YOHANES 1:29 - PERJANJIAN BARU NALCA YUBA

²⁹ Ampum ara, Yohanes bedya Yesus ara alak yalamokaʾ eiyimok dara, ”Soko nimi malya unaʾ doboka boboganesilnya Imik Neyung domba pam ara kendululum.

YOHANES 1:29 ပူးပေါင်းရင်းမြစ်များ

MATIUS 1:21

Maria gera eimik nengma ak beibnamla. Ban me nenedya alja nimi sikja malya unaʾ ak ab blebnesilaʾ anasa, alja si nera Yesus ak aboka sibnelam,” hyok.

YOHANES 1:35

Ampum ara, onoʾ anyagan Yohanes beb, alak diriga balarekaʾ penya nang eb, neikaʾ ulumek.

YOHANES 1:36

Dara, Yesus ara ono sam yabalamokaʾ eiyimok dara, alda wenhyok, ”Kendururum, Imik Neyung alja domba pam ara alan,” hyok.

YOHANES 1:43

Nenyek sum ara, Yesus ara Galilea sokok binimna senemok. Dara, Pilipus bek eibuk dara, ”Anda nak diriga yananelem,” hyok.

YOHANES 2:1

Liga penya seleb yenemok dara, Galilea sokok Kanaan heikek ara, gela dobdangoka masa youmek dara, Yesus eiling geneba onoʾ neikaʾ unumekaʾ ak ulumok.

YOHANES 3:16

”Al Imik Neyung adya nimi soko nim ek, hyak wanaʾ ulusuukanya, alja me hyak hnonok bok, nimi soko nim amba bokol yeilisuk. Nimi nidyaʾ hnonok-hnonok alak dib senewoka dobnamak dara, somoganggunumak bok, embengaʾ unaʾ dibaʾ dorowanamak aboka, alja me bokol yeilisuk.

YOHANES 4:42

Dara, Samaria nim edya ban gel genyek an, ”Anja nuk wenyasilimaʾ adya ok dib senewanggumab. Wenyok alda nun dam nang okoka heng yokaʾ bekoka eiyimabakanya, alja lelemla yuba kemabaʾ adya, alak dib senewoka doboka, alda soko nimi bleblesilnya dibaʾ ulusilaʾ ara ella ubab,” hyek.

YOHANES 6:51

Imik heikek ab embengaʾ unaʾ gwaneng yinggyukaʾ ara, na nong ulumna. Anasa, heknedya ban gwanenga delenya bera, hyak sob-sobaʾ or ulmoublumnamla. Ban gwaneng era nadya nong ek lemna. Nadya nong ek, ban soko nim emba, nim embengaʾ ulunokaʾ aboka, eleganamnaʾ ak lemna,” hyok.

RASUL 8:32

Dara Etiopianya bedya, Imik Neyung yuba einilimokaʾ ara ban: ”Alda domba pam ara pam olomak nang ek bo balamak sok, alak doboka bo bilimek. Dara, domba pama me ak honga garalamna ek yuba sanggulumla sok, albabya si akoka yuba sanaʾ ara orok.

1 KORINTUS 15:3

Hemyab o, nadya ugunuk yokaʾ-yokaʾ leb elegesisaʾ ara, nadya seleb dobsenya nek leb elegesisa. Imik Neyung yuba momnya dobok sok, hyak dib nong ara, Kristus somogok ara nunja malya unaʾ enesa somogok aboka, seleb leb elegesisa.

2 KORINTUS 5:21

Kristus pik uboka, nuk Imik Neyung alja peldisinaʾ danokaʾ aboka, Kristus ara malya unaʾ elgomnya benyek, Imik Neyung adya Kristus ara nunsamba leboka malya unaʾanya nenemok.

GALATIA 1:4

Nunja malya unaʾ enesa leboka, wen malya unaʾ sokok an ulumabaʾ ak anyeb, blebsununaʾ aboka, nunja Wenelesilnya Yesus Kristus, al nong elekdok. Ban unuwokaʾ ara, nunja neyung Imik Neyung bedya seinimokaʾ sunuwoka unuwok.

GALATIA 3:13

Imik Neyung yub ek ara, ”Gal ikoka oboka dibeknya bera, weil malyaʾ glokeknya bek ulumla,” aro momnya dobok. Bok wenyek dara, Kristus adya nunsamba weil malyaʾ glokeknya dangasukaʾ adya, nunda unuwanalum an yub ek ab weil malyaʾ gloksukaʾ ak ab, hweboka blebsuk.

1 TIMOTIUS 2:6

Alda nimi nidyaʾ amba leboka sikja malya unaʾ ak blebsunun badya aboka, alja nong enyek leb elekdonunaʾ aboka, elegesuk. Dara nera, sum enyek unuweisinya senewoka orowek seinimok sum era, yenewoka laga dok dara, al nong elekdok.

TITUS 2:14

Nuk malya unaʾ nidyaʾ ak ab blebsununaʾ aboka, al nong anyek nunsamba leboka elegosuk. Anadya wera alja mab ok nenewoka, malya unaʾ mekaʾ unggom nimi neniyiwoka, perobnya nenyek, yeng ganya boboka ulunokaʾ aboka, ubsuk.

IBRANI 1:3

Imik Neyung adyaʾ hyak imik senenggom dilinaʾ era, me al nong ulumla. Imik Neyung nonga laga unaʾ dibaʾ ara, Yesus adya unaʾ pik an ulumla. Wera sokok sam ab imik sam hnon nidyaʾ ulumlaʾ amba dara, alda migib yub adya akwaʾ doboka bo ulumla. Yesus ara soko nim emba malya unaʾ ak ab seleb perobaʾ nenebgogowok dara, Imik Neyung hyak imik ululanya beb neikaʾ imik heikek sam nimi wenewoka bo usin ekla bunaʾ ak sam bukok.

IBRANI 2:17

Ban nenesa leboka, Yesus ara gobdo nimi nonga dangoka, nim adya ununaʾ dobnunaʾ aboka ubuk. Wera anadya Yesus ara Imik Neyung amba bojam uboka, angoo yadyek senewoka arasinya dangoka, yuba wa gakaʾ dubnya ulununaʾ aboka ubsuk. Dara, nidyaʾ nim adya malya unaʾ doboka bobogosululaʾ aboka ubsuk.

IBRANI 9:28

Anasonya neikek Kristus ara nimi nauba sikja malya unaʾ doboka bobogousululaʾ aboka lika hnonok elekdangoka somogok. Wera sumen penenya yanalanya nera, malya unaʾ amba meewoununaʾ aboka yanggunumla, alda nim alak yanamlaʾ amba diri ulumak nim enyek dib blebsinaʾ bo yanamla.

1 PETRUS 1:19

alda hyak perob nongaʾ anyek deksuk. Kristus ara giriwaʾ deregoka menengaʾ unggulumla domba pam enesoʾ ak uboka, al Kristus alja eneng era, senenggom deknaʾ eneso eneng edya deksuk.

1 PETRUS 2:24

Nu nong anyek malya unaʾ adya gobuka ulusukaʾ anyek bleboka perobaʾ nenewosununaʾ aboka, anadya Imik Neyung adya unu ubseng senelelanya sunuwoka ubnokaʾ aboka, nunja malya unaʾ gong dara, Kristus adya huka boboka gal ak somogok, Kristus adya eneng menengaʾ edya ugunuk ara bleboka hwebsuk.

1 PETRUS 3:18

Anasa leboka, Kristus ara lika hnonok ugunja malya unaʾ amba aboka, malya unggulumoknya benyek malya unaʾ nim emba aboka somogok. Kristus adya ban unuwoknya nera, anadya ugun nong anyek doboka Imik Neyung ak bo busununaʾ aboka ubok. Alda nong bokaʾ ak salyaʾ obek bok, subokaʾ ak dara, ganya ak suboka bukok.

1 YOHANES 2:2

Wera Yesus Kristus al nong adya pika moruwoka nunja malya unaʾ amba somogousuk. Nera or nunja malya unaʾ ok gom, al nidyaʾ soko nimi malya unaʾ amba somogok.

1 YOHANES 3:5

Kristus sokok sam yeilimok ara, nim adya malya unaʾ doboka bobogosununaʾ aboka yeilimokaʾ ara, ugunda ella ululum. Dara, malya unaʾ ara Kristus lomok ara hyak unggulumlaʾ ara, hnon ella ululum.

1 YOHANES 4:10

Wanaʾ unaʾ ara ban: Nunja Imik Neyung ak men wanaʾ ulumouba gomaʾ, bok alda Imik Neyung adya nuk wanaʾ ulusuukanya, nunja malya unaʾ amba doboka bobogosululaʾ aboka, alja yando me hnonok bok nunsamba bokol yeilisuk.

WAHYU 1:5

Anya Yesus Kristus yuba bojam laga lelesilnya bedya ugunuk ban nidyaʾ elegoka ulusulul. Yesus nong anyek, alak men nimi somoknaʾ ak ab suboka embengaʾ bukiyimoknya uboka, onoʾ al nong anyek nidyaʾ soko dub nang ulumakaʾ sikenek wenewoka bo usinaʾ dubnya ulumla. Dara alak, al Yesus ara nuk wanaʾ uboka, alja eneng edya, nunjaʾ malya unaʾ ak sam ab, blebsuknya bek,

WAHYU 12:11

Dara nunja hemyab era, domba me eneng adya hnon, dib yub ak hnon, sikja laga lelemeknya nenedya, alak oblamagamek. Sikda sik nong anaba, or somogamnya anaba senewoka seleb unuru yabalamek nang.

WAHYU 13:8

Dara ban yu nongaʾ ak ara, sokok an ulumak nimi nidyaʾ ara, alak giblemnemak. Bok anam soko uyiwanggom salek enyek ab moruwoka orob domba me aljaʾ nim embengaʾ un buku lomok sam si unggulumlya nim era, ban yu nongaʾ ak giblemnemak.

WAHYU 14:1

Onoʾ nara kemedesa enyek, na saramek sam ara, domba me ara Sion meinik seklemokaʾ ak eibsa. Wera alablaboka dara, alja si ab, alja nei bedya si neb, sik asok ok momnya dorob nang era, seratus empat puluh empat ribu nang ab neikaʾ seklemek.

WAHYU 14:10

Imik Neyung adya yu sen-sen anaʾ ara, seleb orowek beiyimlyaʾ anyek, hnon mekaʾ namenaʾ nenenaʾ orok anyek, dobnemak! Ban dobnemak nim era, geisa lero nang ab, ban domba me ab, sikja saramek sam, uk mek adya birim-birim aboka singilamlyaʾ lomok, lobaʾ nenewoka gweklemnemak.

WAHYU 14:4

Ban nang era, sikda gelewa ab neikaʾ unggulumek nang. Sikda anam goubunya ulumna gel, nengmab adya hnon anam salawanggumnaʾ gel genesoʾ ak ulumek nang. Anya ban domba me ara, yokok yabalamnaʾ nidyaʾ ara, sikda neikaʾ ok balamek. Hnonda sokok an ulumak nimi nidyaʾ ak ab dara, sikinek hnonok munaʾ dekoka, Imik Neyung bek ab, domba me ak, mennya eleknaʾ dibaʾ gebsuk nang.

WAHYU 15:3

Dara, Imik Neyung wa wenya Musa beb, domba me ab, sikja seblemek bera era anaso: ”Imik Neyung, hyak migib nongnya ululam. Anja unululamaʾ ara hyak omom nongokanya, hyak senenggom! Nidyaʾ mok soko amba wenewoka bo uboka, senenggom dubnya ululam. Anja unulusilimaʾ ara pe beknaʾ sunuwoka, yana lelewoka, perob ok unululamnya.

WAHYU 17:14

Anya sikda domba me ak mala boboka oldalamnamak. Bok ban domba me ara nidyaʾ wenelesak nang sikja senenggom Wenelesilnya ulumnamlakanya, nidyaʾ dub nang dubnya ulumlaʾ anasa, alab, sikenek weboka doboka alak bojam ulumak nang eb dadya, oblamaganamak,” wenyaboka nekenyok.

WAHYU 19:7

Domba me gela don sum era, seleb oka dalakanya, alja dobnamla gel gera seleb meebgogowalaʾ anasa, wera nunda nidyaʾ ara eiya ganya boboka, eiya hlaboka glolomnemabakanya, alja si imik nenelemnemab!

WAHYU 19:9

Dara onoʾ lero adya nak hnon, ”Banyek momnya dobnelamaʾ ara, Sik domba me gela dobnamlaʾ ak an masa del yanalum henesil nim era pe ulumnamak, momnya dobnelam,” henyok. Dara onoʾ hnon lebokja, ”Ban lebna yub dara, Imik Neyung bek ab uboka, hyak aldib nongaʾ ak lebna yub era an,” wenyhenyok.

WAHYU 21:14

Anya, heik en egomnaʾ ikokaʾ ara, obadya senenggomaʾ ikoka sobookanya, domba me adya nim obadya nang yuba lenaʾ gak nang, sikja si nera anyagan momnya dobok.

WAHYU 21:27

Bok hyak dib nong ara, ban perob heikek ara, sembejaʾ digum gom, nimi nidyaʾ malya unaʾ hwam ok unulumak nimi gom, sondaʾ nauba lelemak nimi gom, ane digum nim era, hyak weknenggunumak. Alda, sik domba me adya aljaʾ embengaʾ un bukuk sam, si momnya domlya nim enyek ok, goʾ weknamak.

WAHYU 21:9

Wera onoʾ, ban sekbadya nimi somoknaʾ damoka sala ulumek sekbadya lero nang enyek, ben hnonja nak yeiniboka lebokja, ”Imik Neyung bedya me nedya gela dobnamlaʾ anyek aawanenggenaʾ anasa, anyagan kemel yalom,” henyok.

WAHYU 5:6

Wera nara ekla bunaʾ hnoumung ab, ban dombadya gamyakaʾ ab, anya ban nonga kaboka wa borob nang hnoumunga ara, kemel yabasa enyek, domba pam me hnonok, seleb oboka beiyimnaʾ anasoʾ anyek, bonga sekbadyakanya, henga sekbadya ak sekemokaʾ anera, Imik Neyung aljaʾ ganya sekbadya ak mok soko me nidyaʾ ak boksuk ara an.

WAHYU 5:8

Ban unu dol yabok dara, an dombadya gamyakaʾ eb, domdaraʾ badya nonga kaboka wa borob nang eb dara, al saramek hogung oumub ligiwek. Dara, sikda yok-yok benggong hnonok, emas mek hmeiya hnonok, gen-gen song meklaʾ adyok deknemokaʾ anyek salawek. Anera munaʾ Imik Neyung mab adya molonaʾ era an.

WAHYU 6:1

Dara nara kemelamsa enyek, domba me ara mem an beknaʾ denenaʾ sekbadya ulumokaʾ ak anyeb, mennya nek bakokaʾ ak eibsa. Anya, dombadya gamyakaʾ anyek, mennya nedya liming yub anasoʾ ak bii aboka, ”Yanggalom!” al yabok ak kebsa.

WAHYU 6:16

Dara sikda ban girik mein danyek an lebekaʾ ara, ”Dakoka nuk sikleweisiminikanya, al imik ekla bunaʾ ak bululanya bedya hogung ak ab, domba me adya waboka osinaʾ ak ab, nunda dokneiyiweisilom,” alamek.

WAHYU 7:14

Dara nadya benyek an, ”Nadyaʾ neyung o, anda seleb ella ululam,” hesa. Dara onoʾ alja nak, ”Wera an nang enera igina kweboka okna ulusilaʾ ak ab gobek nang era an. Sikja akleng era, domba me eneng adya seleb meka elegoka, geisa nenerobaʾ ak ulumak nang era an.

WAHYU 7:17

Wera domba me, senenggom ekla bunaʾ ak hnoum ululanya bedya, sik nong ara pe beiyiwoka bo ulumnesilikanya, alda embeng mek luk sam bo balamnesil. Anya wera, Imik Neyung adya sikenek ulusil heng mekaʾ nidyaʾ ara, lubnesil,” wenyaboka lebnyok.