YOHANES 1:19 - PERJANJIAN BARU NALCA YUBA

¹⁹ Yerusalem heikik ulumek Yahudi nang edya, yuba gak nang ab, Lewi nang ab, anda heknya do aboka Yohanes bek heil bululum aboka orugomek dara, Yohanes bedya ban wenyaboka laga lebok,

YOHANES 1:19 ပူးပေါင်းရင်းမြစ်များ

YOHANES 1:7

Al pik uboka nimi nidyaʾ dib senewanokaʾ aboka, ban dilinaʾ enyek, geklewoka neksununaʾ aboka yeilimok.

YOHANES 10:24

Ban sum enyek, Yahudi nang era Yesus ak aknel ganagal yeiniboka, ”Anda nuk lobaʾ nenelesilimaʾ ara hek sum lobnesilim do?” aboka heibek. ”Anasa wera, anda aldib Kristus nimi blebsinaʾ dubnya ulumen bok dara, nara alan aldib ulumna aboka or laga poboka leblom,” hyek.

YOHANES 10:31

Dara onoʾ saaboka Yahudi nang edya, Yesus ak girik adya doboka obnobaʾ aboka ulumek.

YOHANES 11:19

Wera sikja dong be Lazarus seleb somogomokaʾ anasa, Yahudi nanga nauba, Maria geb, Marta geb dak, sikja ek sam nimi saleka bul yeilimeekanya, ganya hek elekgiga yeilimek.

YOHANES 2:18

Yesus adya ban unusukaʾ seleb dara, Yahudi dub nang era Yesus ak, ”Wera or anja nuk hekaʾ hubmen anyek eibnobaʾ aboka, anasa ulumna aboka hyak yok so beknaʾ dibaʾ enyek unuwalom,” hyek.

YOHANES 2:20

Dara, sikda alak, ”Gibnaʾ denga penya sorob Imik Neyung e nenyek babya, anja liga winilya sobnamna helemaʾ de?” hyek.

YOHANES 5:10

Anasa wera, Yahudi nang edya, wenyok meremoknya bek, ”Sumen era Sabat mem sum anasa, anda anja esonaʾ doboka bo yabanaʾ ara unuwanalum an yuba mem alamla,” hyek.

YOHANES 5:15

Dara meremoknya bedya, wera Imik Neyung ek ab goboka biniboka Yahudi dub nang ek sam, ”Nara Yesus adya hwenel,” aboka nekdo bilimok.

YOHANES 5:16

Anasa leboka, Yahudi nang edya dara, Yesus ara Sabat mem sum bok, nimi hwemokaʾ anasa, alak obnobaʾ aboka dub einimek.

YOHANES 5:18

Wera Yesus adya ban wenyaboka lemok yub edya, Yahudi nang era, hyak Yesus ak obnobaʾ aboka nauba so yeiriwoka dulumek. Dara, nera Sabat mem sum bok, nimi bleboka hwelesuk amba ok gom. Onoʾ alda, Imik Neyung ara nadya neyung aboka lena adya, wera nera Yesus ara, Imik Neyung nonga gebeldalamla senewoka, dulumek.

YOHANES 6:41

”Nara imik heikek ab yinggilimsa embengaʾ unaʾ gwaneng era nara alan,” hyok. Anasa, sikda Yahudi nang alak wab einimek.

YOHANES 6:52

Yahudi nang era, Yesus adya ban wenyalamok yuba kemek dara, sik moumen yu ganya boboka nauba wabdangoka lelemekja, ”Ban benera alja nong soub enyek nuk denokaʾ aboka hekaʾ huboka eleganesil do?” alamek.

YOHANES 7:1

Ban nidyaʾ seleb unuwoka lebgogomok dara, Yahudi dub nang edya obnobaʾ aboka ulumekaʾ anasa, Yudea sokok yibinggunusinya senewoka, Galilea sokok sam uru yabalamok.

YOHANES 7:11

Dara, Yahudi nang era, senenggomaʾ memelemekaʾ ak sam Yesus yalamla gom aboka kemelemeekanya, alda hanyagar ulumla do? aboka heilisik.

YOHANES 7:15

Dara, Yesus adya lero neklesuk anyek eiyiboka, Yahudi nang ganya loka daboka lelemekja, ”Alda sekolah donaʾ ara orok bok anasa, hekaʾ adya ban anaso lero neklesil do?” alamek.

YOHANES 8:22

Dara, Yahudi dub nang adya heibdangoka lelemekja, ”Na binyaʾ ak ara ugunda yamenggom alamlaʾ anasa, al damnya obdanamlaʾ ak lelemla de?” aboka lelemek.

YOHANES 8:48

Yahudi nang edya Yesus ak lebekja, ”Imik Neyung yuba donaʾ elgom nang Samaria nimi bisaʾ gologoknya anjubaʾ ara, dib lenjuba do?” hyek.

YOHANES 8:52

Dara Yahudi nang edya, ”Nunjaʾ neyung Abraham beb, yok-yok senenggom ununumnaʾ lelemek nang enebabya, seleb somogek bok anasa, anja dara, nadya yub ek dib senewoka unululanya bera hyak dib somoganggunumla alamaʾ adya, wera aldib anda bisaʾ gologonjoknya ululamaʾ ella ulunjab.

YOHANES 8:57

Dara, Yahudi nang edya alak, ”Bablong o, anda gibnaʾ denga penya ubnenggulam bok, Abraham bek seleb heng eiyilum de?” hyek.

RASUL 13:25

Wera onoʾ Yohanes bera alja wa seleb sidyaʾ webdaknemok sum era lebokja, Ugunja dara, nara heknya senelenulum do? Nara ugunja bera hek salek yanamla do senewoka diri ululumnya gomaʾ. Ugunja diri ululumnya bera na seleb uro dakdowanya danyek alda yanamla. Dara, nara alja yan ongonaʾ ara gwirin danaba, nara okna so danamso, wenyaboka lemok,” hyok.

RASUL 19:4

Dara, Paulus bedya sikenek lebsuk ara, ”Yohanes bedya meka dalasuknya nera, nimi meka dabsin nim enera, aldib malya unaʾ ak ab loboka ganya dangawok an danasa ulumok. Bok Yohanes bera nimi meka dalasuk ab dara, Israeli nim ek lelemokja, Nimi si Yesus alamaknya benyek, eimik era yanamla anasa, alak dib senewolulum, wenyaboka dalasuk,” hyok.

1 YOHANES 1:5

Ban yub enyek alja me nek ab kemoubukanya, ugunuk leb elegesuba yub era ban: Imik Neyung ara alda dilinaʾ ok uboka, gunaʾ ara al lomok hnon mekaʾ unggulumla.