YOHANES 1:16 - PERJANJIAN BARU NALCA YUBA

¹⁶ Dara, alja deknewoka ulumlaʾ ak ab, nunda nidyaʾ domouba. Alja wanaʾ uboka eleksinaʾ elegel sounulusilekanya, sobaʾ dolmorulumab.

YOHANES 1:16 ပူးပေါင်းရင်းမြစ်များ

MATIUS 13:12

Nimi nidyaʾ orowek nauba bolomak nim era, sikenek nauba elek maknesil dara, hyak nauba bolomnemak. Bok yokaʾ-yokaʾ hnonda boldonaʾ orok nim era, sikenek an wen mekaʾ ulusilnya nera, sikenek ab dobnamla.

MATIUS 3:11

”Nak dara, malya unaʾ ak ab seleb ganya dangawak anaʾ dibaʾ amba, mek dem adya ok dalasin bok, nak berem eimik yanalanya bedya dara, alda ugunuk Imik Neyung Geisinya ab uk ab dadya, mek dibaʾ dabnesil. Nak dara or mek so bok, alak dara, hyak senenggomnya bek yanamla. Alja yan ongonaʾ anaba, nak dara doboka bobnenggunusinya.

MATIUS 3:14

Bok Yohanes bedya meka dabnenggununggen aboka Yesus ak, ”Nak danyek, neyung, anja meka dabnenesom. Bok wenyek dara, neyung anak nak an yalem!” hyok.

LUKAS 21:15

Ugunjaʾ isaʾ nang edya, ugunuk malya nenewoka obneboka, ugunja lebnemun yub era sondaʾ amba lebak senen dalyek aboka, nadya ugunuk sabnemun yub eb, ella dangan geremseng eb eleganesin.

YOHANES 3:34

”Dara, Imik Neyung adya bokol yeilimoknya bedya, Imik Neyung bedya lelemla yub enyek lelemla. Alak ara Imik Neyung Geisinya elegelmorulamla.

ROMA 5:17

Anasa, hnonoknya bedya meknenaʾ enesa leboka, wera ben pik ab uboka somoknaʾ damok ara, ob lelewok dara, nauba so ara, nim Imik Neyung adya perob eleksinaʾ doboka, hmaboka perobaʾ geblesil nang ek dara, ban hnonoknya Yesus Kristus adya, ob lelewoka embengaʾ ulmorulemnemak.

ROMA 5:2

Dara ban ganya aldib senelemabaʾ adya, nunda al pik uboka, perob eleknaʾ ban pik era seleb doboka ulumab. Anya, nunda ban perob eleksinaʾ pikek ulumabakanya, Imik Neyung adyaʾ perobaʾ senenggomaʾ ara, dobnemab senewoka, ganya weboka bolboloklemab.

ROMA 5:20

Bok meknenaʾ hwam ok dangalalul aboka, unuwanalum an yuba hnon makok. Dara, hanyagarek meknenaʾ hwam ok gong danggiga balamlaʾ ak ara, wera wanaʾ uboka eleksinaʾ ara, sounum-sounum abgiga balamla.

ROMA 8:9

Bok Imik Neyung Geisinya ugun nong lomok seleb ulusil dara, ugunda nimi ganya adya bo unggulusil, bok Geisinya adya bo ulusil. Bok onoʾ nimi be hnon Kristus adyaʾ Geisinya unggulumla dara, alda Kristus bedyinya unggulumla.

EPESUS 1:23

Yok-yok mok soko nidyaʾ yokaʾ-yokaʾ ulumlaʾ ak deknewoka ululanya Yesus Kristus alja nong dibaʾ ara, yuba don nimi hiboka ulumaakanya, sikba alja deknelesil nang ulumak.

EPESUS 3:19

Anya Kristus adya wanaʾ ulusilaʾ ara, nimi ganya sirikaʾ adya dara, nidyaʾ pe olowoka ella danggunusengnya nenyek, ugunda ella dolulum aboka mololesin. Dara, ugun nong ara, Kristus adya wanaʾ unaʾ pe olowoka ella ulumunukanya, Imik Neyung hnonok ok ulumla nong unaʾ enyek, deknewousululaʾ aboka mololesin.

KOLOSE 1:19

Wera anasa, Imik Neyung ulumlaʾ nidyaʾ ara, neyung adya ganya doboka alaʾ me ak yeindeboka al lomok munaʾ gobdo ulumla.

KOLOSE 2:3

Dara, nidyaʾ geremseng uboka, ella dangoka pesinaʾ damok ara, alak danyek ulumla.

1 PETRUS 1:11

Kristus aljaʾ Geisinya sikjaʾ ganya lomok an ulusuukanya, al Geisinya adya Kristus ara hekaʾ huboka somogoka, eimik era al nong ak imik nenewanamokaʾ anyek unuwanamla aboka sikenek lelesuk. Dara hekaʾ huboka, hek sum ek dib gigiwanamlaʾ ella danob senewoka dulumek.

1 PETRUS 1:2

Neyung Imik Neyung bedya albeyok men seinimokaʾ sunuwoka, Imik Neyung Geisinya adya, alja geisa mabo nenelesilaʾ adya, ugunda Yesus Kristus ak pe keeboka unuwolulumaʾ aboka, Yesus eneng adya mek elegosululaʾ aboka, Imik Neyung adya ugunuk weboka dobsuk. Anara Imik Neyung amba ok munaʾ gobdo ulunokaʾ aboka ubsuk.