YOHANES 10:16 - PERJANJIAN BARU NALCA YUBA

¹⁶ Dara onoʾ nadya domba pam gong dara, yok lekaʾ ak sam hnon ulumak. Sikbabya hnon anyagan bo yanasin. Dara, sikda hnon nadya yuba pe keboka, anyagan orowek men ulumak pam eb neikaʾ ak hibnya dara, nadya yokaʾ pama hnonok, nak pama beilinanya hnonok danamla.

YOHANES 10:16 ပူးပေါင်းရင်းမြစ်များ

MATIUS 17:5

Petrus bera anam wenyaboka yuba salamok sab-sab, debaʾ buma hnon sikenek so siklel yinggisuk dara, debaʾ lomok sam ab yuba hnon, ”Nadya wanaʾ nong ulumna me nera ban. Alja nadya ganya hekel eleklenel. Alak pe keblulum e!” hyok.

LUKAS 15:8

”Goma, gela hnon sagobadya rupiah beiyisobok, hnon gaboka weiningganamso dara, gela gera na rupiah aboka hekaʾ hubnamso do? Wera gera alja e sembejaʾ bokoka, wesaʾ yeboka yok pik nidyaʾ ero yabalamsoʾ ara eibnamso.

YOHANES 10:11

”Nara domba pama pe beilinanya dibaʾ ulumna e. Domba pama pe beilinanya dibnya bera, alja nong enyek pam amba somogamnyaʾ anaba senelamla.

YOHANES 10:2

Anasa wera, domba pam pik yokaʾ ak uboka weklelanya bera, pama beilinanya yokaʾ nongnya bera alan.

YOHANES 10:27

Nadya pama yokaʾ ak dara, nara sikenek ella ulusinekanya, sikda nadya yuba keboka nak diriga yalanyak.

YOHANES 10:3

Pam lekaʾ ak sam welelanya bedya dara, pama beiyek yibinokaʾ aboka pika bakna dara, pam ara damnya bedya yuba keboka, nidyaʾ ellaʾ gigiro si yok-yok silisin dara, beiyik goboka mengelesil pika balamak.

YOHANES 10:4

Domba pama gong dara, nidyaʾ seleb beiyik sam bo goubsin dara, domba damnya bera mengewoka balamna dara, sikda alja yub orowek ella ulumakaʾ adya, keboka eimik diriga balamak.

YOHANES 10:5

Bok yok salyaʾanya bek dara, alja yuba sanaʾ elgom adya, yoknya bedya youbol yabasuso dara, alak kenaʾ loboka yeiri biniseng,” hyok.

YOHANES 11:52

Ban somoganamoknya nera, sik Yahudi nim emba ok lebnenggumok bok, nidyaʾ Imik Neyung mabo bokgogoka ulumek nim enyek, bolowoka neikaʾ ak nenewosululaʾ aboka somoganamoknya nenesa, ununumnaʾ dibaʾ lemok.

YOHANES 17:20

”Neyung o, nang en siksemba ok molonggulusin. Alda onoʾ eimik nim enebabya, yuba lelemnemakaʾ adya, nak dib senewanamak nim emba hnon mololamna.

YOHANES 6:37

Nidyaʾ Imik Neyung adya eleklenel nim era nak yanamak dara, bindowoululum aboka wekdo boboganggunusin.

RASUL 15:14

Simon bedya wen nuk lesilaʾ ara, Imik Neyung adya men youboka Yahudi gom nim eneba nadya mabo silibaʾ danok aboka sik gangganek ab hnon seleb domok adya, sikenek diri ulusuk anyek laga amasuknya nenesa lesil.

RASUL 18:10

Nara anablaboka ulunam anasa, heik enyegan nimi nauba ulumaknya nera, nadya nim anasa, yok nim edya anak yokaʾ unuwanggununjak,” hyok.

RASUL 22:14

Wera Ananias bedya nak lebnyok ara, Nunja neyung yabo sikja Imik Neyung adya, anda alja senelamla anyek ella dalom aboka dara, alja pelelanya eiyiwoka, alja yuba nong ak ab kebnelam anasa, gaboka donggel.

ROMA 11:25

Hem yab nang, wera anedya ugunda nunugok hyak ella ulumab senewoumunuk anasa, ban damok enyek ugunda ella doululum aboka, nara wenyhenesin: Israeli nang era sikja ganya hyak gasa adya, yok mok soko nim enyek hyak nauba wekel yok.

2 TESALONIKA 2:13

Nunjaʾ hemyab Imik Neyung adya wanaʾ ulusil nim o! Anasa, Imik Neyung ugunuk blebnesin senewoka weboka dosuknya nenesa leboka, nunda sobaʾ Imik Neyung ak perob aboka giblemab. Ban unusukaʾ ara, Imik Neyung Geisinya adya, Imik Neyung adyaʾ geisa mabo nenewoka, ugun nong adya Imik Neyung ak ab perob nong yuba hnon dib senelumaʾ adya ubsuk.

IBRANI 13:20

Dara namenaʾ pe unaʾ eleklesil Imik Neyung era, embengaʾ eleganasin amok eneng pik uboka, domba pam senenggom dubnya, nunjaʾ Wenelesilnya Yesus ara somoknaʾ ak ab saawoka bo yoknya bedya,

1 PETRUS 2:10

”Ugunda youmaʾ dara, Imik Neyung mabo silibaʾ unggululum bok, wenyek dara, Imik Neyung alja mabo silibaʾ ululum. Youmaʾ era, angoo yadyek senewoka arasinaʾ orok nim ek ululum bok, wenyek dara, angoo yadyek senewoka arasinaʾ seleb dolum nim ek ululum,” hyok.

1 PETRUS 2:25

Youmaʾ dara, ugun nong ara weiningdangamna pam eneso ululum, bok wenyek dara, perob pama beilinaʾanya bek dobdo yeiniboka, ugunja ganya beiyiwoka bo usinya bek yeiniboka ululum.

1 PETRUS 5:4

Anya senenggomaʾ imiknya nimi bo ulusilnya yanamla sum era, ugunuk ara senedyaʾ mekaʾ habnenggunumla bonaʾ enyek, senedyaʾ yakaʾ anyek eleganesil.

WAHYU 3:20

Nara pik sindamak sam sekoka pika glorum-glorum alasinaʾ anyek kendululum e! Nimi ben hnon nadya yuba keboka pika baknelya dara, nara wekoka alab eibdananamakanya, nara alab, alda nab, neikaʾ delemnenam.