YOHANES 1:21 - PERJANJIAN BARU NALCA YUBA

²¹ Dara, alak heimek, ”Ban wenyalam dara, heknya ululam do? Anda Elia de?” aboka heibek bok, ”Nara Elia benyaʾ gomaʾ,” hyok. Dara, anda eimik yanamla alanjaknya ununumnaʾ lenya bera anda an de?” hyek. Bok, ”Orok,” hyok.

YOHANES 1:21 ပူးပေါင်းရင်းမြစ်များ

MATIUS 11:14

Anasa ugunda alak or dib senewanamna senewomun dara, Yohanes bera Elia be an lunuwoka ulumla an, al yanamokaʾ amba dara, ununumnaʾ lelemek nang edya orowek lebgogomek.

MATIUS 16:14

Dara Yesus alja yuba doro diriga ban nang edya alak, ”Hnon nim edya dara, Yohanes Pembaptis alamak. Onoʾ hnon nim edya dara, Elia alamak. Onoʾ yok nim edya dara, Yeremia ben gom, yok ununumnaʾ lelemoknya gom, alanjak,” hyek.

MATIUS 21:11

Dara, Yesus balamokaʾ amba nimi nauba neikaʾ balamek nim edya, ”Alda ununumnaʾ lelelanya, Yesus ara an, alda Galilea sokok Nazaret heikek abnya bera an,” wenyalamek.

LUKAS 1:17

Anya alda Wenelesilnya bek ab dara, alak men yuba lero bokol yangganya danamla. Dara alda Elia be ulumok sok, eili bera alaʾ me ak ganya dangawoka, ganya malya nim era pelemak nimi ganya ak dangawoka unuwanokaʾ aboka, hyak migibnya senenggomnya ulumnamla. Ban unuwanamlaʾ adya, Wenelesilnya bemba nimi nauba orowek meewoka beibnamla,” hyok.

YOHANES 1:22

Dara onoʾ ”Dara, anda heknya ululam do? Orugosak nang ak ban wenyamla henemabaʾ anasa, nara benyaʾ aboka neksilom. An dam nang ak hekaʾ aldalalam do? aboka heibek.

YOHANES 1:25

Dara, sikda Yohanes bek, ”Anda Kristus unggululam, Elia unggululam, eimik yanamla alamek ununumnaʾ lenya unggululam jok dara, hekasa meka dalasilim do?” aboka heibek.

YOHANES 6:14

Nimi nauba Yesus adya unumok anyek, hyak lokso unumok eiyimek dara, ”Lok so beknaʾ ununumnaʾ lebnelanya sokok an yanamla, youmaʾ wenyalamekaʾ ara wera alan,” hyek.

YOHANES 7:40

Ban wenyaboka Yesus adya yuba leboka neklesuk sum enyek, nimi darasam sik gangganek sam ab lelemekja, ”Senenggom ununumnaʾ lesinya eimik yanamla alameknya bera alan e,” alamek.