imik Neyung ak sobaʾ mololosilaʾ anasa, aldib sobaʾ ulmorulamlaʾ adya, nim Imik Neyung ak al pik uboka yalamak nim era, hyak gobdo dibaʾ amba bleblesil.

1 PETRUS 1:5

Ugunda Imik Neyung migib adya bo ulusil nim ek, ban bonaʾ era ugunsambaʾ ak beillilesil. Yokaʾ-yokaʾ nidyaʾ denghenemla sum enyek, al laga danamla, Imik Neyung nimi blebsinaʾ damoka beibukaʾ anyek, dibaʾ dobnokaʾ aboka, ugunja dib senenaʾ adya, ugun nonga migiba geboka bo ulusil.

1 YOHANES 1:2

Ban embengaʾ unaʾ en laga dangal yabok sum era, nunda alak okoka eiyimouba. Anasa wera, nunda anasemba leboka ban embenga unaʾ anyek ugunuk lero yabalamab. Wera ban dib embengaʾ ulmoubnaʾ ara, Neyung beblaboka neikaʾ ulurekaʾ ara, alda nuk hogung ak seleb laga dangamok.

1 YOHANES 2:19

Kristus adya alja isaʾ nang ara, nun nang yilaʾ dib unggulumekjok, nuk seleb lo bilisik. Nimi danara nun nimi yilaʾ uluseng bok dara, wera nub neikaʾ ulumnesibya. Bok nuk seleb lo bilisiknya nera, wera aldib nun nang yilaʾ unggulumakaʾ anyek, laga geknewolul.

1 YOHANES 2:25

Anya wera, al ban damok enyek, Imik Neyung adyaʾ anaba orowek nuk seleb eleganesin husukaʾ ara, dib embengaʾ ulmoubnaʾ damok ak eleganesin, hyok.

1 YOHANES 5:11

Dara laga len yub era ban: Imik Neyung ara nuk seleb dib embengaʾ ulmoubnaʾ elegesuk. Dara, ban dib embengaʾ ulmoubnaʾ damok ara alja me lomok ulumla.

YUDAS 1:1

Ban momnya donaʾ era, nara Yudas, Yakobus alja weis edya, Yesus Kristus adya wa wenya uboka, nunjaʾ neyung Imik Neyung adya wanaʾ uboka, Yesus Kristus amba bo uboka youbsuk nim ek beibsin.

YUDAS 1:21

Ugunja Wenelesilnya Yesus Kristus adya gouluwom aboka angoo yadyek senewoka arasinaʾ anadya uboka, dib embengaʾ ulmoubnaʾ anyek, ganya weboka diri ulumunukanya, Imik Neyung adya wanaʾ ulusilaʾ lomok sam sobaʾ ulumnelum aboka, pe kemero ulululum.

YUDAS 1:24

Imik Neyung ara, ugunuk malyinggijek aboka migibaʾ pe bo ulusilnya bek, anya ugun nonga doboka Imik Neyung al omomaʾ perobaʾ saramek sam si gegena ponaʾ orokaʾ anyek, ei-ei ganya gekman, migib imik nenewanasil.